ទៅដាក់ពាក្យបណ្ដឹងស្រាប់តែប្រទះឃើញម៉ូតូរបស់ខ្លួននៅប៉ុស្ដិ៍ប៉ូលិស
រាជធានីភ្នំពេញ ៖ ចោរ២នាក់ក្នុងចំណោមបក្សពួក៣នាក់ត្រូវបានកម្លាំងអន្តរាគមន៍ខណ្ឌមានជ័យឃាត់ខ្លួនបាន បន្ទាប់ពីពួកគេធ្វើសកម្មភាពលួចយកម៉ូតូZOOMER-X ១គ្រឿង
រាជធានីភ្នំពេញ ៖ ចោរ២នាក់ក្នុងចំណោមបក្សពួក៣នាក់ត្រូវបានកម្លាំងអន្តរាគមន៍ខណ្ឌមានជ័យឃាត់ខ្លួនបាន បន្ទាប់ពីពួកគេធ្វើសកម្មភាពលួចយកម៉ូតូZOOMER-X ១គ្រឿង
រាជធានីភ្នំពេញ ៖ ចោរ២នាក់ក្នុងចំណោមបក្សពួក៣នាក់ត្រូវបានកម្លាំងអន្តរាគមន៍ខណ្ឌមានជ័យឃាត់ខ្លួនបាន បន្ទាប់ពីពួកគេធ្វើសកម្មភាពលួចយកម៉ូតូZOOMER-X ១គ្រឿង នាវេលាម៉ោង១២អធ្រាត្រថ្ងៃទី១០ សីហា នៅក្នុងផ្ទះលេខ១៦ ភូមិព្រែតាគង់៣ សង្កាត់ចាក់អង្រែលើ ខណ្ឌមានជ័យ ។
ម៉ូតូដែលដកហូតបានមកវិញម៉ាកZOOMER-X ពណ៌ស បិទស្កុតខ្មៅ ពាក់ផ្លាកលេខភ្នំពេញ 1GC- 5359 ជាកម្មសិទ្ធិរបស់ឈ្មោះ ងៀប ចាន់ធា ភេទប្រុស អាយុ២៣ឆ្នាំ ជាសិស្សស្នាក់នៅគីឡូម៉ែត្រលេខ៦ ខណ្ឌឬស្សីកែវ ។ ចំណែកចោរ២នាក់ដែលត្រូវចាប់ខ្លួនម្នាក់ឈ្មោះ កង សាមឌី ភេទប្រុស អាយុ២៦ឆ្នាំ មុខរបរគ្រូបង្រៀនភាសាអង់គ្លេសស្នាក់នៅក្រុងតាខ្មៅមានស្រុកកំណើតនៅភូមិតាខ្មៅ សង្កាត់សេរីភាព ក្រុងតាខ្មៅ ខេត្តកណ្តាល និងម្នាក់ទៀតឈ្មោះ អ៊ុច បូរ៉ា ភេទប្រុស អាយុ២០ឆ្នាំ មុខរបររត់តុការ ស្នាក់នៅភូមិស្ទឹងជ្រៅ សង្កាត់ដើមមៀន ក្រុងតាខ្មៅ ខេត្តកណ្តាល ។ រីឯម្នាក់ទៀតជាបក្សពួកឈ្មោះនេត បានរត់គេចខ្លួនបាត់ ។
តាមសម្តីកម្លាំងអន្តរាគមន៍ខណ្ឌមានជ័យឱ្យដឹងថា មុនឈានដល់ការឃាត់ខ្លួនជនសង្ស័យពួកគាត់បានឮដំណឹងពីប្រជាពលរដ្ឋថា ឃើញជន២នាក់ កំពុងបណ្ដើរម៉ូតូ១គ្រឿងចេញពីម្តុំរោងចក្រ តាក់វ៉ាន់ គួរឱ្យសង្ស័យ ក៏នាំកម្លាំងចុះទៅមើលស្រាប់តែប្រទះឃើញជនសង្ស័យពីរនាក់កំពុងតែបណ្តើរម៉ូតូ១គ្រឿងមែនក៏បានឃាត់ដើម្បីសួរនាំ ។ ភ្លាមនោះជនសង្ស័យបាននាំគ្នារត់គេចខ្លួនប៉ុន្តែត្រូវកម្លាំងអន្តរាគមន៍ដេញតាមចាប់បានទាំងពីរនាក់រួមជាមួយម៉ូតូ១គ្រឿងយកទៅសាកសួរនៅប៉ុស្តិ៍នគរបាលចាក់អង្រែលើ ទើបដឹងថា ម៉ូត១គ្រឿងនេះគឺពួកគេបានលួចពីម្តុំផ្ទះលេខ១៦ ភូមិព្រែកតាគង់៣ សង្កាត់ចាក់អង្រែលើ ដោយមានគ្នា៣នាក់ ប៉ុន្តែម្នាក់ទៀតបានរត់គេចខ្លួនបាត់ ។
ប្រភពដដែលបានបន្តថា ពេលដែលសមត្ថកិច្ចកំពុងសាកសួរជនសង្ស័យ ស្រាប់តែម្ចាស់ម៉ូតូ បានមកដាក់ពាក្យបណ្តឹង ដែរក៏ប្រទះឃើញម៉ូតូរបស់ខ្លួន នៅប៉ុស្តិ៍នគរបាលធ្វើឱ្យគាត់ត្រេកអរយ៉ាងខ្លាំងដែលសមត្ថកិច្ចចាប់បានទាំងចោរនិងរកឃើញម៉ូតូគាត់វិញ ។ ជនសង្ស័យត្រូវបានសមត្ថកិច្ចកសាងសំណុំរឿងបញ្ជូនខ្លួនទៅអធិការដ្ឋាននគរបាលខណ្ឌមានជ័យដើម្បីចាត់ការបន្ត ៕
ចែករំលែកព័តមាននេះ