ថ្លើមធំណាស់បុកគេស្លា.ប់ហើយ ឥឡូវលួចរត់ពីទ្រុងឃុំខ្លួនទៀត
ខេត្តបន្ទាយមានជ័យ ៖ ជនសង្ស័យម្នាក់ដែលបង្កគ្រោះថ្នាក់ចរាចរណ៍បុកស្លា.ប់ជនរងគ្រោះហែកទ្រុងឃុំខ្លួនស្នងការនគបាលខេត្តគេចខ្លួន
ខេត្តបន្ទាយមានជ័យ ៖ ជនសង្ស័យម្នាក់ដែលបង្កគ្រោះថ្នាក់ចរាចរណ៍បុកស្លា.ប់ជនរងគ្រោះហែកទ្រុងឃុំខ្លួនស្នងការនគបាលខេត្តគេចខ្លួន
ខេត្តបន្ទាយមានជ័យ ៖ ជនសង្ស័យម្នាក់ដែលបង្កគ្រោះថ្នាក់ចរាចរណ៍បុកស្លាប់ជនរងគ្រោះហែកទ្រុងឃុំខ្លួនស្នងការនគបាលខេត្តគេចខ្លួន ត្រូវបានកម្លាំងនគរបាលចាប់ខ្លួនបាននៅវេលាម៉ោង២រសៀល ថ្ងៃទី១១ខែសីហា ឆ្នាំ២០១៧នេះ នៅភូមិគីឡូម៉ែត្រលេខ៤ សង្កាត់ផ្សារកណ្តាល ក្រុងប៉ោយប៉ែត។ ជនសង្ស័យហែកទ្រុងគេចខ្លួនចាប់បាននោះមានឈ្មោះ ពេជ្រ ប៊ុនធឿន ភេទប្រុស អាយុ៣៨ឆ្នាំ មុខរបបរបើកបររថយន្តក្រុមហ៊ុន ស្នាក់នៅភូមិភូមិគីឡូម៉ែត្រលេខ៤ សង្កាត់ផ្សារកណ្តាល ក្រុងប៉ោយប៉ែត។
ព័ត៌មានបានដឹងថា ជនសង្ស័យឈ្មោះ ពេជ្រ ប៊ុនធឿន បានបង្កគ្រោះថ្នាក់ដោយបើកបររថយន្តធុនធំបុកជនរងគ្រោះបណ្តាលស្លាប់ឈ្មោះ ថៃ ចាន់ថា ភេទប្រុស អាយុ២៨ឆ្នាំ កាលពីយប់ថ្ងៃទី០៨ ខែសីហា ឆ្នាំ២០១៧ នៅតាមបណ្តោយផ្លូវជាតិលេខ៥ ស្ថិតភូមិ៤ សង្កាត់ព្រះពន្លា ក្រុងសិរីសោភ័ណ។ ហើយអ្នកបើកបរឈ្មោះ ពេជ្រ ប៊ុនធឿន ត្រូវបានកម្លាំងនគរបាលចរាចរណ៍ឃាត់ខ្លួនបានក្រោយពេលបង្កគ្រោះថ្នាក់បណ្តាលជនរងគ្រោះស្លាប់បានយកទៅដាក់ទ្រុងឃុំបណ្តោះអាសន្ននៅស្នងការនគរបាលខេត្តបន្ទាយមានជ័យ។
ហើយត្រូវបានហែកទ្រុងរត់គេចខ្លួននៅអំឡុងម៉ោង១យប់រំលងអាធ្រាត្រចូលថ្ងៃទី០៩ ខែសីហា ឆ្នាំ២០១៧ កម្លាំងនគរបាលចរាចរណ៍បានស្រាវជ្រាវមុខសញ្ញាឃាត់ខ្លួនជនសង្ស័យបានមកវិញនៅម៉ោង២រសៀល ថ្ងៃទី១១ខែសីហា ឆ្នាំ២០១៧ ស្ថិតភូមិគីឡូម៉ែត្រលេខ៤ សង្កាត់ផ្សារកណ្តាល ក្រុងប៉ោយប៉ែត។ ទាក់ទិនការឃាត់ខ្លួនជនសង្ស័យម្នាក់ហែកទ្រុងស្នងការនគរបាលខេត្តបន្ទាយមានជ័យគេចខ្លួន ហើយកម្លាំងនគរបាលឃាត់ខ្លួនបានមកវិញអ្នកយកព័ត៌មានព្យាយាមទំនាក់ទំនងទៅកម្លាំងនគរបាលដែលឃាត់ដែរ តែមិនអាចធ្វើការបកស្រាយបាននៅឡើយ៕
ចែករំលែកព័តមាននេះ