ទំនៀមទម្លាប់ពេលអ្នកភូមិឈឺ របស់ជនជាតិទំពួន
ខេត្តរតនគិរី ៖ ទំនៀមទម្លាប់ជនជាតិដើមភាគតិចបច្ចុប្បន្ននៅតែបន្តប្រពៃណីរបស់ខ្លួនជាកេរ្តិ៍ដំណែលដូនតាជាយូរលង់មកហើយ ជាក់ស្តែងនៅព្រឹកថ្ងៃទី១២ ខែសីហា
ខេត្តរតនគិរី ៖ ទំនៀមទម្លាប់ជនជាតិដើមភាគតិចបច្ចុប្បន្ននៅតែបន្តប្រពៃណីរបស់ខ្លួនជាកេរ្តិ៍ដំណែលដូនតាជាយូរលង់មកហើយ ជាក់ស្តែងនៅព្រឹកថ្ងៃទី១២ ខែសីហា
ខេត្តរតនគិរី ៖ ទំនៀមទម្លាប់ជនជាតិដើមភាគតិចបច្ចុប្បន្ននៅតែបន្តប្រពៃណីរបស់ខ្លួនជាកេរ្តិ៍ដំណែលដូនតាជាយូរលង់មកហើយ ជាក់ស្តែងនៅព្រឹកថ្ងៃទី១២ ខែសីហា ឆ្នាំ២០១៧ ស្ថិតក្នុងភូមិកាចូន ឃុំកាចូន ស្រុកវ៉ើនសៃ មានបងប្អូនជនជាតិដើមភាគតិចទូទាំងភូមិតែម្តងបានធ្វើកម្មវិធីសែនអ្នកតា និងសែនចាស់ទុំឲ្យឯកឧត្តម ប៊ូ ថង អាយុ៧៧ឆ្នាំ ជនជាតិទំពួន ហើយជាស្រុកកំណើតរបស់ឯកឧត្តម មានមុខងារជាប្រធានគណកម្មការទី៤នៅព្រឹទ្ធសភា ដែលមានជំងឺស្វិតជើងទាំងពីរដើរមិនរួចត្រូវបានចាស់ទុំជនជាតិដើមភាគតិចមូលមតិគ្នាកាប់ក្របីចំនួន២ក្បាល ពណ៌ស១ ខ្មៅ១ ដើម្បីសែនចាស់ទុំ និងអ្នកតាម្ចាស់ទឹកម្ចាស់ដីសុំឲ្យគាត់បានជាជំងឺក្នុងខ្លួនរបស់គាត់។
ហើយក្នុងកម្មវិធីកាប់ក្របីសែនព្រេននេះ គេសង្កេតឃើញមានឯកឧត្តម លី ធុជ ទេសរដ្ឋមន្ត្រី និងក្រុមប្រឹក្សាខេត្ត អភិបាលរងខេត្ត ឯកឧត្តម ប៊ូ ឡាំ អ្នកតំណាងរាស្ត្រ ព្រមទាំងកងម្លាំងប្រដាប់អាវុធមូលដ្ឋានចូលរួមយ៉ាងច្រើនកុះករ។ បើតាមប្រភពព័ត៌មានពីលោកតា ហ៊ុយ ប៊ុនឡាំ អាយុ៧១ឆ្នាំ ជនជាតិទំពួន ជាអាចារ្យរៀបចំកម្មវិធីសែនព្រេងរបស់ជនជាតិទំពួនបានឲ្យដឹងថា ក្នុងកម្មវិធីនេះធ្វើតាមទំនៀមទំលាប់ប្រពៃណីជនជាតិទំពួនតាំងពីគាត់ដឹងក្តីមករហូត ឲ្យតែមានអ្នកភូមិឈឺគេតែងតែធ្វើកម្មវិធីនេះ។
លោកតាបានបន្តទៀតថា ទី១-គេកាប់ក្របី និងជ្រូក៣ក្បាល ទី២-ភ្លេងរបស់ជនជាតិដើមភាគតិចទំពួន ដើរគោះតាមផ្ទះអ្នកភូមិដើម្បីសុំសម្ល និងបាយដើម្បីយកមកហូបរួមគ្នាក៏ដូចជាប្រកូកប្រកាសឲ្យដូនតាដែលចែកឋានទៅបានដឹង និងដឹងដល់អារុក្ខអារក្សអ្នកតាក្នុងភូមិរបស់គាត់ ទី៣-លេងភ្លេងវាយគងនៅក្នុងលំនៅដ្ឋានរបស់អ្នកជំងឺ ទី៤-កម្មវិធីហូបស្រាពាងជុំគ្នា។ គាត់បានបន្តទៀតថា ទោះបីជាស្ថានភាពប្រទេសខ្មែរមានការជឿនលឿនងាកមកគោរពសាសនាព្រះពុទ្ធ១០០ភាគរយក្តីក៏ប៉ុន្តែកម្មវិធីមួយនេះជាទំនៀមទម្លាប់បងប្អូនជនជាតិទំពួនរាប់រយឆ្នាំមកហើយ៕
ចែករំលែកព័តមាននេះ