យីនៅមានបែបនេះទៀត! ព្រោះតែមិនព្រមជាមួយនាងៗ ចាក់ម៉ង
រឿងហេតុអាក្រក់កើតឡើងលើលោក Michael Taylor ក្រោយពីត្រឡប់មកពីផឹកស្រាវិញនាពេលយប់ត្រូវនារីពេស្យាជាច្រើននាក់ចោមរោមវាយប្រហារ បណ្តាលឱ្យសន្លប់ ព្រោះមិនព្រម
សារព័ត៌មានបរទេសផ្សាយថា លោកMichael Taylor ជនជាតិអង់គ្លេស អាយុ២៨ឆ្នាំ និងនាង Leigh អាយុ២៥ឆ្នាំជាគូស្នេហ៍បានចូលទៅកម្សាន្តនៅរមណីយដ្ឋានMagaluf ជាកន្លែងដ៏ពេញនិយមរបស់ជនជាតិអង់គ្លេសលើកោះ Majorca ប្រទេសអេស្ប៉ាញកាលពីពេលថ្មីៗកន្លងមក ។ រឿងហេតុអាក្រក់កើតឡើងលើលោក Michael Taylor ក្រោយពីត្រឡប់មកពីផឹកស្រាវិញនាពេលយប់ត្រូវនារីពេស្យាជាច្រើននាក់ចោមរោមវាយប្រហារ បណ្តាលឱ្យសន្លប់ ព្រោះមិនព្រមរួមរ័ក ។
លោក Michael និយាយថា «មាននារីអាហ្វ្រិកប្រហែល១០នាក់ចាកចេញពីគល់ឈើ ដោយពួកនាងព្យាយាមឱ្យខ្ញុំបង់ប្រាក់ដើម្បីរួមភេទ ប៉ុន្តែខ្ញុំបដិសេធក៏ត្រូវនារីម្នាក់ក្នុងចំណោមនោះយកកាំបិតចាក់ដៃរបស់ខ្ញុំ ដោយពួកនាងក្លាហានជាងបុរស និងគ្មានត្រាប្រណីគួរឱ្យភ័យខ្លាចបំផុត» ។
បុរសរងគ្រោះបានសន្លប់ និងដឹងខ្លួននៅមន្ទីរពេទ្យ ហើយនៅលើដងខ្លួនមានស្នាមដេររបួស៨ថ្នេរ ។ ទូរស័ព្ទ កូនសោ និងប្រាក់ចំនួន១៧៨ផោនបាត់បង់អស់ ។ លោកMichael និយាយថា «អ្វីដែលខ្ញុំនៅចងចាំ គឺខ្ញុំបានដឹងខ្លួននៅមន្ទីរពេទ្យសានអេស្ប៉ាសេស ក្រុងប៉ាល់ម៉ា។ ខ្ញុំភ្ញាក់ផ្អើល ព្រោះមិនដឹងថា ខ្លួនមកដល់ទីនេះដោយរបៀបណា ? ខ្ញុំស្ថិតនៅទីនោះប្រហែល២ម៉ោង ទើបសុំចេញពីពេទ្យព្រោះគ្មានទូរស័ព្ទទាក់ទងទៅរកគូស្នេហ៍» ។
ទាក់ទិននឹងរឿងរ៉ាវដែលកើតឡើងប៉ូលិសអេស្ប៉ាញបានក្រើនរំលឹកថា នារីពេស្យាប្រៀបដូចជាកងកុំម៉ង់ដូ ពិសេសក្នុងការប្លន់ភ្ញៀវទេសចរនៅលើកោះឋានសួគ៌ ។ ពួកនាងប្រើផែនការប្រៀបដូចកងទ័ពក្នុងការពួនស្ទាក់វាយភ្ញៀវទេសចរដែលកំពុងស្រវឹង និងដើរត្រឡប់ទៅសណ្ឋាគារ ។ ឱកាសនៃការចាប់ខ្លួនស្ត្រីកំហូចទាំងនោះតិចបំផុត៕
ចែករំលែកព័តមាននេះ