ប្រទះឃើញស៊ុតមានជាតិពុលនាំចូលពីអឺរ៉ុប
បញ្ហាស៊ុតមានជាតិថ្នាំសម្លា.ប់សត្វល្អិត ដែលបានសាយភាយនៅប្រទេសក្នុងសហភាពអឺរ៉ុប (EU) ទាំង១៥ និងប្រទេសស្វ៊ីស បានរាតត្បាតដល់ក្រុងហុងកុង កាលពីថ្ងៃសុក្រកន្លងមក ខណៈគណៈ
បញ្ហាស៊ុតមានជាតិថ្នាំសម្លា.ប់សត្វល្អិត ដែលបានសាយភាយនៅប្រទេសក្នុងសហភាពអឺរ៉ុប (EU) ទាំង១៥ និងប្រទេសស្វ៊ីស បានរាតត្បាតដល់ក្រុងហុងកុង កាលពីថ្ងៃសុក្រកន្លងមក ខណៈគណៈ
ហុងកុង ៖ បញ្ហាស៊ុតមានជាតិថ្នាំសម្លាប់សត្វល្អិត ដែលបានសាយភាយនៅប្រទេសក្នុងសហភាពអឺរ៉ុប (EU) ទាំង១៥ និងប្រទេសស្វ៊ីស បានរាតត្បាតដល់ក្រុងហុងកុង កាលពីថ្ងៃសុក្រកន្លងមក ខណៈគណៈកម្មការអឺរ៉ុបបានស្នើឲ្យមានកិច្ចប្រជុំពិសេសលើបញ្ហាកាន់តែរីកធំនេះ ។
រដ្ឋមន្ត្រី និងនាយកផ្នែកសុវត្ថិភាពអាហារមកពីសហភាពអឺរ៉ុប នឹងជួបគ្នានាថ្ងៃទី២៦ កញ្ញា ដើម្បីបញ្ចុះបញ្ចូលឲ្យប្រទេសនីមួយៗឈប់ស្តីបន្ទោសគ្នាទៅវិញទៅមក ។
ស៊ុតរាប់លានគ្រាប់បានយកចេញពីផ្សារទំនើបទូទាំងអឺរ៉ុប ហើយកសិដ្ឋានចិញ្ចឹមមាន់ជាច្រើនក៏បានបិទដំណើរការផងដែរ បន្ទាប់ពីបានប្រទះឃើញជាតិ fipronil ដែលអាចប៉ះពាល់ដល់សុខភាពមនុស្ស ។
សារជាតិនេះតែងតែប្រើប្រាស់ដើម្បីសម្លាប់ចៃ និងសត្វល្អិតដទៃទៀត ប៉ុន្តែសហភាពអឺរ៉ុបបានហាមឃាត់មិនឲ្យប្រើប្រាស់វាក្នុងវិស័យអាហារ ។
EU អះអាងថា សារជាតិនេះមិនគំរាមកំហែងដល់សុខភាពមនុស្សទេ ប៉ុន្តែអង្គការសុខភាពពិភពលោក (WHO) បាននិយាយថា វាអាចបង្កការប៉ះពាល់ដល់តម្រង់នោម, ថ្លើម និងក្រពេញទីរ៉ូអីុតរបស់មនុស្ស ប្រសិនបើទទួលទានជាតិនេះច្រើន ។
លោកស្រី Sophia Chan រដ្ឋមន្ត្រីផ្នែកសុខភាពរបស់ហុងកុង បាននិយាយកាលពីថ្ងៃសៅរ៍ថា អាជ្ញាធរកំពុងតែពង្រឹងការត្រួតពិនិត្យស៊ុតដែលនាំចូលពីអឺរ៉ុប ។
រឿងអាស្រូវទាក់ទិននឹងអាហារដែលធ្លាប់កើតមាននៅអឺរ៉ុបរួមមាន សាច់មាន់ និងស៊ុតមានជាតិ dioxin ក្នុងឆ្នាំ១៩៩៩ ដែលបានចាប់ផ្តើមពីប្រទេសបែលហ្ស៊ិក និងជំងឺគោឆ្កួត ចាប់ផ្តើមក្នុងប្រទេសអង់គ្លេស ចាប់ពីឆ្នាំ១៩៨៩ ដល់១៩៩៨ ៕
ចែករំលែកព័តមាននេះ