ព្រឹត្តិការណ៍ Miss Globle 2017 លើកកិត្តិនាមនារីកម្ពុជា
រាជធានីភ្នំពេញ ៖ ជំនួបពិភាក្សារវាងលោកថោង ខុន រដ្ឋមន្ត្រីក្រសួងទេសចរណ៍ នៅទីស្ដីការក្រសួងទេសចរណ៍ នាព្រឹកថ្ងៃទី១២ ខែសីហា ឆ្នាំ២០១៧ ជាមួយលោកអឿន រតនៈ ប្រធានប្រតិភូ
រាជធានីភ្នំពេញ ៖ ជំនួបពិភាក្សារវាងលោកថោង ខុន រដ្ឋមន្ត្រីក្រសួងទេសចរណ៍ នៅទីស្ដីការក្រសួងទេសចរណ៍ នាព្រឹកថ្ងៃទី១២ ខែសីហា ឆ្នាំ២០១៧ ជាមួយលោកអឿន រតនៈ ប្រធានប្រតិភូ
រាជធានីភ្នំពេញ ៖ ជំនួបពិភាក្សារវាងលោកថោង ខុន រដ្ឋមន្ត្រីក្រសួងទេសចរណ៍ នៅទីស្ដីការក្រសួងទេសចរណ៍ នាព្រឹកថ្ងៃទី១២ ខែសីហា ឆ្នាំ២០១៧ ជាមួយលោកអឿន រតនៈ ប្រធានប្រតិភូ Miss Globle ប្រទេសកម្ពុជា ដែលត្រៀមធ្វើជាម្ចាស់ផ្ទះរៀបចំព្រិត្តិការណ៍ប្រឡងបវរកញ្ញាពិភពលោក (Miss Globle ) នាខែវិច្ឆិកា ឆ្នាំ២០១៧ ដោយមានការចូលរួមពីបវរកញ្ញាតំណាងប្រទេសប្រមាណ៨០ ។
ក្នុងជំនួបនោះលោកថោង ខុន រដ្ឋមន្ត្រីរដ្ឋមន្ត្រីក្រសួងទេសចរណ៍បានណែនាំឲ្យអ្នកដឹកនាំ សហការជាមួយផ្នែកជំនាញរបស់ក្រសួងទេសចរណ៍ ដើម្បីធ្វើគម្រោងផែនការកម្មវិធីឲ្យបានច្បាស់លាស់ រាប់ទាំងកម្មវិធីទស្សនកិច្ចរបស់ប្រតិភូបវរកញ្ញាទៅកាន់គោលដៅទេសចរណ៍វប្បធម៌ ប្រវត្តិសាស្ត្រ ធម្មជាតិ សំខាន់ៗ ដើម្បីស្នើសុំគោលការណ៍អនុញ្ញាតពីរាជរដ្ឋាភិបាលជាមុន ។
លោកថោង ខុន ថ្លែងថា «ក្រសួងទេសចរណ៍ស្វាគមន៍ និងគាំទ្រព្រឹត្តិការណ៍ពិភពលោកដ៏ធំនេះ ដោយវាជួយលើកកិត្តិនាម ទេពកោសល្យរបស់បវរកញ្ញាកម្ពុជា វាក៏ជាឱកាសជួយផ្សព្វផ្សាយពីកម្ពុជា ទៅកាន់ពិភពលោកផងដែរ »។
លោកអឿន រតនៈ អ្នករៀបចំការប្រឡងបវរកញ្ញាពិភពលោកលើកឡើងថា ព្រឹត្តិការណ៍ Miss Globle នៅកម្ពុជា ឆ្នាំ២០១៧នេះ នឹងផ្ដល់ផលប្រយោជន៍ជាច្រើនជូនជាតិកម្ពុជា ពិសេសគឺការផ្សព្វផ្សាយតាមរយៈខ្សែវីដេអូ ដោយលោកបានមើលឃើញពីការរីកចម្រើនរបស់វិស័យទេសចរណ៍របស់ជាតិ ដែលកំពុងទាក់ទាញទេសចរកាន់តែ ច្រើនឡើងៗ ពីមួយឆ្នាំទៅមួយឆ្នាំ ដូច្នេះហើយទើបលោកចង់ឲ្យការផ្សព្វផ្សាយព្រឹត្តិការណ៍ទៅកាន់ពីភពលោក ភ្ជាប់ជាមួយទេសភាព និងទិដ្ឋភាពទេសចរណ ៍ពិសេសៗ ក្នុងប្រទេសកម្ពុជា ។
ការប្រឡងបវរកញ្ញាពិភពលោកដែលកម្ពុជាធ្វើជាម្ចាស់ផ្ទះនេះនឹងរៀបចំធ្វើឡើងចាប់ពីថ្ងៃទី១១ដល់ថ្ងៃទី១៨វិច្ឆិកា ឆ្នាំ២០១៧ នៅខេត្តសៀមរាប ដោយមានការសហការរៀបចំផ្សាយផ្ទាល់ពីស្ថានីយទូរទស្សន៍ហង្សមាសទាំងបច្ចេកទេសផ្សាយ និងការរៀបចំឆាកប្រឡង ខណៈដែលទូរទស្សន៍នេះមានបទពិសោធន៍រៀបចំកម្មវិធីខ្នាតអន្តរជាតិ ធំៗទទួលបានជោគជ័យកន្លងមក ។
មុននឹងឈានដល់ការប្រឡងបវរកញ្ញាពិភពលោកដែលមានប្រទេសចូលរួមចន្លោះពី៦០ទៅ៨០នោះ នៅដើមខែតុលា កម្ពុជានឹងរៀបចំប្រឡងជ្រើសរើសបវរកញ្ញាឯកដើម្បីចម្រាញ់យកម្នាក់ជាតំណាងឲ្យកម្ពុជាចូលរួមប្រឡងបវរកញ្ញានោះ ។ លក្ខណសម្បត្តិបេក្ខនារីត្រូវមានចំណេះដឹងខ្ពស់ផ្នែកវប្បធម៌ទូទៅ និងភាសាអង់គ្លេស ៕
ចែករំលែកព័តមាននេះ