ដើម្បីតែកិត្តិយសបា.ញ់សម្លា.ប់ប្អូនចោល
AFP ផ្សាយថា ក្រុមគ្រួសាររបស់នារីអាយុ២២ឆ្នាំម្នាក់ បានជំទាស់លើការរៀបអាពាហ៍ពិពាហ៍របស់នាងជាមួយបុរសជាគូស្នេហ៍ ហេតុដូច្នេះហើយទើបពួកនាងរត់តាមគ្នា និងធ្វើដំណើរទៅតុលាការនៅ
AFP ផ្សាយថា ក្រុមគ្រួសាររបស់នារីអាយុ២២ឆ្នាំម្នាក់ បានជំទាស់លើការរៀបអាពាហ៍ពិពាហ៍របស់នាងជាមួយបុរសជាគូស្នេហ៍ ហេតុដូច្នេះហើយទើបពួកនាងរត់តាមគ្នា និងធ្វើដំណើរទៅតុលាការនៅក្រុងMultanភាគកណ្តាល ប្រទេសប៉ាគីស្ថានក្នុងរយៈពេលប៉ុន្មានថ្ងៃក្រោយដើម្បីសុំចុះឈ្មោះអាពាហ៍ពិពាហ៍ ។
លោកRao Tariqប៉ូលិសក្រុងMultanឱ្យដឹងកាលពីថ្ងៃទី៨ សីហា ២០១៧ ថា បងប្រុសរបស់នារីនោះបានឮដំណឹងថា ប្អូនស្រី និងគូស្នេហ៍កំពុងធ្វើដំណើរទៅតុលាការ គេក៏ទៅស្ទាក់បាញ់អ្នកទាំង២ បណ្តាលឱ្យប្អូនស្រីស្លាប់បាត់បង់ជីវិតនៅកន្លែងកើតហេតុ ។ ចំណែកគូស្នេហ៍រងរបួស និងស្លាប់នៅមន្ទីរពេទ្យក្នុងពេលបន្ទាប់ ។
មេធាវីដែលធ្វើដំណើរទៅជាមួយ ក៏ត្រូវគ្រាប់រងរបួសដែរ ។ ចំណែកជនល្មើសបានចូលសារភាពប្រាប់ប៉ូលិស ។
កន្លងមកស្ត្រីជាច្រើននៅប៉ាគីស្ថានត្រូវសមាជិកគ្រួសារសម្លាប់ ដើម្បីកិត្តិយសគ្រួសារ ព្រោះតែនាងសេពគប់មនុស្សដែលគ្រួសារមិនពេញចិត្ត ឬប្រតិបត្តិខុសទំនៀមទម្លាប់ ។ ជនល្មើសច្រើនជាបុរសតែមិនទទួលទោសទេ ក្រោយពីទទួលការអភ័យទោសពីសមាជិកក្នុងគ្រួសារ ៕
ចែករំលែកព័តមាននេះ