រាជធានីភ្នំពេញ ៖ សេចក្តីរាយការណ៍ឱ្យដឹងថា ឃាតករសម្លាប់សង្សារនៅក្នុងផ្ទះសំណាក់សារីធំ ត្រូវបានសមត្ថកិច្ចកងរាជអាវុធហត្ថរាជធានីភ្នំពេញ ធ្វើការបញ្ជូនទៅអយ្យការយោធា ដើម្បីចោទប្រកាន់ជាផ្លូវការ និងសម្រេចឃុំខ្លួនដាក់ពន្ធនាគារជាបណ្តោះអាសន្ន នារសៀលថ្ងៃទី១១ សីហា នេះ ។ តោះ! មើលកាមេរ៉ាផ្ទះសំណាក់«សារីធំ» មុនពេលយោធាបាញ់នាងសង្សារចំភ្នែកស្តាំស្លាប់
ជនសង្ស័យខាងលើឈ្មោះអ៊ុំ សុផា ភេទប្រុស អាយុ៣០ឆ្នាំ អតីតជាមន្ត្រីកងរាជអាវុធហត្ថ មកស្នាក់នៅភូមិដីស ឃុំស្ទឹងត្រង់ ស្រុកសាលាក្រៅ ខេត្តប៉ៃលិន ។ រីឯនារីរងគ្រោះដែលស្លាប់ឈ្មោះស៊ុន ស្រីលក្ខណ៍ អាយុ២៥ឆ្នាំ ជាស្ត្រីមេម៉ាយកូន២ មានទីលំនៅក្នុងភូមិត្រពាំងរាំង ឃុំអង្គរមាស ស្រុកដងទង់ ខេត្តកំពត (បាញ់ចំភ្នែកធ្លាយទៅក្រោយ) ។
គួររំលឹកថា ក្រោមកិច្ចសហការគ្នាជាមួយកងរាជអាវុធហត្ថលើផ្ទៃប្រទេស កម្លាំងកងរាជអាវុធហត្ថរាជធានីភ្នំពេញ និងកម្លាំងកងរាជអាវុធហត្ថខេត្តប៉ៃលិន បានធ្វើការឃាត់ខ្លួនជនសង្ស័យម្នាក់តាមដីកាបញ្ជាឱ្យចូលខ្លួនលេខ២០៧អ.យ.ឋ ចុះថ្ងៃទី០៨ សីហា របស់លោកសៀង សុខ ព្រះរាជអាជ្ញារងរាជធានីភ្នំពេញ ពីបទមនុស្សឃាត ដោយបាញ់សម្លាប់សង្សាររបស់ខ្លួននៅផ្ទះសំណាក់ «សារីធំ» ក្នុងរាជធានីភ្នំពេញ កាលពីចុងឆ្នាំ២០១៦កន្លងទៅ ។
ការឃាត់ខ្លួនជនសង្ស័យខាងលើ បានធ្វើឡើងកាលពីវេលាម៉ោង១១ និង២០នាទីព្រឹកថ្ងៃទី៩ សីហាស្ថិតនៅចំណុចភូមិដីស ឃុំស្ទឹងត្រង់ ស្រុកសាលាក្រៅ ខេត្តប៉ៃលិន ។ ជនសង្ស័យដែលឃាត់ខ្លួនឈ្មោះអ៊ុំ សុផា ភេទប្រុស អាយុ៣០ឆ្នាំ អតីតជាមន្ត្រីកងរាជអាវុធហត្ថ មកស្នាក់នៅភូមិដីស ឃុំស្ទឹងត្រង់ ស្រុកសាលាក្រៅ ខេត្តប៉ៃលិន ។ មានរឿងអី! ទើបយោធាបាញ់សម្លាប់នាងសង្សារ ក្នុងផ្ទះសំណាក់ «សារីធំ»
ចែករំលែកព័តមាននេះ