រាជធានីភ្នំពេញ ៖ លោក សៀង សុខ ព្រះរាជអាជ្ញារងអមសាលាដំបូងរាជធានីភ្នំពេញ បានចេញដីកាបញ្ជាឱ្យសមត្ថកិច្ចនាំខ្លួនលោកម៉ន ផល្លា ប្រធានប្រតិបត្តិគណបក្សសង្គ្រោះជាតិរាជធានីភ្នំពេញ ដើម្បីសាកសួរពីដំណើររឿងដែលតាមការចោទប្រកាន់គឺពី
រាជធានីភ្នំពេញ ៖ លោក សៀង សុខ ព្រះរាជអាជ្ញារងអមសាលាដំបូងរាជធានីភ្នំពេញ បានចេញដីកាបញ្ជាឱ្យសមត្ថកិច្ចនាំខ្លួនលោកម៉ន ផល្លា ប្រធានប្រតិបត្តិគណបក្សសង្គ្រោះជាតិរាជធានីភ្នំពេញ ដើម្បីសាកសួរពីដំណើររឿងដែលតាមការចោទប្រកាន់គឺពីបទ «ហិង្សាដោយចេតនាមានស្ថានទម្ងន់ទោស» លើយុវជនម្នាក់នៅខណ្ឌមានជ័យ កាលពីចុងខែឧសភា ឆ្នាំ២០១៧ កន្លងទៅ ក្នុងយុទ្ធនាការឃោសនាបោះឆ្នោតក្រុមប្រឹក្សាឃុំ-សង្កាត់ ។
រឿងរ៉ាវខាងលើនេះ ធ្លាប់ត្រូវបានដោះស្រាយគ្នានៅ គ.ជ.ប ដែរ តែមិនបានឯកភាពគ្នាទេ ទើបមានការដាក់ពាក្យបណ្តឹងទៅតុលាការ ។ លោក ម៉ន ផល្លា មានទីលំនៅផ្ទះលេខ ៣Eo ផ្លូវលេខ១៥C ភូមិអូរបែកក្អម សង្កាត់ទឹកថ្លា ខណ្ឌសែនសុខ ។
គួររំឭកថា កាលពីថ្ងៃទី២៨ ខែឧសភា ឆ្នាំ២០១៧កន្លងទៅ យុវជនម្នាក់ត្រូវបានក្រុមសកម្មជនគណបក្សសង្គ្រោះជាតិប្រមាណ១០នាក់ព្រួតវាយ ដោយគ្រាន់តែបើកម៉ូតូឆ្លងកាត់ក្បួនដង្ហែរបស់គណបក្សនេះ បណ្តាលឱ្យជាំហើមភ្នែកខាងឆ្វេង ក្បាល និងខ្លួនប្រាណជាច្រើនកន្លែង ។
ក្រោយមក នៅល្ងាចថ្ងៃទី២៩ ខែឧសភា ឆ្នាំ២០១៧ យុវជនរូបនេះបានដាក់ពាក្យប្តឹងក្រុមអ្នកគាំទ្រគណបក្សសង្គ្រោះជាតិទាំងនេះនៅប៉ុស្តិ៍នគរបាលសង្កាត់ស្ទឹងមានជ័យ ខណ្ឌមានជ័យ ពីករណីដែលបានវាយទាត់ធាត់លើរូបគេ ។ ភ្លាមៗនេះ មិនអាចស្វែងរកការបំភ្លឺពីលោក ម៉នផល្លា បានទេ ដែលបានបដិសេធការកោះហៅរបស់តុលាការកន្លងមកនេះ ៕
ចែករំលែកព័តមាននេះ