មានការស្រាវជ្រាវជាច្រើនបង្ហាញថាសកម្មភាពនៃការលេងតន្ត្រីមានប្រយោជន៍ទាំងផ្លូវកាយ និងផ្លូវចិត្តចំពោះមនុស្ស ម្នាក់ៗ ។ មិនថាអ្នកមានអាយុ ឬកម្រិតជំនាញបែបណា ការលេងឧបករណ៍តន្ត្រី គឺជា
មានការស្រាវជ្រាវជាច្រើនបង្ហាញថាសកម្មភាពនៃការលេងតន្ត្រីមានប្រយោជន៍ទាំងផ្លូវកាយ និងផ្លូវចិត្តចំពោះមនុស្ស ម្នាក់ៗ ។ មិនថាអ្នកមានអាយុ ឬកម្រិតជំនាញបែបណា ការលេងឧបករណ៍តន្ត្រី គឺជាទម្រង់ដ៏ល្អនៃការធ្វើលំហាត់ប្រាណខួរក្បាល ។ ចំណែកឯអត្ថប្រយោជន៍ចំពោះសុខភាពនៃការលេងឧបករណ៍តន្ត្រីមានតាំងពីការបន្ថយភាពតានតឹង និងសម្ពាធឈាម រហូតដល់ទប់ស្កាត់ជំងឺវង្វេងវង្វាន់ និងជំងឺបាក់ទឹកចិត្ត ។
អត្ថប្រយោជន៍បន្ថែមទៀតនៃការលេងឧបករណ៍តន្រីចំពោះសុខភាព ៖
១-គ្រប់គ្រងអារម្មណ៍
ការស្រាវជ្រាវបានបង្ហាញថា ការលេងតន្ត្រីកាត់បន្ថយភាពតានតឹងដោយការបន្ថយកម្រិតអ៊័រម៉ូន cortisol ។ ប្រសិទ្ធភាពនៃការលេងតន្ត្រីក្នុងល្បឿន នីមួយៗអាចលើកកម្ពស់អត្ថប្រយោជន៍ទាំងនេះបន្ថែមទៀត ។ ការលេងតន្ត្រីអាចជាសកម្មភាពគ្រប់គ្រងអារម្មណ៍ ។
២-ពង្រឹងជំនាញអានរបស់អ្នក
បញ្ហាដ៏ធំបំផុតនៃការក្លាយជាតន្ត្រីករគឺការអាន និងយល់ពីតួរអក្សតន្ត្រី ។ ការបន្តការអាន និងស្គាល់ពីភាពខុសគ្នានៃអក្សរភ្លេងអាចពង្រឹងជំនាញក្នុងការអាន និងការយល់របស់អ្នក ។
៣-ប្រព័ន្ធដង្ហើមមានភាពប្រសើរឡើង
ប្រសិនបើអ្នកជ្រើសរើសឧបករណ៍តន្ត្រីដែលតម្រូវឲ្យអ្នកប្រើមាត់ផ្លុំដូចជាខ្លុយ រឿងដំបូងដែលអ្នកត្រូវតែដឹងគឺវិធីដកដង្ហើមឲ្យបានត្រឹមត្រូវ ។ ឧបករណ៍តន្ត្រីប្រភេទនេះអាចបញ្ចេញសំឡេងបានពីរំញ័រខ្យល់ក្នុងបំពង់ករបស់តន្ត្រីករ ។ មានន័យថា តន្ត្រីករត្រូវចេះដកដង្ហើមប្រកបដោយប្រសិទ្ធភាព និងហ្វឹកហាត់ការដកដង្ហើមឲ្យបានល្អ ។
៤-ពង្រឹងការផ្តោតអារម្មណ៍
មានរឿងជាច្រើនដែលតន្ត្រីករមិនអាចមើលរំលងបានទេនៅពេលលេងឧបករណ៍តន្ត្រី ។ ជាតន្ត្រីករម្នាក់ ត្រូវតែចេះស្តាប់ចង្វាក់ភ្លេង ផ្សេងៗគ្នា ។ រឿងតែមួយគត់ដែលមានប្រយោជន៍ជាងការផ្តោតលើសំឡេងផ្ទាល់របស់អ្នក គឺការផ្តោតអារម្មណ៍លើសំឡេងនៅពេលលេងឧបករណ៍តន្ត្រីជាក្រុម ។ ការលេងតន្ត្រីជាក្រុមជួយពង្រឹងជំនាញក្នុងការផ្តោតអារម្មណ៍របស់អ្នកតាមរយៈការផ្តោតលើសំឡេងតន្រី្តក្នុងក្រុមទាំងមូល ។
៥-ជួយព្យាបាលជំងឺភ្លេចភ្លាំង
ការរំញោចខួរក្បាលនៅពេលលេង និងស្តាប់តន្ត្រីអាចជំរុញការចងចាំរបស់អ្នកជំងឺដែលមានជំងឺភ្លេចភ្លាំង ។ នៅក្នុងការសិក្សាមួយដែលបានសិក្សាលើអ្នកជំងឺភ្លេចភ្លាំង វាត្រូវបានគេសន្និដ្ឋានថា ការចងចាំទាក់ទងនឹងតន្ត្រីមានភាពល្អប្រសើរជាងការចងចាំពាក្យ ។ វាដោយសារតែភាពសម្រើបដ៏ខ្លាំងដែលបង្កឡើងដោយការស្តាប់តន្ត្រី ហើយអាចធ្វើឲ្យការផ្ចង់អារម្មណ៍ និងការចងចាំរបស់អ្នកស្តាប់មានភាពប្រសើរឡើង ៕
ចែករំលែកព័តមាននេះ