ខេត្តកណ្ដាល ៖ ក្មេងស្រីម្នាក់ជាសិស្សសាលាបឋមសិក្សាជង្រុកបានស្លា.ប់បាត់បង់ជីវិត ក្រោយពីគ្រូបង្រៀននាំទៅសង្គ្រោះបន្ទាន់ដល់គ្លីនិក បន្ទាប់ពីក្មេងស្រីនេះរត់លេងក្នុងទីធ្លាសាលា ហើយ
ខេត្តកណ្ដាល ៖ ក្មេងស្រីម្នាក់ជាសិស្សសាលាបឋមសិក្សាជង្រុកបានស្លាប់បាត់បង់ជីវិត ក្រោយពីគ្រូបង្រៀននាំទៅសង្គ្រោះបន្ទាន់ដល់គ្លីនិក បន្ទាប់ពីក្មេងស្រីនេះរត់លេងក្នុងទីធ្លាសាលា ហើយចំពប់ជើងដួលបោកផ្ទប់នឹងជ្រុងបង់ថ្ម ហេតុការណ៍នោះកើតឡើងកាលពីវេលាម៉ោង១០ព្រឹក ថ្ងៃទី១១ ខែសីហា ឆ្នាំ២០១៧ ក្នុងបរិវេណសាលាបឋមសិក្សាជង្រុក ស្ថិតនៅក្នុងភូមិជង្រុក ឃុំម្កាក់ ស្រុកអង្គស្នួល ។
ក្មេងស្រីរងគ្រោះឈ្មោះ ឡុញ ស្រីវេត អាយុ១៣ឆ្នាំ ជាសិស្សថ្នាក់ទី៥ (ខ) មានទីលំនៅក្នុងភូមិត្រពាំងអណ្តែង ឃុំម្កាក់ ស្រុកអង្គស្នួល ខេត្តកណ្តាល។
បើតាមសម្តីគ្រូបង្រៀនលោក ឆន អង្គារណារា អាយុ២៣ឆ្នាំ ឲ្យដឹងថា នៅវេលាព្រឹកថ្ងៃកើតហេតុ ក្មេងស្រីរងគ្រោះបានទៅរៀនដូចសិស្សដទៃៗទៀត លុះរហូតដល់វេលាម៉ោងជាង៩ព្រឹកលោកបានឲ្យកូនសិស្សទាំងអស់ ចេញលេង ។ មួយសន្ទុសធំក្រោយមក ស្រាប់តែមានកូនសិស្សជាច្រើនរត់មកប្រាប់ថា សិស្សម្នាក់នេះបានរត់លេង ហើយចំពុបជើងដួលបោកបំពង់.កផ្ទប់ទៅនឹងជ្រុងបង់ថ្ម ។ ភ្លាមៗនោះលោក រួមជាមួយលោកគ្រូ អ្នកគ្រូបាននាំគ្នារត់ទៅមើលក៏ប្រទះឃើញក្មេងស្រីរងគ្រោះរងរបួសធ្ងន់ ទើបលោកដឹកនាងតាមរថយន្តទៅកាន់គ្លីនិក ស្ថិតនៅភូមិអន្ទង់ក្រវៀន ដើម្បីសង្គ្រោះបន្ទាន់ និងឱ្យលោកគ្រូម្នាក់ទៀតទៅប្រាប់ឪពុកម្តាយក្មេងស្រីរងគ្រោះ ។ ពេលនោះឪពុកម្ដាយនាងក៏មកដល់ភ្លាម ប៉ុន្តែអរកុសលពេលបញ្ជូនទៅដល់គ្លីនិកត្រូវលោកគ្រូពេទ្យប្រាប់ថា ក្មេងស្រីស្លាប់ហើយ ទើបដឹកសពនាំទៅផ្ទះវិញ។
ក្រោយពេលកើតហេតុកម្លាំងនគរបាល បានធ្វើការពិនិត្យ ហើយអះអាងថា ក្មេងស្រីខាងលើពិតជាស្លាប់ដោយសារតែរត់លេងចំពប់ជើងដួលបោកផ្ទប់បំពង់កជាមួយជ្រុងបង់ថ្មនោះមែន៕
ចែករំលែកព័តមាននេះ