រាជធានីភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជាបានបង្ហាញរូបថតសែលហ្វីរបស់សម្តេចនិងលោកនាយករដ្ឋមន្ត្រីជប៉ុននៅព្រឹកថ្ងៃទី ១១ ខែសីហា ឆ្នាំ២០១៧នេះ ក្នុង
រាជធានីភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជាបានបង្ហាញរូបថតសែលហ្វីរបស់សម្តេចនិងលោកនាយករដ្ឋមន្ត្រីជប៉ុននៅព្រឹកថ្ងៃទី ១១ ខែសីហា ឆ្នាំ២០១៧នេះ ក្នុងគណនីហ្វេសប៊ុកផ្លូវការរបស់សម្តេច។
សម្តេចបានសរសេរថា៖ «រូបថត Selfies រវាងខ្ញុំជាមួយនាយករដ្ឋមន្ត្រីជប៉ុន ស៊ីន ហ្សូ អាបេ មិនទាន់មានអ្នកណាបានឃើញនៅឡើយ ព្រោះវាស្ថិតក្នុងទូរស័ព្វរបស់ខ្ញុំជាង២ឆ្នាំមកហើយ។ រូបថតនេះថតនៅយប់មួយនា ខែមេសា ២០១៥ នៅទីក្រុងហ្សាកាតា ក្នុងឱកាសខួប៦០ឆ្នាំ នៃសន្និសីទប្រជាជនអាស៊ី អាហ្វ្រិក (បាន់ឌុង)។ ក្រោយបញ្ចប់ពិធីជប់លៀងរៀបចំដោយប្រធាធិបតីឥណ្ឌូណេស៊ី ខ្ញុំនិងនាយករដ្ឋមន្ត្រីអាបេបានអង្គុយរង់ចាំរថយន្តជាមួយគ្នា និងឆ្លៀតពិភាក្សាការងារផងដែរ។ ក្នុងពេលរង់ចាំនោះ ខ្ញុំក៏ទាញទូរស័ព្ទមកSelfie ជាមួយអាបេ ហើយរក្សាទុករហូតទើបរកឃើញនាល្ងាចថ្ងៃទី១០ សីហា ២០១៧ ក្រោយពេលទស្សនកិច្ចនៅជប៉ុន»។
សម្តេចបានបន្តទៀតថា៖ «មិត្តភាពដែលខ្ញុំ និងនាយករដ្ឋមន្ត្រីអាបេរួមគ្នាកសាងអោយទៅជាដៃគូយុទ្ធសាស្ត្ររវាងកម្ពុជា-ជប៉ុន មានមួយផ្នែកចេញមកពីមិត្តភាព ការគោរពរាប់អានគ្នាដោយមិនប្រកាន់ប្រទេសមាន ប្រទេសក្រ ប្រទេសធំ ប្រទេសតូចផងដែរ។ នៅទីក្រុងតូក្យូ នាយករដ្ឋមន្ត្រីអាបេ បានរៀបចំខួបកំណើតអោយខ្ញុំដែលរឿងនេះកាន់តែបង្ហាញនូវការស្រឡាញ់រាប់អានគ្នា ដែលនាយករដ្ឋមន្ត្រីអាបេបានផ្តល់ដល់រូបខ្ញុំ។ ពេលរូបថតនេះបង្ហោះចេញទៅសុំមេត្តាកុំសើចព្រោះខ្ញុំមិនពូកែថតរូបទេ៕
ចែករំលែកព័តមាននេះ