ហេតុផលសំខាន់ៗជាច្រើនយ៉ាងអ្នកគួរតែបរិភោគឆៃថាវ
ឆៃថាវប្រហែលជាមិនមែនបន្លែដែលអ្នកចូលចិត្តនោះទេ ប៉ុន្តែនៅពេលនិយាយដល់អាហារបំប៉ន និងផលប្រយោជន៍ចំពោះសុខភាព ឆៃថាវមានអត្ថប្រយោជន៍ច្រើនជាងបន្លែដទៃទៀតយ៉ាងខ្លាំង ។
ឆៃថាវប្រហែលជាមិនមែនបន្លែដែលអ្នកចូលចិត្តនោះទេ ប៉ុន្តែនៅពេលនិយាយដល់អាហារបំប៉ន និងផលប្រយោជន៍ចំពោះសុខភាព ឆៃថាវមានអត្ថប្រយោជន៍ច្រើនជាងបន្លែដទៃទៀតយ៉ាងខ្លាំង ។
អ្នកអាចបរិភោគវាឆៅ ឬបន្ថែមវាទៅក្នុងមុខម្ហូបបន្លែដែលល្អចំពោះសុខភាពរបស់អ្នក។ បន្លែដែលផ្ទុកទៅដោយសារធាតុចិញ្ចឹមដ៏ច្រើននេះមានអត្ថប្រយោជន៍ជាច្រើនដល់សុខភាព ។
អត្ថប្រយោជន៍សំខាន់ទាំង៦ដែលអាចធ្វើឲ្យអ្នកងាកមកចាប់អារម្មណ៍នឹងឆៃថាវវិញ ៖
១-គ្រប់គ្រងសម្ពាធឈាម
ឆៃថាវមានលក្ខណសម្បត្តិប្រឆាំងនឹងជំងឺលើសឈាមដែលអាចជួយគ្រប់គ្រងសម្ពាធឈាមខ្ពស់ ។ ឆៃថាវសម្បូរទៅដោយប៉ូតាស្យូមដែលជួយរក្សាតុល្យភាពជាតិសូដ្យូម និងប៉ូតាស្យូមនៅក្នុងរាងកាយ ធ្វើឲ្យសម្ពាធឈាមមានតុល្យភាព ។
២-ថែរក្សាតម្រងនោមឱ្យមានសុខភាពល្អ
លក្ខណសម្បត្តិនៃការបញ្ចុះទឹកនោមដោយធម្មជាតិដែលមានក្នុងឆៃថាវធ្វើឱ្យវាល្អចំពោះសុខភាពតម្រងនោម ។ វាជួយបញ្ចេញជាតិពុលពីរាងកាយដោយដើរតួនាទីជាអ្នកសំអាតពីធម្មជាតិ ។
៣-ព្យាបាលផ្តាសាយ និងក្អក
ប្រសិនបើអ្នកឆាប់ផ្តាសាយ និងក្អក អ្នកគួរតែបរិភោគឆៃថាវឲ្យបានច្រើន ។ បន្លែនេះមានលក្ខណៈប្រឆាំងនឹងការតឹងច្រមុះដែលជួយក្នុងការសំអាតស្លេស្មនៅក្នុងបំពង់ក ។ លើសពីនេះ ឆៃថាវក៏ជួយពង្រឹងប្រព័ន្ធភាពស៊ាំរបស់អ្នកជួយបញ្ចៀសការឆ្លងមេរោគដែលនាំឱ្យកើតជំងឺផ្តាសាយ និងក្អក ។
៤-ជួយសម្រកទម្ងន់
ឆៃថាវមានកាឡូរីតិចតួចមែនទែន ហើយបរិមាណជាតិសរសៃនៅក្នុងឆៃថាវជួយធ្វើឲ្យអ្នកឆាប់ឆ្អែត ។ ការទទួលទានឆៃថាវឆៅ១០០ក្រាមមានកាឡូរីត្រឹមតែ១៦ប៉ុណ្ណោះ ឆៃថាវអាចជាផ្នែកមួយនៃរបបអាហារសម្រាប់សម្រកទម្ងន់ ។
៥-ល្អចំពោះអ្នកជំងឺហឺត
ឆៃថាវមានសមាសធាតុប្រឆាំងនឹងការកកស្ទះស្លេស្មដែលធ្វើឱ្យវាមានអត្ថប្រយោជន៍យ៉ាងខ្លាំងចំពោះអ្នកជំងឺហឺត ។ វាក៏ប្រយុទ្ធប្រឆាំងនឹងប្រតិកម្មអាឡែកហ្ស៊ីនៃប្រព័ន្ធដង្ហើម និងការពារស្រទាប់ក្នុងប្រព័ន្ធដង្ហើមប្រឆាំងនឹងការឆ្លងមេរោគផងដែរ ។
៦-ធ្វើឲ្យអ្នកមើលទៅក្មេងជាងវ័យ
ឆៃថាវមានវីតាមីនC និងសារធាតុប្រឆាំងអុកស៊ីតកម្ម ដូច្នេះអ្នកអាចបរិភោគឆៃថាវដើម្បីការពារស្បែករបស់អ្នកពីការបំផ្លាញដោយសាររ៉ាឌីកាល់សេរី ។ អ្នកក៏អាចយកឆៃថាវឆៅដែលបានកិនហើយមកបំពោកលើស្បែកដោយសារ វាអាចជួយសម្អាតស្បែករបស់អ្នក ៕
ចែករំលែកព័តមាននេះ