គ្រោះថ្នាក់នៃសង្គ្រាមរវាងអាមេរិក និងកូរ៉េខាងជើង
សហរដ្ឋអាមេរិក-ប្រទេសកូរ៉េខាងជើង ៖ រដ្ឋមន្ត្រីការបរទេសរុស្ស៊ី លោកស័រហ្គេយ ឡាវរ៉ូវ ថ្លែងកាលពីថ្ងៃទី១១ សីហា ថា វាអាចដែលជម្លោះរវាងសហរដ្ឋអាមេរិក និងកូរ៉េខាងជើងឈានទៅ
សហរដ្ឋអាមេរិក-ប្រទេសកូរ៉េខាងជើង ៖ រដ្ឋមន្ត្រីការបរទេសរុស្ស៊ី លោកស័រហ្គេយ ឡាវរ៉ូវ ថ្លែងកាលពីថ្ងៃទី១១ សីហា ថា វាអាចដែលជម្លោះរវាងសហរដ្ឋអាមេរិក និងកូរ៉េខាងជើងឈានទៅរកសង្គ្រាម ដោយពិតប្រាកដមួយ ដែលនឹងបណ្តាលឱ្យមានជនរងគ្រោះច្រើនបំផុត ។
ដោយវាយតម្លៃពីសភាពការណ៍ជុំវិញជម្លោះកូរ៉េខាងជើង លោកឡាវរ៉ូវ ពោលថា សង្គ្រាមរវាងសហរដ្ឋអាមេរិក និងកូរ៉េខាងជើងមានខ្ពស់ ពិសេសទាក់ទិនទៅនឹងវោហាសាស្ត្ររវាងប្រទេសទាំង២។ យើងស្តាប់ឮការគំរាមកំហែងដោយផ្ទាល់នានាពីការប្រើកម្លាំង ។ ទន្ទឹមនឹងនេះ រដ្ឋមន្ត្រីការពារប្រទេសអាមេរិក លោក JAMES MATTIS បានលើកឡើងជាថ្មីថា ប្រាកដណាស់ សង្គ្រាមមួយនឹងបណ្តាលឱ្យមានការបាត់បង់ជីវិតមនុស្សយ៉ាងច្រើន ក៏ប៉ុន្តែការពិភាក្សាគ្នាអំពីការវាយប្រហារបង្ការមួយប្រឆាំងកូរ៉េខាងជើងធ្វើឡើងឥតឈប់ វាមិនខុសគ្នាពីការពិភាក្សានៅក្រុងព្យុងយ៉ាងលើភាពចាំបាច់នៃការវាយប្រហារកោះហ្គាម ដែលមានមូលដ្ឋានយោធាអាមេរិកជាច្រើនឡើយ ។លោកឡាវរ៉ូវ ពោលដូច្នេះនាឱកាសនៃវេទិកាយុវជនមួយ ។
រដ្ឋមន្ត្រីការបរទេសរុស្ស៊ីបន្តថា ជម្លោះជុំវិញកូរ៉េខាងជើងធ្វើឱ្យរុស្ស៊ីមានការព្រួយបារម្ភច្រើន ។ លោកថា រុស្ស៊ី និងចិនស្នើឱ្យដោះស្រាយបញ្ហាតាមផែនការសមស្របមួយផ្អែកលើការផ្អាក២ចំណុច គឺលោកគីម ជុងអ៊ុន ផ្អាករាល់ការសាកល្បងនុយក្លេអ៊ែរ និងមីស៊ីលបាលីស្ទិក ចំណែកសហរដ្ឋអាមេរិក និងកូរ៉េខាងត្បូងផ្អាកសមយុទ្ធយោធាទ្រទ្រង់ធំដែលប្រើប្រាស់ជាទៀងទាត់ ដោយកូរ៉េខាងជើង ជាលេសសម្រាប់ការសាកល្បងអាវុធទាំងឡាយ ។
លោកឡាវរ៉ូវ បញ្ជាក់ថា ពេលខ្ញុំនិយាយជាមួយពួកអាមេថរិក អតីតរដ្ឋមន្ត្រីការបរទេសអាេមរិក លោកចន ឃ័ររី និងរដ្ឋមន្ត្រីការបរទេសបច្ចុប្បន្ន លោក REX TILLERSON លើកហេតុផលថា គេពុំអាចទទួលការផ្អាកទាំង២នេះឡើយ ដោយអ្នកទាំង២និយាយថា ការសាកល្បងនុយក្លេអ៊ែរ និងការបាញ់មីស៊ីលបាលីស្ទិករបស់កូរ៉េខាងជើងត្រូវហាមឃាត់ ដោយបណ្តាដំណោះស្រាយរបស់ក្រុមប្រឹក្សាសន្តិសុខ អ.ស.ប ក៏ប៉ុន្តែគ្មាននរណាម្នាក់ហាមឃាត់ការធ្វើសមយុទ្ធយោធារបស់យើងឡើយ ។ ដូច្នេះយើងសហរដ្ឋអាមេរិកធ្វើសមយុទ្ធដោយស្របច្បាប់ ក៏ប៉ុន្តែកូរ៉េខាងជើងធ្វើការសាកល្បងដោយខុសច្បាប់ ។
លោកឡាវរ៉ូវ ថា ខ្ញុំមានមតិរបស់ខ្ញុំផ្ទាល់ទាក់ទិននឹងសភាពការណ៍នេះ អ្នកទីមួយអាចធ្វើអ្វីអាងតែខ្លួនខ្លាំងបំផុត និងមានប្រាជ្ញាបំផុត ។
រឿងកូរ៉េខាងជើង កាលពីថ្ងៃទី១២ សីហា ជាចំណុចនៃការពិភាក្សាគ្នាតាមទូរស័ព្ទរវាងលោកត្រាំ និងសមភាគីបារាំង លោក EMMANUEL MACRON ។ តាមសេចក្តីប្រកាសមួយចេញផ្សាយដោយសេតវិមានថា ប្រធានាធិបតីអាមេរិកគូសបញ្ជាក់ថា ក្រុងវ៉ាស៊ីនតោន និងសម្ព័ន្ធមិត្តគ្រោងប្រើគ្រាប់មធ្យោបាយ ក្នុងនោះមានមធ្យោបាយយោធា ដើម្បីលុបបំបាត់ចោលការគំរាមកំហែងនុយក្លេអ៊ែររបស់ក្រុងព្យុងយ៉ាង ។
ក្នុងការពិភាក្សាគ្នានេះ លោកត្រាំ អះអាងថា ដើម្បីបញ្ចប់ការគំរាមកំហែងនុយក្លេអ៊ែររបស់កូរ៉េខាងជើងសហរដ្ឋអាេមរិកត្រៀមរាល់វិធានការទាំងការទូត សេដ្ឋកិច្ច និងយោធា ។
ម្យ៉ាងទៀត តាមសេតវិមានមេដឹកនាំទាំង២បានលើកឡើងពីភាពចាំបាច់ត្រូវប្រឈមមុខចំពោះសភាពការណ៍ដែលកាន់តែគ្រោះថ្នាក់ទាក់ទិនទៅនឹងបណ្តាសកម្មភាពបង្កអស្ថេរភាពរបស់ក្រុងព្យុងយ៉ាង ដែលទើបគំរាមបាញ់មីស៊ីលបាលីស្ទិកទៅកោះហ្គាម ក្នុងមហាសមុទ្រប៉ាស៊ីហ្វិក ប្រសិនបើក្រុងវ៉ាស៊ីនតោនបន្តការគាបសង្កត់មកលើខ្លួន ។
ការគំរាមកំហែងរបស់ក្រុងព្យុងយ៉ាងធ្វើឱ្យបណ្តាប្រទេសជិតខាងមានការព្រួយបារម្ភ ។ យោងតាមបណ្តាសារព័ត៌មានជប៉ុនថា ក្រុងតូក្យូគ្រោងដាក់ពង្រាយបណ្តាមីស៊ីលស្ទាក់កម្ទេចធុន PAC-3 (PATRIOT) បន្ថែមទៀតក្នុងតំបន់ទាំងឡាយរបស់ប្រទេស ដែលមីស៊ីលបាលីស្ទិកកូរ៉េខាងជើងនឹងហោះកាត់មុនពេលទៅដល់កោះហ្គាម ។
លោកត្រាំ អះអាងតាមទូរស័ព្ទជាមួយលោក EDDTE CALVO អភិបាលដែនដីកោះហ្គាមថា យើងឈរនៅជាមួយពលរដ្ឋកោះហ្គាម១.០០០% ធ្វើឱ្យពលរដ្ឋនៅទីនោះរស់នៅដោយសន្តិសុខ ។ លោកថា កងទ័ពអាេមរិកត្រៀមធានាសន្តិសុខរបស់ប្រជាជនកោះហ្គាម ។
លើកោះនេះរបស់អាមេរិក មានមនុស្សរស់នៅ១៦០.០០០នាក់ ជាខ្សែទីមួយនៃការប្រឈមមុខដាក់គ្នាខាងវោហាសាស្ត្ររវាងលោកត្រាំ និងរបបកូរ៉េខាងជើង ។ ក្រុងព្យុងយ៉ាងគំរាមបាញ់មីស៊ីលទៅកាន់កោះហ្គាមស្ថិតនៅចម្ងាយ៣.៣០០គីឡូម៉ែត្រ ជាប៉ុស្តិ៍ជួរមុខយុទ្ធសាស្ត្ររបស់អាេមរិកក្នុងមហាសមុទ្រប៉ាស៊ីហ្វិក ។ ទាហានអាមេរិកប្រមាណ៦.០០០នាក់ ស្ថិតនៅទីនោះក្នុងមូលដ្ឋានយោធាធំ២ ៕
ចែករំលែកព័តមាននេះ