រាជធានីភ្នំពេញ ៖ គណបក្សសង្គ្រោះជាតិ ដែលបច្ចុប្បន្នដឹកនាំដោយលោកកឹម សុខា បានចេញសេចក្តីថ្លែងការណ៍នៅថ្ងៃទី១០ សីហា នេះថា គណបក្សប្រឆាំងមិនទទួលខុសត្រូវនូវរាល់ការផ្សព្វផ្សាយ ការប្រើប្រាស់ជាសម្លេង រូបភាព ឬសកម្មភាពរបស់
រាជធានីភ្នំពេញ ៖ គណបក្សសង្គ្រោះជាតិ ដែលបច្ចុប្បន្នដឹកនាំដោយលោកកឹម សុខា បានចេញសេចក្តីថ្លែងការណ៍នៅថ្ងៃទី១០ សីហា នេះថា គណបក្សប្រឆាំងមិនទទួលខុសត្រូវនូវរាល់ការផ្សព្វផ្សាយ ការប្រើប្រាស់ជាសម្លេង រូបភាព ឬសកម្មភាពរបស់ទណ្ឌិតជាប់ទោសពីបទឧក្រិដ្ឋ ឬពីបទមជ្ឈឹមដែលផ្សារភ្ជាប់ពាក់ព័ន្ធនឹងបក្សសង្គ្រោះជាតិ ។
សេចក្តីថ្លែងការរបស់គណបក្សប្រឆាំង បើទោះបីជាមិននិយាយចំឈ្មោះលោក សម រង្ស៊ី អតីតមេដឹកនាំបក្សសង្គ្រោះជាតិក៏ដោយ តែវាប្រាកដណាស់ថា គឺបក្សប្រឆាំងរបស់លោកកឹម សុខា គឺប្រកាសមិនទទួលខុសត្រូវនូវរាល់សកម្មភាព ដែលពាក់ព័ន្ធនឹងលោក សម រង្ស៊ី ដែលត្រូវបានកាត់ទោសឱ្យជាប់ពន្ធនាគារកន្លងមក ។
សេចក្តីថ្លែងការរបស់បក្សប្រឆាំងបានសរសេរថា៖ «គណបក្សសង្គ្រោះជាតិ មិនទទួលខុសត្រូវ នូវរាល់ការផ្សព្វផ្សាយ ឬសកម្មភាពរបស់បុគ្គលណាមួយ ដែលមិនមែនជាសេចក្តីសម្រេចរបស់គណបក្សមានជាអាទិ៍៖ (១) ការប្រើប្រាស់ជាសំឡេង រូបភាព ឯកសារជាលាយលក្ខណ៍អក្សរ ឬសកម្មភាពរបស់ទណ្ឌិតជាប់ទោសពីបទឧក្រិដ្ឋ ឬពីបទមជ្ឈឹម ដែលផ្សារភ្ជាប់ពាក់ព័ន្ធមកគណបក្សសង្គ្រោះជាតិ ។ (២) ការយល់ព្រមដោយចំហរ ឬដោយតុណ្ហីភាព ឬឃុបឃិតជាមួយទណ្ឌិត ជាប់ទោសពីបទឧក្រិដ្ឋ ឬពីបទមជ្ឈឹម ធ្វើសកម្មភាពណាមួយដែលផ្សារភ្ជាប់ពាក់ព័ន្ធមកគណបក្សសង្គ្រោះជាតិ។
យ៉ាងណាមិញ លោកអេង ឆៃអ៊ាង អនុប្រធានបក្សសង្គ្រោះជាតិកាលពីថ្ងៃទី០៧ ខែសីហា ឆ្នាំ២០១៧ បានសរសេរសារយ៉ាងខ្លីលើហ្វេសប៊ុករបស់គាត់ថា៖ «ច្បាប់ស្តីពីវិសោធនកម្មច្បាប់ស្តីពីគណបក្សនយោបាយហាមតែគណបក្សនយោបាយទេតែមិនហាមចំពោះបុគ្គលឡើយ» ។
លោក អេង ឆៃអ៊ាង ដែលបានបង្ហោះរូបលោកសម រង្ស៊ី ក្នុងហ្វេសប៊ុកលោកផងដែរនោះ បានបន្ថែមថា៖ «ដូច្នេះ ក្នុងនាមខ្លួនខ្ញុំផ្ទាល់ ខ្ញុំនៅតែមានសិទ្ធិនិយាយ ឬយករូបភាពមកផុសក្នុងគណនីបណ្តាញសង្គមផ្ទាល់ខ្លួន ចំពោះមនុស្សដែលខ្ញុំគោរពស្រលាញ់ ហើយត្រូវក្រុមអ្នកមានអំណាចចាត់ជាអ្នកទោស» ។
ចែករំលែកព័តមាននេះ