កសិករនៅជាយដែនប្រមូលផលស្រូវទាំងរងការបំផ្លាញពីជំនន់ទឹកភ្លៀង
ខេត្តកំពត ៖ ប្រជាកសិករមួយគ្រួសារនៅជិតជាយដែនប្រទេសវៀតណាម ស្ថិតនៅក្នុងភូមិទួលក្រសាំង ឃុំព្រៃទន្លេ ស្រុកបន្ទាយមាស ខេត្តកំពត
ខេត្តកំពត ៖ ប្រជាកសិករមួយគ្រួសារនៅជិតជាយដែនប្រទេសវៀតណាម ស្ថិតនៅក្នុងភូមិទួលក្រសាំង ឃុំព្រៃទន្លេ ស្រុកបន្ទាយមាស ខេត្តកំពត កំពុងតែប្រមូលផលស្រូវរងការលិចលង់ដោយសារតែជំនន់ទឹកភ្លៀងកន្លងមក ។ ទោះបីជាមានការគំរាមកំហែងពីជំនន់ទឹកភ្លៀងបំផ្លាញស្រូវគាត់ក៏ដោយពេលទឹកស្រក់ចុះអស់ពីរនាក់ប្ដីប្រពន្ធត្រូវបានប្រមូលផលបន្តទៀត ។
បងប្រុស ផង់ ភឹន អាយុ៥១ឆ្នាំ នៅភូមិទួលក្រសាំងបាននិយាយប្រាប់ឱ្យដឹងថា ស្រូវគាត់ដល់ទុំមាន២ហិកតាត្រូវបានទឹកលិចអស់ជាច្រើនថ្ងៃធ្វើឱ្យខូចខាតអស់ ។ បងប្រុសនិយាយថាពេលដឹងថា ទឹកជំនន់ដោយទឹកភ្លៀងជន់លិចស្រូវគាត់ហើយ គាត់បានប្រាប់ទៅអ្នកថែរក្សាទ្វារទឹកស្ពានតន់ហន់ឱ្យបើកទឹកដែរ តែគេយឺតយ៉ាវពេកធ្វើឱ្យគ្រាប់ស្រូវគាត់រលួយខូចអស់ ។ បងប្រុសជាម្ចាស់ស្រែបានប្រាប់បន្តថា ផ្ទៃដីស្រែដល់ពេលប្រមូលហើយបែរជាខាតបង់ទៅវិញនេះអស់ប្រហែល១៦តោនទេ ។
លោក ឥន ហែម ប្រធានភូមិទួលក្រសាំងបានប្រាប់ឱ្យដឹងកាលពីព្រឹកថ្ងៃទី១១ សីហា ថាផលស្រូវរបស់កសិកឈ្មោះ ផង់ ភឹន ពិតជាបានខូចខាងប្រាកដមែន ដែលមានផ្ទៃដីចំនួន២ហិកតា ។ លោកប្រធានភូមិនិយាយថា ស្រូវគាត់ដែលបានទឹកលិចខូចនេះជាប្រភេទស្រូវអ៊ីអៀរ ហើយធ្វើនៅស្រែជម្រៅទៀតផង ៕
ចែករំលែកព័តមាននេះ