ជាងដែក៤នាក់សម្ងំសេពគ្រឿងញៀ.ន ត្រូវនគរបាលឃាត់ខ្លួន
រាជធានីភ្នំពេញ ៖ ជាងដែកចំនួន៤នាក់បានបំផ្លាញអនាគតរបស់ខ្លួន តាមរយៈការសេពគ្រឿងញៀ.នជាហូរហែក្នុងពេលកន្លងមក ហើយគ្មាននរណាបានដឹងនោះទេ
រាជធានីភ្នំពេញ ៖ ជាងដែកចំនួន៤នាក់បានបំផ្លាញអនាគតរបស់ខ្លួន តាមរយៈការសេពគ្រឿងញៀ.នជាហូរហែក្នុងពេលកន្លងមក ហើយគ្មាននរណាបានដឹងនោះទេ
រាជធានីភ្នំពេញ ៖ ជាងដែកចំនួន៤នាក់បានបំផ្លាញអនាគតរបស់ខ្លួន តាមរយៈការសេពគ្រឿងញៀនជាហូរហែក្នុងពេលកន្លងមក ហើយគ្មាននរណាបានដឹងនោះទេ ទើបតែនៅពេលចុងក្រោយនេះបន្ទាប់ពីចប់ម៉ោងធ្វើការងារ ត្រូវឈប់សម្រាកដើម្បីហូបបាយថ្ងៃត្រង់ ពួកគេមិនបាននាំគ្នាហូបបាយឡើយ បែរជានាំគ្នាទៅសម្ងំសេពគ្រឿងញៀនជុំគ្នា នៅក្នុងផ្ទះមួយកន្លែងយ៉ាងត្រេកត្រអាលទៅវិញ ហើយត្រូវបានប្រជាពលរដ្ឋប្រទះឃើញ រាយការណ៍ជូននគរបាលប៉ុស្ដិ៍កាកាបចុះបង្ក្រាប និងចាប់ខ្លួនបានទាំងសម្បុកតែម្ដង។ ការចាប់ខ្លួននោះបានធ្វើឡើង កាលពីវេលាម៉ោង១១ និង១៥នាទីព្រឹក ថ្ងៃទី១១ ខែសីហា ឆ្នាំ២០១៧ ស្ថិតនៅក្នុងភូមិចម្ការឪឡឹក សង្កាត់កាកាប ខណ្ឌពោធិ៍សែនជ័យ រាជធានីភ្នំពេញ។
យុវជនដែលជាជាងដែកញៀនថ្នាំទាំង៤នាក់ខាងលើនោះមាន១,ឈ្មោះ គង់ វុទ្ធី អាយុ២៥ឆ្នាំ ២,ឈ្មោះ យា សំណាង អាយុ១៩ឆ្នាំ ៣,ឈ្មោះ ទ្រី គីមហេង អាយុ២៦ឆ្នាំ ៤,ឈ្មោះ ឌិន រីណា អាយុ២០ឆ្នាំ អ្នកទាំង៤នាក់នេះមានទីលំនៅ ក្នុងភូមិកើតហេតុខាងលើ។ នគរបាលបានឲ្យដឹងថា ក្រុមជាងដែកនេះបានសេពគ្រឿងញៀនយូរមកហើយ ប៉ុន្តែមិនមាននរណាបានដឹងនោះទេ ទើបពួកគេរួចខ្លួននៅក្រៅសំណាញ់ច្បាប់ លុះមួយរយៈពេលចុងក្រោយនេះ ត្រូវបានប្រជាពលរដ្ឋដឹង និងមានការសង្ស័យ ហើយបានតាមដាន រហូតដល់ថ្ងៃកើតហេតុ ខណៈពេលចប់ម៉ោងការងារ ត្រូវឈប់សម្រាកហូបបាយថ្ងៃត្រង់ ពួកគេមិនបាននាំគ្នាហូបបាយនោះទេ ផ្ទុយទៅវិញបែរជានាំគ្នាទៅសម្ងំសេពគ្រឿងញៀននៅក្នុងផ្ទះជុំគ្នាទៅវិញ។
ពេលនោះប្រជាពលរដ្ឋបានឃើញ និងទាន់ជាក់ស្ដែងក៏បានរាយការណ៍ជូននគរបាលប៉ុស្ដិ៍កាកាបឲ្យចុះទៅធ្វើការចាប់ខ្លួនបានទាំង៤នាក់។ បន្ទាប់មកបាននាំទៅកាន់ប៉ុស្ដិ៍ដើម្បីធ្វើការសួរនាំ រង់ចាំការកសាងសំណុំរឿងបញ្ជូនទៅសាលាដំបូងខេត្តកណ្ដាលចាត់ការតាមផ្លូវច្បាប់។ ក្រោយពេលចាប់ខ្លួនជនសង្ស័យម្នាក់ឈ្មោះ យា សំណាង បានប្រាប់ឲ្យដឹងថា ពួកខ្លួនពិតជាបានសេពគ្រឿងញៀនពិតប្រាកដមែន ដោយនៅពេលក្រោយបញ្ចប់ម៉ោងការងារជាជាងផ្សារដែកភ្លាមពួកគេមិនបានហូបបាយទេ បាននាំបបួលគ្នាទៅកាន់ផ្ទះជនសង្ស័យ ម្នាក់ទៀតឈ្មោះ គង់ វុទ្ធី រួចបានជក់គ្រឿងញៀនជុំគ្នានៅទីនោះ។ ប៉ុន្តែខណៈនោះទើបតែដុតបង្ហុយអស់ថ្នាំមួយកញ្ចប់ប៉ុណ្ណោះក៏ ស្រាប់តែឃើញនគរបាលទៅដល់ល្មម និងចាប់ខ្លួនពួកគេនាំទៅសាកសួរបែបនេះតែម្ដង៕
ចែករំលែកព័តមាននេះ