ខេត្តបាត់ដំបង ៖ មានការបើកឆាកប្រយុទ្ធគ្នាយ៉ាងសាហា.វរវាងពួកក្មេងអន្ធពាល២ក្រុម កើតឡើងកាលពីវេលាម៉ោង៤ទៀបភ្លឺថ្ងៃទី០៩ សីហា ស្ថិតក្បែរសួនច្បារសម្ដេចក្រឡាហោម ស ខេង ក្នុងក្រុងបាត់ដំបង ។ ទីបំផុត ក៏ត្រូវកម្លាំងកងរាជអាវុធហត្ថឃាត់ខ្លួន
ខេត្តបាត់ដំបង ៖ មានការបើកឆាកប្រយុទ្ធគ្នាយ៉ាងសាហាវរវាងពួកក្មេងអន្ធពាល២ក្រុម កើតឡើងកាលពីវេលាម៉ោង៤ទៀបភ្លឺថ្ងៃទី០៩ សីហា ស្ថិតក្បែរសួនច្បារសម្ដេចក្រឡាហោម ស ខេង ក្នុងក្រុងបាត់ដំបង ។ ទីបំផុត ក៏ត្រូវកម្លាំងកងរាជអាវុធហត្ថឃាត់ខ្លួនភាគីម្ខាងបានចំនួន៥នាក់ ខណ:ម្នាក់ទៀតដែលជាគូសត្រូវបានស្លាប់នៅក្នុងមន្ទីរពេទ្យ ។
លោកឡាច វ៉ាន់ នាយការិយាល័យបទល្មើសព្រហ្មទណ្ឌនៃបញ្ជាការដ្ឋានកងរាជអាវុធហត្ថខេត្តបានឲ្យដឹងថា ពួកក្មេងទំនើងទាំង២ក្រុម ដែលមួយក្រុមៗមានបក្សពួកលើសពី៤នាក់ បានបើកឆាកប្រយុទ្ធគ្នាដោយប្រើដាវ និងកាំបិតច្នៃកាលពីវេលាទៀបភ្លឺនៅជិតសួនច្បារសម្ដេចកហរឡាហោម ។ ខណ:ដែលពួកគេកំពុងរត់និងជិះម៉ូតូដេញកាប់គ្នានោះ ត្រូវកម្លាំងកងរាជអាវុធហត្ថក្រុង បានចុះអន្តរាគមន៍ភ្លាមៗ រហូតឈានដល់ការឃាត់ខ្លួនជនដៃដល់ នៃភាគីទាំង២បានចំនួន៦នាក់ តែមានម្នាក់របួសធ្ងន់ត្រូវកម្លាំងបញ្ជូនទៅមន្ទីរពេទ្យ តែជននេះបានស្លាប់នៅថ្ងៃបន្ទាប់ ដោយសាររបូសធ្ងន់ពេក ។ រីឯ៥នាក់ទៀតត្រូវឃាត់ខ្លួនយកទៅសួរនាំ ។
ជនទំនើងទាំង៥នាក់ត្រូវឃាត់ខ្លួន ១-ឈ្មោះអាន ចិនសែ អាយុ២០ឆ្នាំ ជាបុគ្គលិកក្លិបកំសាន្តLevil, ២-ឈ្មោះសិទ្ធ ចាន់ជី អាយុ២១ឆ្នាំ ជាសន្តិសុខក្រុមហ៊ុនKHG, ៣-ឈ្មោះកប ឌីណា អាយុ២៥ឆ្នាំ ជាបុគ្គលិកក្លិបកំសាន្តLevil, ៤-ឈ្មោះធឿត រតនា អាយុ២៣ឆ្នាំ និង៥-ឈ្មោះលឿម សាលឿត អាយុ២៦ឆ្នាំ ជាបុគ្គលិកក្លិបកំសាន្តLevil ។ ដោយឡែក ជនទំនើងម្នាក់ដែលស្លាប់ឈ្មោះនី ឡៃ អាយុ២១ឆ្នាំ នៅភូមិព្រែកតាច្រែង ឃុំព្រែកនរិន្ទ ស្រុកឯកភ្នំ ។
ចែករំលែកព័តមាននេះ