ក្រុមញៀនថ្នាំ11នាក់ត្រូវប៉ូលិសចាប់បញ្ជូនទៅតុលាការទៀតហើយនៅថ្ងៃ13នេះ
ខេត្តសៀមរាប ៖ កម្លាំងការិយាល័យប្រឆាំងគ្រឿងញៀ.នបានចូលរួមសហការជាមួយកម្លាំងអធិការដ្ឋាននគរបាលស្រុកសូទ្រនិគមន៍
ខេត្តសៀមរាប ៖ កម្លាំងការិយាល័យប្រឆាំងគ្រឿងញៀ.នបានចូលរួមសហការជាមួយកម្លាំងអធិការដ្ឋាននគរបាលស្រុកសូទ្រនិគមន៍
ខេត្តសៀមរាប ៖ កម្លាំងការិយាល័យប្រឆាំងគ្រឿងញៀនបានចូលរួមសហការជាមួយកម្លាំងអធិការដ្ឋាននគរបាលស្រុកសូទ្រនិគមន៍ និងកម្លាំងនគរបាលក្រុងសៀមរាបចុះបង្ក្រាបករណីជួញដូរ ចាត់ចែង ឱ្យប្រើប្រាស់ ដោយខុសច្បាប់នូវសារធាតុញៀន ឈានដល់ធ្វើការឃាត់ខ្លួនបានជនញៀនថ្នាំចំនួន១១នាក់រួចបញ្ជូនមកកាន់ការិយាល័យជំនាញដើម្បីសួរនាំ ។ ក្នុងកិច្ចចុះប្រតិបត្តិបង្ក្រាបករណីជួញដូរ និងប្រើប្រាស់នូវសារធាតុញៀននេះធ្វើឡើងនៅវេលាម៉ោង១១ ថ្ងៃទី១១ សីហា នៅភូមិស្រែធ្នង់ ឃុំដំដែក ស្រុកសូទ្រនិគម ខេត្តសៀមរាប ។
លោកវរសេនីយ៍ទោ ណាម ណម នាយរងការិយាល័យនគរបាលប្រឆាំងគ្រឿងញៀនខេត្តបានប្រាប់ឱ្យដឹងថា ជនសង្ស័យដែលកម្លាំងឃាត់ខ្លួនចំនួន១១នាក់នោះ បន្ទាប់ពីកម្លាំងឃាត់ខ្លួនព្រមទាំងដកហូតបានវត្ថុតាងរួមមានទូរស័ព្ទដៃចំនួន០៩គ្រឿង, ឧបករណ៍ប្រើប្រាស់ថ្នាំញៀន និងសម្ភារវេចខ្ចប់ថ្នាំញៀនមួយចំនួនស្លាកលេខដោះទុក ចំនួន១ ដែលមានលេខ សៀមរាប ១V-៤៧១១ ។
បច្ចុប្បន្នជនសង្ស័យទាំង១១នាក់ រួមនឹងវត្ថុតាងត្រូវបានកម្លាំងជំនាញរៀបចំកសាងសំណុំរឿងបញ្ចូនទៅសាលាដំបូងខេត្តនៅថ្ងៃទី១៣ សីហា នេះដើម្បីចាត់ការបន្តទៅតាមផ្លូវច្បាប់ ៕
ចែករំលែកព័តមាននេះ