រឹបអូសរថយន្តដឹកឈើ ៣គ្រឿងនៅស្ទឹងត្រែង
ខេត្តស្ទឹងត្រែង ៖ រថយន្តដឹកឈើគ្រឿងប្រភេទលេខ២ចំនួនបីគ្រឿងមកពីខេត្តក្រចេះ ត្រូវបានកម្លាំងរដ្ឋបាលព្រៃឈើរួមសហការណ៍ជាមួយ
ខេត្តស្ទឹងត្រែង ៖ រថយន្តដឹកឈើគ្រឿងប្រភេទលេខ២ចំនួនបីគ្រឿងមកពីខេត្តក្រចេះ ត្រូវបានកម្លាំងរដ្ឋបាលព្រៃឈើរួមសហការណ៍ជាមួយ
ខេត្តស្ទឹងត្រែង ៖ រថយន្តដឹកឈើគ្រឿងប្រភេទលេខ២ចំនួនបីគ្រឿងមកពីខេត្តក្រចេះ ត្រូវបានកម្លាំងរដ្ឋបាលព្រៃឈើរួមសហការណ៍ជាមួយកម្លាំងនគរបាលប្រឆាំងបទល្មើសសេដ្ឋកិច្ចស្នងការដ្ឋាននគរបាលខេត្តស្ទឹងត្រែងបង្ក្រាបរឹបអូសរក្សាទុកនៅខណ្ឌរដ្ឋបាលព្រៃឈើ។ ប្រភពព័ត៌មានបានឲ្យដឹងថា រថយន្តស៊ាំយ៉ុងដឹកឈើគ្រឿងប្រភេទលេខ២ទាំងនោះមានជាក្រុមមកពីខេត្តក្រចេះចូលដឹកឈើនៅខេត្តស្ទឹងត្រែង ដោយពុំមានលិខិតអនុញ្ញាតពីរដ្ឋបាលព្រៃឈើនោះឡើយ ទើបជម្រុញឲ្យកម្លាំងជំនាញធ្វើការទប់ស្កាត់ និងបង្ក្រាបរឹបអូស។ ជាមួយក្រុមរថយន្តស៊ាំយ៉ុងដឹកឈើប្រភេទលេខ២ខាងលើនេះ ពីមួយថ្ងៃទៅមួយថ្ងៃគេប្រទះឃើញមានការកើនឡើងជាហូរហែដោយមានសកម្មបីច្រក ច្រកទី១លើកំណាត់ផ្លូវជាតិលេខ៧ ច្រកទី២លើកំណាត់ផ្លូវជាតិ៧៨ និងច្រកទី៣លើកំណាត់ផ្លូវជាតិ៩។
ក្រុមរថយន្តទាំងនោះក្រោយរៀបចំឈើព្រប់គ្រាន់នៅវេលាយប់ពួកគេចេញក្បូនខ្សែ ដោយក្នុងមួយខ្សែចាប់ពី៧ទៅ៨រថយន្តរហូតដល់ជាង១០រថយន្ត ក្នុង១យប់សរុបប្រមាណជាជិត៥០គ្រឿង។ ទាក់ទិនការដឹកជញ្ជូនឈើលើដងផ្លូវទាំងខ្សែនោះបានបង្កជាគ្រោះថ្នាក់ចរាចណ៍ដល់ប្រជាពលរដ្ឋនៅតាមផ្លូវទាំងនោះដោយសារតែការបើកបរក្នុងល្បឿនលឿន ហើយរថយន្តដឹកជញ្ជូនទាំងអស់នោះសុទ្ធសឹងផ្ទុកឈើលៀនកន្ទុយមកក្រៅផុតរថយន្តច្រើនម៉ែត្រផងដែរ។ ដោយឃើញពីភាពអនាធិបតេយ្យបែបនេះ គណៈបញ្ជាការឯកភាពខេត្តបានចាត់វិធានការឲ្យកម្លាំងជំនាញរួមសហការណ៍កម្លាំងប្រដាប់អាវុធចុះទប់ស្កាត់ និងបង្ក្រាបតែម្តង។ លោក វ៉ា សុខា នាយផ្នែករដ្ឋបាលព្រៃឈើស្រុកថាឡាបរិវ៉ាត់ខេត្តស្ទឹងត្រែង បានឲ្យដឹងនៅព្រឹកថ្ងៃទី១១ ខែសីហា ឆ្នាំ២០១៧ថា ក្រោយពីកម្លាំងជំនាញរដ្ឋបាលព្រៃឈើស៊ើបអង្កេតលើដឹកជញ្ជូនផលអនុផលព្រៃដោយគ្មានលិខិតអនុញ្ញាតចេញដោយរដ្ឋបាលព្រៃឈើ កម្លាំងផ្នែករដ្ឋបាលព្រៃឈើស្រុកបានតាមដានសកម្មភាពរថយន្តខាងលើចាប់តាំងពីថ្ងៃត្រង់រហូតដល់ល្ងាច ទើបស្នើសុំការសហការណ៍ពីកម្លាំងនគរបាលប្រឆាំងបទល្មើសស្នងការដ្ឋាននគរបាលខេត្ត។
លោកនាយផ្នែកបន្តថា គ្រាដែលកម្លាំងគ្រប់គ្រាន់មានការបែងចែកជាពីរគោលដៅដោយខ្ទប់មុខខ្ទប់ក្រោយទើបឈានដល់ការបង្ក្រាបបាននៅចំណុចអូរចង្ហា ភូមិស្រឡៅ ឃុំអន្លុងជ្រៃ ស្រុកថាឡាបរិវ៉ាត់។ លោកនាយផ្នែកបានឲ្យដឹងនៅរសៀលថ្ងៃទី១១ សីហា ២០១៧នេះថា ឈើទាំងនោះនៅមិនទាន់បានធ្វើការវាស់វែងនៅឡើយទេ ដោយសារជំនាញនៅរសៀលនេះទៅទទួលវត្ថុតាងបទល្មើសពីសហគមន៍រង់ចាំនៅថ្ងៃទី១២នឹងវាស់វែងបន្តលើកំណត់ហេតុ៕
ចែករំលែកព័តមាននេះ