រាជធានីភ្នំពេញ ៖ បន្ទាប់ពីអ្នកនាងឈិន សុធារី បើកហាងថ្មីមិនបានមួយថ្ងៃផងស្រាប់តែមានជម្លោះពាក្យសម្តីទៅវិញទៅមករវាងលោក សុវណ្ណ មករា លោកហេង ឡុង និងចន ច័ន្ទលក្ខិណា។ តើមកពីហេតុអ្វី?
រាជធានីភ្នំពេញ ៖ បន្ទាប់ពីអ្នកនាងឈិន សុធារី បើកហាងថ្មីមិនបានមួយថ្ងៃផងស្រាប់តែមានជម្លោះពាក្យសម្តីទៅវិញទៅមករវាងលោក សុវណ្ណ មករា លោកហេង ឡុង និងចន ច័ន្ទលក្ខិណា។ តើមកពីហេតុអ្វី?
កាលពីល្ងាចថ្ងៃទី១១ សីហា ២០១៧ អ្នកនាងឈិន សុធារី បានបើកសម្ពោធហាងផឹកស៊ី និងអាហារដ្ឋាន ដោយមានតារា ល្បីៗ៩នាក់ចូលរួមអបអរសាទរ ។
អ្នកនាងឈិន សុធារី ឲ្យដឹងថា បើកហាងមួយនោះនាងចំណាយអស់ប្រាក់ពីខ្លួនរលីង។ ទោះបីជាយ៉ាងណាក្តី នាងមិនបង្ហាញខ្ទង់ចំណាយពិតប្រាកដទេ ដោយគ្រាន់តែបានបង្ហើបឱ្យដឹងថា អស់ដល់ខ្ទង់ម៉ឺនដុល្លារប៉ុណ្ណោះ។
ក្រោយពេលសម្ពោធហាងនោះ លោកសុវណ្ណ មករា អតីតស្វាមីអ្នកនាងឈិន សុធារី ស្រាប់តែបង្ហោះសារតបលោកហេង ឡុង គូស្នេហ៍អ្នកនាងចន ច័ន្ទលក្ខិណា ដែលសរសេរថា «ហេតុអ្វីមិនអញ្ជើញប្ដីផង? «ផ្ទះកូនភ្លោះ» ភោជនីយដ្ឋានរបស់ឈិន សុធារី បើកសម្ពោធ មិនមានវត្តមានឪពុក(សុវណ្ណ មករា)»។ លោក សុវណ្ណ មករា សរសេរតបនឹងសំណេររបស់លោកហេង ឡុងថា «អញ្ជើញមិនអញ្ជើញវាទើសហេង ឡុង ឯងណាស់ទៅឬ ? ហេង ឡុង ឯងជាមនុស្សប្រុស ឬជាមនុស្សខ្ទើយ? បានចេះតែចូលមករុកកួនក្នុងរឿងគ្រួសារខ្ញុំម្ល៉េះ? ម្តងជា២ដងហើយ ហេង ឡុង ឯងគួរតែយកពេលទៅគិតរឿងប្រាក់មូលនិធិសិល្បករអស់សមត្ថភាពនោះវិញ ឥឡូវឮថាប្រាក់ទាំង នោះបានបាត់អស់ទៅហើយ…» ។
ក្នុងរឿងនេះដែរប្រធានសមាគមសិល្បករខ្មែរ និងសមាគមមិត្តសិល្បៈស្ម័គ្រចិត្តជួយសង្គម អ្នកនាងចន ច័ន្ទលក្ខិណា បាននិយាយដៀមដាមទៅលោកសុវណ្ណ មករាថា ជាមនុស្សប្រុសបោកប្រាស់បងប្អូនជីដូនមួយរបស់នាង ព្រមទាំងជំពាក់លុយតារាមួយចំនួនទៀតផង ។ គោលបំណងរបស់អ្នកនាងចន ច័ន្ទលក្ខិណា កុំឲ្យសុវណ្ណ មករា និយាយប៉ះពាល់សង្សាររបស់អ្នកនាង គឺលោកហេង ឡុង ។
អ្នកនាងចន ច័ន្ទលក្ខិណា សរសេរថា «អីុចឹងសូមលោកនិយាយពីរឿងលោកបោកប្រាស់បងប្អូនជីដូនមួយរបស់ខ្ញុំផង ។ ផ្ទះលោកឡានលោក និងដីមួយចំនួន សូមប្រគល់ឲ្យបងស្រីខ្ញុំផង ហើយរឿងលេចឮថាលោកបោកប្រាស់ជំទាវៗមួយចំនួនយកទៅធ្វើថៅកែកុន ពិតអត់? ហើយសងលុយតួគ្រប់ ឬនៅ ?
ខ្ញុំសូមប្រាប់ទៅបងប្អូនដែលនៅក្រៅស្រុកមួយចំនួន ដែលមិនមានអត្តសញ្ញាណប័ណ្ណសញ្ជាតិកម្ពុជា ទោះជាស្នេហាជ្រាលជ្រៅយ៉ាងណាក្តី កុំគួរទុកចិត្តហ៊ានដាក់ឈ្មោះគេឲ្យសោះ ប្រុសស៊ីដោយសារស្រី» ។
មហាជនចង់ដឹងថា តើលោកហេង ឡុង នឹងមានប្រតិកម្មអ្វីតបជាមួយសុវណ្ណ មករា ដែរ ឬទេ ? ព្រោះលោកមករា ថាភ័យជំនួស ខ្លាចតែលោកឡុង យកលុយមូលនិធិសិល្បករដែលប្រមូលបានពីកម្មវិធី «កតញ្ញូរាត្រី» ជិត២៧ម៉ឺនដុល្លារនោះ ទៅដោះស្រាយបំណុលផ្ទាល់ខ្លួន តែកន្លងមកអ្នកនាងចន ច័ន្ទលក្ខិណា ថាសមាគមមានគណនេយ្យកាន់ប្រាក់ត្រឹមត្រូវ មិនចេះតែដកហូតលុយបានតាមចិត្តទេ ៕
ចែករំលែកព័តមាននេះ