ដើម្បីឲ្យប្រជាពលរដ្ឋលែងព្រួយបារម្មណ៍ត្រូវដោះស្រាយបញ្ហា4ចំណុចនេះ(មានវីដេអូ)
ខេត្តស្វាយរៀង ៖ លោកជំទាវ ម៉ែន សំអន ឧបនាយករដ្ឋមន្ត្រី រដ្ឋមន្ត្រីក្រសួងទំនាក់ទំនងជាមួយរដ្ឋសភា ព្រឹទ្ធសភា និងអធិការកិច្ចបានមានប្រសាសន៍ថា
ខេត្តស្វាយរៀង ៖ លោកជំទាវ ម៉ែន សំអន ឧបនាយករដ្ឋមន្ត្រី រដ្ឋមន្ត្រីក្រសួងទំនាក់ទំនងជាមួយរដ្ឋសភា ព្រឹទ្ធសភា និងអធិការកិច្ចបានមានប្រសាសន៍ថា
ខេត្តស្វាយរៀង ៖ លោកជំទាវ ម៉ែន សំអន ឧបនាយករដ្ឋមន្ត្រី រដ្ឋមន្ត្រីក្រសួងទំនាក់ទំនងជាមួយរដ្ឋសភា ព្រឹទ្ធសភា និងអធិការកិច្ចបានមានប្រសាសន៍ថា ដើម្បីឲ្យប្រជាពលរដ្ឋ អស់ការព្រួយបារម្មណ៍ និងទុក្ខកង្វល់នានា គ្រប់មន្ទីរជំនាញ និងស្ថាប័នពាក់ព័ន្ធទាំងអស់ត្រូវបន្តអនុវត្តន៍ គោលនយោបាយចតុកោណដំណាក់កាលទី៣របស់រាជរដ្ឋាភិបាលឲ្យកាន់តែល្អប្រសើក្នុងនោះគ្រឹះដ៏សំខាន់គឺ មនុស្ស ផ្លូវ ទឹក ភ្លើង ដែលជាបញ្ហាយើងត្រូវរួមគ្នាដោះស្រាយ ពីព្រោះបួនចំណុចនេះពាក់ព័ន្ធជីវភាពរស់នៅរបស់ប្រជាពលរដ្ឋ ។
មនុស្ស គឺសំដៅលើការអប់រំត្រូវមានសាលាល្អ មានគ្រូបង្រៀន ប្រកបដោយចំណេះដឹង មានគរុកោសល្យខ្ពស់ សម្រាប់បង្រៀនដល់សិស្ស ចាប់ពីមតេយ្យរហូត ឧត្តមសិក្សា ។ ផ្លូវ យើងមានតាំងពីទីប្រជុំជនរហូតជនបទ ទឹក យើងមានប្រព័ន្ធធារាសាស្ត្រ សម្រាប់ឲ្យប្រជាពលរដ្ឋប្រកបមុខរបរកសិកម្ម និងមាន ទឹកស្អាត សម្រាប់ប្រើប្រាស់ ភ្លើងយើងមានអគ្គីសនី ពីទីប្រជុំជនរហូតជនបទ នៅឆ្នាំ២០២០ ហើយខេត្តស្វាយរៀង រាជរដ្ឋាភិបាលបានបង្កើតតំបន់សេដ្ឋកិច្ចពិសេស នៅក្រុងបាវិត ហើយអ្នកវិនិយោគិន បានបង្កើតរោងចក្រសហគ្រាស ចំនួន១៥៥រោងចក្រសហគ្រាស បានផ្តល់ការងារឲ្យកម្មករកម្មការនី ធ្វើការ ជាង៦ម៉ឺននាក់ ។
លោកជំទាវមានប្រសាសន៍បែបនេះនៅក្នុងកិច្ចប្រជាំបូកសរុបសកម្មភាពការងារ និងការរៀបចំវេទិកាសាធារណៈប្រចាំឆមាសទី១ និងទិសដៅអនុវត្តបន្តឆ្នាំ២០១៧ របស់ក្រុមការងារថ្នាក់ជាតិចុះមូលដ្ឋាននៅខេត្តស្វាយរៀងនាព្រឹកថ្ងៃទី១០ សីហា នៅសណ្ឋាគារទន្លេវ៉ៃគោក្រុងស្វាយរៀងដែលមានសមាជិសមាជិកាចូលរួមជាង២០០នាក់ ។
លោកអភិបាលស្រុកស្វាយទាបបានរាយការណ៍ថា ខ្វះគ្រូបង្រៀននៅជនបទគឺសាលបឋមសិក្សា ឃុំ គគីរសោមនិងសាលាបឋមសិក្សាឃុំពពែត មូលហេតុគឺ លោកគ្រូ អ្នកគ្រូ មានទីលំនៅក្នុងក្រុង ទទួលប៉ុស្តិ៍នៅជនបទ បង្រៀន គ្រប់៥ឆ្នាំត្រូវសុំផ្ទេរចេញទៅ បង្រៀននៅជិតផ្ទះវិញធ្វើឲ្យខ្វះគ្រូនៅជនបទ ។ បញ្ហា អគ្គីសនី មានបង្គោល និងតប្រព័ន្ធអគ្គីសនី រយៈពេល២ឆ្នាំមកហើយក៏ប៉ុន្តែ មន្ត្រីអគ្គីសនី មិនតប្រព័ន្ធអគ្គីសនីឲ្យប្រជាពលរដ្ឋប្រើប្រាស់ឲ្យសេវាទៅឈ្មួញ យកសេវា ថ្លៃ ចាប់ពី១.៥០០ រហូត៣.៥០០រៀលក្នុង១គីឡូវ៉ាត់ម៉ោង សូមឲ្យក្រុមការងារដោះស្រាយ ។ ផ្លូវនៅជនបទ ខូច ពិបាកធ្វើដំណើរនៅក្នុងរដូវវស្សា ៕
ចែករំលែកព័តមាននេះ