ខេត្តកំពត ៖ កាលពីព្រឹកថ្ងៃទី១២ ខែសីហា ឆ្នាំ២០១៧ លោក ហ៊ុន ម៉ាណែត បានអញ្ជើញជាអធិបតីភាព តំណាងដ៏ខ្ពង់ខ្ពស់របស់ សម្តេចតេជោ និងសម្តេចកិត្តិព្រឹទ្ធបណ្ឌិត នៅក្នុងពិធីសម្ពោធដាក់ឲ្យប្រើប្រាស់ជាផ្លូវការ មជ្ឈមណ្ឌលអីស្លាមអាល់ហ្សាមេល ស្ថិតក្នុងភូមិតាដិប សង្កាត់អណ្តូងខ្មែរ ក្រុងកំពត ខេត្តកំពត ។
ខេត្តកំពត ៖ កាលពីព្រឹកថ្ងៃទី១២ ខែសីហា ឆ្នាំ២០១៧ លោក ហ៊ុន ម៉ាណែត បានអញ្ជើញជាអធិបតីភាព តំណាងដ៏ខ្ពង់ខ្ពស់របស់ សម្តេចតេជោ និងសម្តេចកិត្តិព្រឹទ្ធបណ្ឌិត នៅក្នុងពិធីសម្ពោធដាក់ឲ្យប្រើប្រាស់ជាផ្លូវការ មជ្ឈមណ្ឌលអីស្លាមអាល់ហ្សាមេល ស្ថិតក្នុងភូមិតាដិប សង្កាត់អណ្តូងខ្មែរ ក្រុងកំពត ខេត្តកំពត ។
មជ្ឈមណ្ឌលអីស្លាមអាល់ហ្សាមេល គឺជាមជ្ឈមណ្ឌលមួយក្នុងចំណោមមជ្ឈមណ្ឌលទាំង២៣ របស់សមាគមន៍ប្រភពល្អកម្ពុជា ដែលកំពុងដំណើរការ និងសម្រេចការសាងសង់រួចរាល់ជាស្ថាពរ ។ សម្តិទ្ធផលដែលសម្ពោធដាក់ឲ្យប្រើប្រាស់ជាផ្លូវការរួមនាពេលនេះ គឺរួមមានមជ្ឈមណ្ឌល វិហារអីស្លាម និងស្រះទឹក សរុប១១កន្លែង ដោយក្នុងនោះរួមមាន ៖ មជ្ឈមណ្ឌលអីស្លាមអាល់ហ៊ូទែប ខេត្តតាកែវ, មជ្ឈមណ្ឌលអីស្លាមអាល់កាន់ដារី ខេត្តកំពត, មជ្ឈមណ្ឌលអីស្លាមអះម៉ាឌី ខេត្តកំពត, មជ្ឈមណ្ឌលអីស្លាមអាល់អាទីគី ខេត្តក្រចេះ, មជ្ឈមណ្ឌលអីស្លាមអាល់អាតសើនី ខេត្តស្ទឹងត្រែង, វិហារអីស្លាមអាល់អាបរត៉ ខេត្តត្បូងឃ្មុំ, វិហារអីស្លាមអាល់ខដ៏រី ខេត្តត្បូងឃ្មុំ, វិហារអីស្លាមអាល់ប៊ុនវ៉ាន ត្បូងឃ្មុំ, និងស្រះទឹកអ៊ុមមូហ្សីយ៉ាត ខេត្តតាកែវ ។
សមិទ្ធផលខាងលើនេះ ត្រូវបានចំណាយអស់ទឹកប្រាក់សរុប ចំនួន១,៧៨៦,៥៧០ដុល្លារ (មួយលានចិតសិបប្រាំបីម៉ឺនប្រាំមួយពាន់ប្រាំរយចិតសិបដុល្លារអាមេរិក) ដែលជាថវិកាឧបត្ថម្ភពីដៃគូសប្បុរសជនគុយវេត តាមរយៈសមាគមបណ្តុះបណ្តាលវប្បធម៌គុយវេត ។
នៅក្នុងប្រសាសន៍សំណេះសំណាល លោក ហ៊ុន ម៉ាណែត បានលើកឡើងថា ៖ ១.សូមសម្តែងនូវទឹកចិត្តសប្បាយរីករាយ ដែលទទួលបានឱកាសជាលើកទីពីរមកកាន់ទីនេះ ដោយលើកទី១ ក្នុងពិធីបញ្ចុះបឋមសិលាបើកការដ្ឋានសាងសង់ ៥មជ្ឈមណ្ឌល ហើយមកលើកនេះ សម្ពោធសមិទ្ធផលមជ្ឈមណ្ឌល និងព្រះវិហារខ្មែរអីស្លាមរហូតដល់ទៅ១១កន្លែង ។ ២.សូមកោតសរសើរដល់សមាគមន៍ប្រភពល្អកម្ពុជា ដែលបានខិតខំដំណើរការសកម្មភាពមនុស្សធម៌របស់ខ្លួន អនុវត្តការងារបណ្តុះបណ្តាលសិស្សានុសិស្ស យុវជនខ្មែរអីស្លាមយើង និងការសម្រេចបាននូវសមិទ្ធផលដ៏ធំធេងនេះថែមទៀត ។ ៣.សុខសន្តិភាពរបស់កម្ពុជា បានប្រែក្លាយទឹកដីសមរភូមិសង្គ្រាម តំបន់នៃការកាប់សម្លាប់គ្នា និងជាចំការមីន ឲ្យក្លាយទៅជាចំការកៅស៊ូ និងចំការកសិផលផ្សេងៗជាច្រើន ដែលយើងត្រូវតែចងចាំទុក និងកុំចង់ប្រែក្លាយចំការដំណាំរបស់យើងនេះ ឲ្យវិលត្រលប់ទៅជាចំការមីនវិញទៀតឡើយ ។ ៤.សន្តិភាព គឺជារឿងសំខាន់បំផុត ដែលយើងត្រូវតែបន្តរួបរួមគ្នាថែរក្សាឲ្យបានគង់វង់ ។ ប្រទេសជាតិមួយអាចក្រឡាប់ចាក់ទៅជាសង្គ្រាមភ្លាមបាន បើសិនជាយើងភ្លេចខ្លួន និងមានការធ្វេសប្រហែស ។ បទពិសោធន៍នៃប្រវត្តិសាស្ត្រខ្មែរ បានបង្ហាញយ៉ាងច្បាស់ហើយថា ខ្មែររកសុខមិនឃើញ សង្គ្រាមមួយចម្អិនកំពឹស សន្តិភាព-សង្គ្រាម សន្តិភាព-សង្គ្រាម ពីយើងមានទឹកដីជាអាណាចក្រដ៏ធំធេង ប្រែក្លាយមកជាទឹកដីរួមតូចដូចសព្វថ្ងៃនេះ ។ ៥.មិនមែនទាល់តែមានអាវុធទើបអាចបង្កសង្គ្រាមបាននោះទេ ដារាបណាប្រជាពលរដ្ឋយើងមានការបែកបាក់ និងមានការរើសអើងគ្នាហើយនោះ គឺវានឹងនាំទៅដល់សង្គ្រាម ។ ហើយនេះ គឺជាអ្វីដែលបក្សនយោបាយមាននិន្នាការឆ្វេងនិយមមួយចំនួន បានប្រើប្រាស់ក្នុងរូបភាពនយោបាយស្នេហាជាតិ ដើម្បីញុះញង់ និងដុតកំដៅស្មារតីខ្មែរនិងខ្មែរឲ្យស្អប់ខ្ពើមគ្នា និងប្រកាន់ជាតិសាសន៍ផ្សេងៗកន្លងមក ។ ៦.ការភ្លេចខ្លួន និងការធ្វើបដិវត្តន៍ផ្លាស់ប្តូរនេះហើយ ដែលបានរុញច្រានកម្ពុជាឲ្យធ្លាក់ចូលទៅក្នុងសង្គ្រាម១៩៧៥-១៩៧៩ ។ នៅមុនឆ្នាំ១៩៧៥ ប្រជាពលរដ្ឋក្នុងសហគមន៍ខ្មែរអីស្លាមមានប្រមាណ៦០ម៉ឺននាក់ ប៉ុន្តែសង្គ្រាមនៃរបបប្រល័យពូជសាសន៍បានកាប់សម្លាប់ខ្មែរអីស្លាមអស់ប្រមាណ៧០ភាគរយ ។ ៧.បច្ចុប្បន្ននេះ កម្ពុជាគឺជាប្រទេសដែលមានភ័ព្វសំណាងជាងគេ ដែលមិនមានសង្គ្រាម ឬការបែកបាក់ខាងផ្នែកជំនឿសាសនាដូចបណ្តាប្រទេសមួយចំនួនក្នុងតំបន់ និងពិភពលោក ។ សុខដម្យនីយ៍កម្មរបស់ប្រជាពលរដ្ឋខ្មែរនិងខ្មែរអីស្លាម នៅតាមសហគមន៍ទូទាំងប្រទេសត្រូវបានធានាដោយរាជរដ្ឋាភិបាល ក្រោមមាគារ៌ដឹកនាំនៃគោលនយោបាយផ្តល់សិទ្ធសេរីភាពស្មើគ្នាខាងជំនឿសាសនា និងការលើកទឹកចិត្តជានិច្ចក្នុងការចូលរួមអភិវឌ្ឍន៍ប្រទេសជាតិ ។ ៨.កម្ពុជាស្មើមុខស្មើមាត់នឹងគេហើយ ឱកាសយើងមានកាន់តែច្រើន ដែលយើងត្រូវតែពង្រឹងសមត្ថភាព ចំណេះដឹងខ្លួនឯង ចាប់យកឱកាស និងបន្តរួមគ្នាថែរក្សាសន្តិភាព សមិទ្ធផលដែលជំនាន់មុនបន្សល់ទុកឲ្យ និងបន្តថែរក្សាសិទ្ធសេរីភាពដែលយើងមានក្នុងដៃបច្ចុប្បន្ន ។ ៩.ទទួលស្គាល់ថា ការដឹកនាំរបស់ សម្តេចតេជោ និងថ្នាក់ដឹកនាំខេត្តក្រុង ស្រុក និងឃុំសង្កាត់ ពិតជាមិនបានល្អឥតខ្ចោះនោះទេ ។ ប៉ុន្តែតាមរយៈសម្លេងឆ្នោតដែលយើងទទួលបានជ័យជំនៈកន្លងទៅនេះ ពិតបានបង្ហាញយ៉ាងច្បាស់ថា ប្រជាពលរដ្ឋខ្មែរនិងខ្មែរអីស្លាមក្នុងសង្កាត់អណ្តូងខ្មែរ គឺនៅតែបន្តជឿជាក់ និងគាំទ្រដល់ការដឹកនាំរបស់ សម្តេចតេជោ ។ ១០.សម្តេចតេជា គឺជាមេដឹកនាំដែលមិននិយាយដើម្បីនិយាយនោះទេ, ប៉ុន្តែបើនិយាយគឺត្រូវតែធ្វើ ហើយការធ្វើនេះហើយ ដែលនាំឲ្យកម្ពុជាសម្រេចបាននូវសុខសន្តិភាព ប្រកបដោយជំនឿទុក្ខចិត្ត ក្រោមមាគារ៌នយោបាយឈ្នះឈ្នះ ។ ហានិភ័យនៃការបាត់បង់អាយុជីវិតខ្លួនឯង និងអាយុជីវិតរបស់វីរៈជនមួយចំនួន ត្រូវបានយកទៅប្តូរនឹងអាយុជីវិតប្រជាពលរដ្ឋរាប់លាននាក់ទូទាំងប្រទេសឲ្យបានរស់, រស់ទាំងជាតិ និងរស់ទាំងប្រជាជន ។ ១១.សមិទ្ធផល ២៣ តុលា នៃកិច្ចព្រមព្រៀងសន្តិភាពទីក្រុងប៉ារីស គឺជាសមិទ្ធផលស្នាដៃសុទ្ធសាធរបស់ សម្តេចតេជោ ដែលបានយកជីវិតទៅប្រថុយរហូតត្រូវបានគេប្រមាថ និងប្រកាសតាមសម្លាប់ឲ្យបាន ដើម្បីជាថ្នូរនឹងប្រាក់ទៀតផង ។ ១២.សម្តេចតេជោ គឺជាមេដឹកនាំស្នេហាជាតិ និងកំពុងការពារជាតិពិតប្រាកដ ដែលហ៊ាន និងបានលះបង់គ្រប់យ៉ាង ហ៊ានប្រឈមមុខគ្រប់បញ្ហាគ្រោះថ្នាក់ធំៗបំផុត ដើម្បីជាតិ និងប្រជាជន មិនដូចមេដឹកនាំបក្សនយោបាយមួយចំនួន អាត្មានិយាមរុញកូនចៅក្រោមឱវាទឲ្យជាប់គុកជំនួស និងខ្លួនឯងរត់ចោលបាត់នោះ ៕
ចែករំលែកព័តមាននេះ