វាយប្រហារភេរវកម្មនៅភាគនិរតីស្លា.ប់យ៉ាងតិច15នាក់
មនុស្សយ៉ាងតិច១៥នាក់ ក្នុងនោះមានជនស៊ីវិល៧នាក់បានត្រូវស្លា.ប់ ហើយមនុស្ស៣២នាក់ទៀតរងរបួស ដោយសារការវាយប្រហារភេរវកម្មបំផ្ទុះគ្រាប់បែកមួយកាលពីយប់
មនុស្សយ៉ាងតិច១៥នាក់ ក្នុងនោះមានជនស៊ីវិល៧នាក់បានត្រូវស្លា.ប់ ហើយមនុស្ស៣២នាក់ទៀតរងរបួស ដោយសារការវាយប្រហារភេរវកម្មបំផ្ទុះគ្រាប់បែកមួយកាលពីយប់
ប្រទេសប៉ាគីស្ថាន ៖ មនុស្សយ៉ាងតិច១៥នាក់ ក្នុងនោះមានជនស៊ីវិល៧នាក់បានត្រូវស្លាប់ ហើយមនុស្ស៣២នាក់ទៀតរងរបួស ដោយសារការវាយប្រហារភេរវកម្មបំផ្ទុះគ្រាប់បែកមួយកាលពីយប់ថ្ងៃទី១២ សីហា នៅទីក្រុងកេតាទី ប្រជុំជនខេត្តបាលូតជីស្ថាន នាភាគនិរតីប៉ាគីស្ថាន ។ ក្រុមរដ្ឋអ៊ិស្លាមប្រកាសទទួលខុសត្រូវចំពោះការវាយប្រហារនេះ ។
ការវាយប្រហារសំដៅលើរថយន្តកាំមីញ៉ុងយោធាមួយគ្រឿងដោយប្រើគ្រឿងផ្ទុះដែលបណ្តាលឱ្យមានភ្លើងឆាបឆេះរថយន្តឯទៀតៗ ដែលនៅក្បែរ ។ អ្នកនាំពាក្យយោធាម្នាក់និយាយថា ការផ្ទុះកើតមាននៅចំណតរថយន្តបឺសមួយនៃក្រុងកេតា ។
ក្រុមរដ្ឋអ៊ិស្លាមហៅក្រុម KHORASAN ជាសាខាក្រុមនេះនៅអាហ្វហ្គានីស្ថាន និងប៉ាគីស្ថានបានប្រកាសទទួលខុសត្រូវលើការវាយប្រហារតាមរយៈសេចក្តីប្រកាសមួយ ។ សេចក្តីប្រកាសបញ្ជាក់ថា ម៉ូតូមួយបំពាក់គ្រឿងផ្ទុះជាប្រភពនៃការវាយប្រហារ ។ ក្រុមនេះគេស្គាល់ថាជាក្រុមរួមសហការជាមួយពួកសកម្មប្រយុទ្ធមូលដ្ឋានដើម្បីធ្វើការវាយប្រហារនានា ។
កងទ័ពបានដាក់ពង្រាយនៅកន្លែងវាយប្រហារ ។ បណ្តាអ្នករបួសត្រូវបានបញ្ជូនទៅមន្ទីរពេទ្យ ។ ប្រធានាធិបតីលោក MAMNOON HASSAIN និងនាយសេនាធិការកងទ័ពប៉ាគីស្ថានឧត្តមសេនីយ៍ QAMAR JAVED BAJWA បានថ្កោលទោសការវាយប្រហារនេះ ។
ការវាយប្រហារថ្មីនោះកើតមាន២ថ្ងៃ មុនបុណ្យឯករាជ្យជាតិប៉ាគីស្ថានលើកទី៧០ ។ ប្រមុខកងទ័ពបានបរិហារថា នេះជាអំពើមួយ សំដៅបំផ្លាញការប្រារព្ធបុណ្យជាតិ ។
ខេត្តបាលូតជីស្ថាននៅជាប់ព្រំដែនអីុរ៉ង់ និងអាហ្វហ្គានីស្ថានជាខេត្តសំបូរដោយធនធានធម្មជាតិ ក៏ប៉ុន្តែជួបប្រទះនឹងការបះបោរបំបែកខ្លួននិយម និងអំពើហិង្សាអ៊ិស្លាមនិយម ៕
ចែករំលែកព័តមាននេះ