ខេត្តបាត់ដំបង ៖ សេចក្តីរាយការណ៍បឋមឱ្យដឹងថា មានអគ្គិភ័យមួយកំពុងត្របាក់នៅក្នុងទីតាំងស្តុកសាំងក្នុងស្ថានីយប្រេងសាំង LHRមួយកន្លែង ស្ថិតក្នុងក្រុមទី៦ ភូមិវត្ត.គ សង្កាត់វត.គ ក្រុងបាត់ដំបង កើតឡើងនៅវេលាម៉ោង១០ និង៤៥នាទីព្រឹកថ្ងៃទី១១
ខេត្តបាត់ដំបង ៖ សេចក្តីរាយការណ៍បឋមឱ្យដឹងថា មានអគ្គិភ័យមួយកំពុងត្របាក់នៅក្នុងទីតាំងស្តុកសាំងក្នុងស្ថានីយប្រេងសាំង LHRមួយកន្លែង ស្ថិតក្នុងក្រុមទី៦ ភូមិវត្ត.គ សង្កាត់វត.គ ក្រុងបាត់ដំបង កើតឡើងនៅវេលាម៉ោង១០ និង៤៥នាទីព្រឹកថ្ងៃទី១១ សីហា នេះ ដោយបានបង្កការភ្ញាក់ផ្អើលយ៉ាងខ្លាំង ក្នុងនោះបុគ្គលិកស្ថានីយម្នាក់ត្រូវបានរងរបួសរហូតសន្លប់ បន្ទាប់ពីគាត់ភ័យរត់ចូលកន្លែងឆេះនោះ ។
សេចក្តីរាយការណ៍បន្តថា ជនរងគ្រោះខាងលើឈ្មោះថន នីដា ភេទប្រុស អាយុ២៧ឆ្នាំ ជាមេការគ្រប់គ្រងស្ថានីប្រេង LHR ត្រូវបានបញ្ជូនទៅសង្គ្រោះភ្លាមៗ ។
ទោះបីជាយ៉ាងណា ភ្លាមៗបានឃើញរថយន្តពន្លត់អគ្គិភ័យចំនួន៣គ្រឿង ចុះទៅអន្តរាគមន៍បាញ់ពន្លត់ផងដែរ ។ ដោយមិនទាន់ដឹងពីទំហំនៃការខូចខាតមានអ្វីខ្លះនោះទេ តែឃើញភ្លើងបានឆេះចេញដំបូលមុនគេ ។ ចំពោះមូលហេតុវិញ កំពុងសង្ស័យថា អាចបណ្តាលមកពីទុស្សេចរន្តភ្លើង ព្រោះគេបានឮសំឡេងផ្ទុះខ្លាំងហើយក៏មានអណ្តាតភ្លើងឆេះរាលដាលតែម្តង ក្នុងនោះប៊ីសាំងចំណុះ៣០លីត្រត្រូវឆេះអស់ជាច្រើន ។ បច្ចុប្បន្ន អាជ្ញាធរមានសមត្ថកិច្ច រួមទាំងពលរដ្ឋកំពុងនាំគ្នាជួយទប់ស្កាត់ ដើម្បីកុំឱ្យឆេះរីករាលដាល ។
ចែករំលែកព័តមាននេះ