កាមរីឆ្លាមបុកអ្នកជិះម៉ូតូបណ្តាលរបួសធ្ងន់៤នាក់ បាក់ជើង២នាក់
ខេត្តបន្ទាយមានជ័យ ៖ រថយន្តកាមរីឆ្លាមបុកអ្នកជិះម៉ូតូបណ្តាលរបួសធ្ងន់៤នាក់ ដែលកើតឡើងនៅវេលាម៉ោង៨ និង៣០នាទីយប់ ថ្ងៃទី០៨ ខែសីហា
ខេត្តបន្ទាយមានជ័យ ៖ រថយន្តកាមរីឆ្លាមបុកអ្នកជិះម៉ូតូបណ្តាលរបួសធ្ងន់៤នាក់ ដែលកើតឡើងនៅវេលាម៉ោង៨ និង៣០នាទីយប់ ថ្ងៃទី០៨ ខែសីហា ឆ្នាំ២០១៧ នៅចំណុចគោកខ្វាវ ស្ថិតភូមិតាម៉ាំង ឃុំគោករមៀត ស្រុកថ្មពួក។ មន្ត្រីនគរបាលចរាចរណ៍ស្រុកថ្មពួកបានប្រាប់ថា ជនរងគ្រោះ៤នាក់ ដែលរងរបួសដោយរថយន្តបុកមាន១.ឈ្មោះ ឆៃ ជីវ៉ៃ ភេទប្រុស អាយុ១៤ឆ្នាំ ២.ឈ្មោះ ញឹប ចន្ទ្រា ភេទប្រុស អាយុ១៨ឆ្នាំ ៣.ឈ្មោះ ថា រ៉េន ភេទប្រុស អាយុ១៤ឆ្នាំ ជនរងគ្រោះរស់នៅភូមិ.ឃុំគោករមៀត ស្រុកថ្មពួក។
មន្ត្រីនគរបាលរូបនោះបានបញ្ជាក់ថា នៅពេលគ្រោះថ្នាក់ចរាចរណ៍កើតឡើងគឺរថយន្តធុនកាមរីឆ្លាមដែលពាក់ស្លាកលេខ ភ្នំពេញ 2A.2545 អ្នកបើកបរឈ្មោះ មិត្ត ដារ៉ា ភេទប្រុស អាយុ១៤ឆ្នាំ រស់នៅភូមិគីឡូម៉ែត្រលេខ៤ សង្កាត់ផ្សារកណ្តាល ក្រុងប៉ោយប៉ែត។ បានបើកបរក្នុងទិសដៅត្បូងទៅជើងក្នុងល្បឿនលឿនបានទៅបុកម៉ូតូម៉ាកហុងដាវ៉េវ ស៊េរីចាស់ជិះគ្នា៤នាក់ បណ្តាលរបួសធ្ងន់បាក់ជើង២នាក់ត្រូវបានសង្គ្រោះបន្ទាន់ ហើយរថយន្ត និងអ្នកបើកបរត្រូវបានអ្នកស្រុកចាប់បានភ្លាមៗ។
មន្ត្រីនគរបាលបានបញ្ជាក់ថា 0មូលហេតុគ្រោះថ្នាក់ចរាចរណ៍កើតឡើងគឺបណ្តាលមកពី អ្នកបើកបររថយន្តខ្វះការប្រុងប្រយ័ត្នបើកបរពេលយប់ទើបបណ្តាលបុកអ្នកជិះម៉ូតូបណ្តាលរបួសធ្ងន់៤នាក់បាក់ជើង២នាក់។ ហើយរថយន្តដែលបង្កនិងអ្នកបើកបរ ព្រមទាំងម៉ូតូជនរងគ្រោះត្រូវបានយកមករក្សាទុកនៅអធិការនគរបាលស្រុកថ្មពួកចាត់ការតាមច្បាប់៕
ចែករំលែកព័តមាននេះ