ភ្ញាក់ផ្អើលអស់ប្រជាពលរដ្ឋនិងព្រះសង្ឃទាំងព្រឹកក្រោយពី…
ខេត្តប៉ៃលិន ៖ ប្រជាពលរដ្ឋ និងព្រះសង្ឃបានប្រទះឃើញសពស្ត្រីម្នាក់ដេកស្លា.ប់នៅក្រោមដើមធ្នង់ក្បែររបងវត្ត អូរបេង
ខេត្តប៉ៃលិន ៖ ប្រជាពលរដ្ឋ និងព្រះសង្ឃបានប្រទះឃើញសពស្ត្រីម្នាក់ដេកស្លា.ប់នៅក្រោមដើមធ្នង់ក្បែររបងវត្ត អូរបេង
ខេត្តប៉ៃលិន ៖ ប្រជាពលរដ្ឋ និងព្រះសង្ឃបានប្រទះឃើញសពស្ត្រីម្នាក់ដេកស្លាប់នៅក្រោមដើមធ្នង់ក្បែររបងវត្ត អូរបេង បង្កឱ្យមានការភ្ញាក់ផ្អើលទាំងព្រឹកដោយសង្ស័យផឹកស្រាស្រវឹងអត់ហូបបាយជាច្រើនថ្ងៃរួចដើរចុះដើរឡើងបណ្តាលឱ្យកើតខ្យល់គដួលស្លាប់ម្នាក់ឯងតែម្តង ។ មុនដំបូងគេនឹកស្មានថា មានករណីឃាតកម្មរំលោភសម្លាប់ទៅលើស្ត្រីរងគ្រោះលុះបន្ទាប់ពីរាយការណ៍ជូនសមត្ថកិច្ចឱ្យចុះទៅពិនិត្យរួចទើបដឹងថា ស្ត្រីរងគ្រោះស្លាប់ដោយសារខ្យល់គ ។ ហេតុការណ៍ប្រជាពលរដ្ឋប្រទះឃើញសពស្ត្រីខាងលើនេះបានកើតឡើងកាលពីព្រឹកថ្ងៃទី១១ សីហា ស្ថិតនៅក្បែររបងវត្តអូរបេង ក្នុងភូមិស្ទឹងកាច់ ឃុំស្ទឹងកាច់ ស្រុកសាលាក្រៅ ។
ប្រភពព័ត៌មានបានឱ្យដឹងថា មានប្រជាពលរដ្ឋម្នាក់ដើរនៅក្បែររបងវត្តអូរវេងស្រាប់តែឃើ ញមានស្ត្រីម្នាក់ដេកនៅទីនោះហើយក៏នាំគ្នាទៅហៅជាច្រើនដងដើម្បីឱ្យងើប លុះក្រោយមកមិនឃើញមានសកម្មភាពអ្វីទាល់តែសោះ ទើបដឹងថា មានករណីមនុស្សស្លាប់រួចក៏ប្តឹងទៅអាជ្ញាធរមូលដ្ឋានឱ្យរាយការណ៍ជូនសមត្ថកិច្ចឱ្យចុះទៅត្រួតពិនិត្យសពស្ត្រីរងគ្រោះនៅចំណុចក្រោមដើមធ្នង់ជិតវិហ៊ាវត្តបេង ។ ប្រភពបន្តទៀតថា ប្រវត្តិ និងសកម្មភាពរបស់ស្ត្រីរងគ្រោះធ្លាប់ដើរផឹកស្រាទាំងថ្ងៃ ទាំងយប់ ដោយគ្មានគោលដៅនោះទេ ។
ប្រភពបញ្ជាក់ថា ជនរងគ្រោះឈ្មោះ ឆែម រ៉ាត់ ភេទស្រី អាយុ៥១ឆ្នាំ រស់នៅភូមិទឹកចេញ ឃុំស្ទឹងកាច់ ស្រុកសាលាក្រៅ ហើយតាមការសាកសួរជុំវិញរឿងហេតុខាងលើស្ត្រីរងគ្រោះជាមនុស្សដែលតែងតែផឹកស្រាជាប្រចាំ ៕
ចែករំលែកព័តមាននេះ