តាមប្រភពព័ត៌មាន Viral4real ឱ្យដឹងថា បុរសជនជាតិម៉ាឡេស៊ីម្នាក់ ត្រូវបានចាប់ខ្លួនដោយសារតែវាយធ្វើបានរាងកាយប្រពន្ធរបស់ខ្លួន បន្ទាប់ពីនាងប្រកែកមិនព្រមរួមភេទជាមួយ ។ ហេតុផលដែលនាងប្រកែក គឺមកពីនាងមករដូវ ហើយពិបាកក្នុងការរួមភេទ ។
ប្តីប្រពន្ធខាងលើ បានរស់នៅជាមួយគ្នាអស់រយៈពេល១៩ឆ្នាំហើយ ហើយនេះមិនមែនជាលើកទីមួយទេ ដែលខាងប្រុសវាយធ្វើបាបខាងស្រីដូចនេះ ។ កាលពីពេលកន្លងមក បុរសជាប្តីបានវាយធ្វើបាបរាងកាយនាងរហូតទាល់តែជាំពេញខ្លួននិងហើមមុខពោរ។
យោងតាមការរាយការណ៍ថា បុរសជាប្តីមានអាយុ៤៩ឆ្នាំរូបនេះ ដែលគេដឹងថា ជាជាងមាស បានបង្ខំប្រពន្ធរបស់ខ្លួនជាច្រើនលើកច្រើនសារ និងវាយធ្វើបាបនាង រហូតរាល់ពេលនាងប្រកែកមិនរួមភេទ ។ ពួកគេទាំងពីរនាក់ធ្លាប់បានលែងលះគ្នា២ដងមកហើយ។ តែការរៀបការវិញ រហូតដល់ទៅ៣ដង ។ គេនៅមិនដឹងទៀតថា ហេតុអ្វីបានជាខាងស្រី ព្រមមកយកខាងប្រុសវិញសោះ ។
បុរសចិត្តល្មោភកាមខាងលើ ត្រូវបានប៉ូលិសចាប់ខ្លួន ហើយសម្រេចក្តីថា នឹងឲ្យជាប់ពន្ធនាគាររយៈពេល៥ឆ្នាំ ពីបទប្រើប្រាស់អំពើហិង្សា ។
ចែករំលែកព័តមាននេះ