លោកត្រាំ គំរាមធ្វើអន្តរាគមន៍យោធា
រដ្ឋាភិបាលវេណេស៊ុយអេឡាកាលពីថ្ងៃទី១២ សីហា បានចោទប្រកាន់ប្រធានាធិបតីអាមេរិក លោកដូណាល់ ត្រាំ ថា ចង់បំផ្លាញសន្តិភាព និងស្ថេរភាពនៅអាមេរិកឡាទីន ជាមួយនឹង
សហរដ្ឋអាមេរិក-ប្រទេសវេណេស៊ុយអេឡា ៖ រដ្ឋាភិបាលវេណេស៊ុយអេឡាកាលពីថ្ងៃទី១២ សីហា បានចោទប្រកាន់ប្រធានាធិបតីអាមេរិក លោកដូណាល់ ត្រាំ ថា ចង់បំផ្លាញសន្តិភាព និងស្ថេរភាពនៅអាមេរិកឡាទីន ជាមួយនឹងការគំរាមកំហែងពីជម្រើសខាងយោធាប្រឆាំងប្រទេសនេះ ។
ការគំរាមកំហែងកាលពីថ្ងៃទី១១ សីហា ធ្វើអន្តរាគមន៍យោធានៅវេណេស៊ុយអេឡារបស់លោកត្រាំ កើតមានក្រោយភាពតានតឹងដែលកាន់តែកើនឡើងរវាងប្រទេសទាំង២ រយៈពេលប៉ុន្មានថ្ងៃចុងក្រោយនេះ ។
លោកត្រាំ ថ្លែងទៅកាន់ក្រុមអ្នកកាសែតនៅទីលានវាយកូនគោល BEDMINSTER របស់លោកនៅរដ្ឋញូវចឺស៊ីថា សហរដ្ឋអាមេរិកបាត់ការអត់ធ្មត់ ក្រោយរយៈពេល៤ខែនៃបាតុកម្ម ដែលបណ្តាលឱ្យមនុស្សស្លាប់១២៥នាក់ និងក្រោយការបោះឆ្នោតសភាធម្មនុញ្ញដ៏ចម្រូងចម្រាស់ ។ យើងមានការជ្រើសរើសច្រើនសម្រាប់វេណេស៊ុយអេឡា ក្នុងនោះរួមមានលទ្ធភាពនៃជម្រើសយោធា ប្រសិនបើចាំបាច់ ។
រដ្ឋាភិបាលសង្គមនិយមវេណេស៊ុយអេឡាមានប្រតិកម្មតបយ៉ាងខ្លាំងចំពោះការគំរាមកំហែងនេះ ដោយរំលឹកពីអនុស្សាវរីយ៍ជូរចត់ទាំងឡាយក្នុងតំបន់ពេលមានអន្តរាគមន៍យោធាអាេមរិក កាលពីឆ្នាំ១៩៨៩ លុកលុយចូលប្រទេសប៉ាណាម៉ា ដើម្បីកម្ចាត់ប្រធានាធិបតីប្រទេសនោះ លោក MANUEL NORIEGA ។
រដ្ឋមន្ត្រីការបរទេសវេណេស៊ុយអេឡា លោក JORGE ARREAZA ដែលអានសេចក្តីប្រកាសមួយក្នុងនាមប្រធានាធិបតី លោកនីកូឡាស់ ម៉ាឌូរ៉ូ ថ្លែងថា ការគំរាមកំហែងរបស់ប្រធានាធិបតី លោកដូណាល់ ត្រាំ សំដៅនាំអាេមរិកឡាទីន និងតំបន់ការ៉ាអីុប ឱ្យធ្លាក់ក្នុងជម្លោះមួយ ដែលបំផ្លាញស្ថេរភាព សន្តិភាព និងសន្តិសុខរបស់តំបន់យើង។
ទស្សនៈវិស័យនៃអន្តរាគមន៍យោធាអាមេរិកថ្មីនៅក្នុងតំបន់ក៏ពុំបណ្តាលឱ្យប្រទេសជាច្រើននៅអាមេរិកឡាទីនសប្បាយចិត្តឡើយ រួមទាំងបណ្តាប្រទេសដែលរិះគន់ដោយចំហចំពោះរដ្ឋាភិបាលលោកម៉ាឌូរ៉ូ ផង ។
ប្រទេសប្រេស៊ីល កូឡុំប៊ី ប៉េរូ ស៊ីលី និងម៉ិចស៊ិក កាលពីថ្ងៃទី១២ សីហា សុទ្ធតែបដិសេធការប្រើកម្លាំង
ចែករំលែកព័តមាននេះ