ខេត្តបាត់ដំបង ៖ សេចក្តីរាយការណ៍ឱ្យដឹងថា ក្រុមអន្តរាគមន៍បង្ការបង្ក្រាបខេត្ត បានធ្វើការឃាត់ខ្លួនក្រុមក្មេងទំនើង២នាក់ ក្នុងចំណោមជាង៣០នាក់ កាលពីវេលាម៉ោង០៦ និង៣០នាទីយប់នៅថ្ងៃទី១០ សីហា ស្ថិតនៅត្រង់ចំណុចវត្តពោធិវង្ស ក្នុងភូមិចំការសំរោង សង្កាត់ចំការសំរោង ក្រុងបាត់ដំបង ។
ខេត្តបាត់ដំបង ៖ សេចក្តីរាយការណ៍ឱ្យដឹងថា ក្រុមអន្តរាគមន៍បង្ការបង្ក្រាបខេត្ត បានធ្វើការឃាត់ខ្លួនក្រុមក្មេងទំនើង២នាក់ ក្នុងចំណោមជាង៣០នាក់ កាលពីវេលាម៉ោង០៦ និង៣០នាទីយប់នៅថ្ងៃទី១០ សីហា ស្ថិតនៅត្រង់ចំណុចវត្តពោធិវង្ស ក្នុងភូមិចំការសំរោង សង្កាត់ចំការសំរោង ក្រុងបាត់ដំបង ។
សេចក្តីរាយការណ៍បន្តថា ជនសង្ស័យទាំង២នាក់ ម្នាក់ឈ្មោះលន់ សារុន ហៅក្រៅ (រុន) ភេទប្រុស អាយុ១៩ឆ្នាំ មានទីលំនៅភូមិព្រៃកូនសេក សង្កាត់អូរចារ ក្រុងបាត់ដំបង និងម្នាក់ទៀតឈ្មោះពន្លក់ សុធារ៉ា ហៅក្រៅ(ជុង) អាយុ១៦ឆ្នាំ មានទីលំនៅភូមិដាក់សសរ ឃុំអូរម៉ាល់ ក្រុងបាត់ដំបង ។ ក្នុងនោះ ដកហូតបានកាំបិត៣ដើម, ម៉ូតូមួយគ្រឿងម៉ាកហុងដាទ្រីម ស៊េរីឆ្នាំ2014 ពណ៌ខ្មៅ។
មុនពេលឃាត់ខ្លួន គឺក្រុមជនសង្ស័យខាងលើនេះ បានប្រមូលផ្តុំគ្នានៅព្រលានយន្តហោះ ដោយនៅក្រោមកែបម៉ូតូមានលាក់ទុកកាំបិតសរុប៣០ដើមជាង ។ បន្ទាប់មក ក្រុមក្មេងទាំងនេះ បាននាំគ្នាជិះម៉ូតូចេញពីព្រលានយន្តហោះកាត់តាមផ្លូវសួនស្ពានសម្តេចស ខេង ស្រាប់តែឃើញសមត្ថកិច្ច ក៏ជិះរត់មកដល់ផ្លូវពោធិវង្សជ្រុលចង្កូតម៉ូតូបុកជាមួយរបងឈើបណ្តាលឱ្យដួល ហើយត្រូវសមត្ថកិច្ចឃាត់ខ្លួនតែម្តង ។
គួរបញ្ជាក់ដែរថា ក្រុមក្មេងទំនើងហាក់កំពុងបង្កព្យុះភ្លៀងយ៉ាងខ្លាំងនៅក្នុងក្រុងបាត់ដំបង រយៈប៉ុន្មានខែចុងក្រោយនេះ ខណ:សមត្ថកិច្ចក្រុងហាក់បាត់បង់ស្ថានការណ៍ក្នុងការទប់ស្កាត់ និងបង្ក្រាបរហូតមានការបង្ហូឈាមគ្នាស្ទើររាល់យប់ ។ ក្រុមក្មេងទំនើងទាំងនោះ ភាគច្រើនជាអ្នកប្រើប្រាស់ថ្នាំញៀន ហើយប្រព្រឹត្តបទល្មើសនាវេលារំលងអធ្រាត្រ ក្រោយពីពួកគេចេញពីក្លិបកម្សាន្តនានាក្នុងក្រុងបាត់ដំបង ។
ពាក់ព័ន្ធករណីនេះ ប្រជាពលរដ្ឋកំពុងមានការព្រួយបារម្ភជាខ្លាំងពីសកម្មភាពរបស់ក្រុមក្មេងទំនើង ដែលកំពុងបង្ហាញពីភាពសាហាវទៅៗនេះ ។
ចែករំលែកព័តមាននេះ