ជួបសំណេះសំណាលនិងផ្តល់រង្វាន់លើកទឹកចិត្ត
ខេត្តកណ្តាល ៖ ដើម្បីលើកកម្ពស់នូវវិស័យអប់រំក្នុងការកសាងធនធានមនុស្សឲ្យសមស្របទៅតាមគោលនយោបាយរបស់រាជរដ្ឋាភិបាលកម្ពុជា
ខេត្តកណ្តាល ៖ ដើម្បីលើកកម្ពស់នូវវិស័យអប់រំក្នុងការកសាងធនធានមនុស្សឲ្យសមស្របទៅតាមគោលនយោបាយរបស់រាជរដ្ឋាភិបាលកម្ពុជា
ខេត្តកណ្តាល ៖ ដើម្បីលើកកម្ពស់នូវវិស័យអប់រំក្នុងការកសាងធនធានមនុស្សឲ្យសមស្របទៅតាមគោលនយោបាយរបស់រាជរដ្ឋាភិបាលកម្ពុជាដែលមានសម្តេចអគ្គមហាសេនាបតីតេជោ ហ៊ុន សែន កំពុងយកចិត្តទុកដាក់យ៉ាងខ្លាំងទៅលើវិស័យអប់រំនេះនាព្រឹកថ្ងៃទី១០ សីហា នៅភោជនីយដ្ឋានកៀនស្វាយក្រៅ ស្រុកកៀនស្វាយ លោក ម៉ក់ ពេជ្ជរិទ្ធ អនុប្រធានទី១គណៈពង្រឹងបក្សប្រជាជនកម្ពុជាស្រុកកៀនស្វាយ ប្រធានគណៈពង្រឹងចុះជួយមូលដ្ឋានភូមិធំ ឃុំគគីរ និងឃុំដីឥដ្ធបានដឹកនាំក្រុមការងាររួមជាមួយអាជ្ញាធរស្រុក ភូមិ ឃុំ ជួបសំណេះសំណាល និងផ្តល់រង្វាន់លើកទឹកចិត្តដល់លោកគ្រូអ្នកគ្រូសិស្សានុសិស្សថ្នាក់ទី១២នៃវិទ្យាល័យជ័យវរ្ម័នទី៧ សរុបចំនួន៣៣៨នាក់ ដែលត្រៀមប្រឡងបាក់ឌុបនាថ្ងៃចន្ទ័ទី២១ សីហា ខាងមុខនេះ ។
តាមការបញ្ជាក់ពីរដ្ឋបាលស្រុកឲ្យដឹងថា សម្រាប់ការចូលរួមក្នុងពិធីសំណេះសំណាលនាពេលនេះមានលោកគ្រូអ្នកគ្រូចំនួន៣៦នាក់ និងសិស្សានុសិស្សចំនួន៣០២នាក់មកពីសាលាវិទ្យាល័យជ័យវរ្ម័នទី៧ដីឥដ្ធ ឃុំដីឥដ្ធ ស្រុកកៀនស្វាយ ។ ក្នុងឱកាសសំណេះសំណាលជាមួយលោកគ្រូអ្នកគ្រូនិងសិស្សានុសិស្សនាព្រឹកនោះលោក ម៉ក់ ពេជ្ជរិទ្ធ បានមានប្រសាសន៍ថា ក្មួយៗគឺជាទំពាំងស្នងឫស្សីដ៏សំខាន់សម្រាប់បន្តវេនពីចាស់ៗក្នុងការចូលរួមបំរើ និងអភិវឌ្ឍន៍ប្រទេសជាតិយើងឲ្យមានសុខសន្តិភាពរីកចម្រើនលើគ្រប់វិស័យព្រោះសព្វថ្ងៃប្រមុខរាជរដ្ធាភិបាលបាននឹងកំពុងយកចិត្តទុកដាក់យ៉ាងខ្លាំងទៅលើវិស័យអប់រំក្នុងគោលបំណងពង្រឹងនូវធន់ធានមនុស្ស ។
លោក ម៉ក់ ពេជ្ជរិទ្ធ បន្តទៀតថា ប្រទេសជាតិក្រោមការដឹកនាំប្រកបដោយគតិបណ្ឌិតរបស់សម្តេចតេជោ ហ៊ុន សែន បានធ្វើឲ្យប្រទេសជាតិយើងមានការអភិវឌ្ឍន៍លើគ្រប់វិស័យជាពិសេសវិស័យអប់រំនិងធន់ធានមនុស្ស ។ លោកបានអប់រំដល់ក្មួយៗសិស្សានុសិស្សទាំងអស់ត្រូវប្រកាន់ឲ្យបានជាប់នូវសិលធម៌ វធ្បធម៌ ប្រពៃណីខ្មែរ និងគុណធម៌ ឲ្យសមជាកូនខ្មែរចេះស្តាប់ដំបូលមាន និងការពន្យល់របស់ឪពុកម្តាយ អាណាព្យាបាល លោកគ្រូអ្នកគ្រូក្នុងពេលម៉ោងសិក្សាមកផ្ទះចេះជួយធ្វើកិច្ចការងារផ្ទះកុំសេពគប់ជាមួយមិត្តមិនល្អគេចសាលា កុំប្រព្រឹត្តអ្វីដែលសង្គមស្អប់ខ្ពើមពិសេសត្រូវជៀសឲ្យឆ្ងាយពីគ្រឿងញៀនដែលវានាំឲ្យប៉ះពាល់បំផ្លាញអនាគត់របស់ក្មួយៗហើយត្រូវខិតខំទន្ទេញមេរៀនត្រៀមខ្លួនប្រឡងនាថ្ងៃខាងមុខឲ្យទទួលបានជោគជ័យព្រោះឥឡូវការប្រឡងតឹងរឹងណាស់ ៕
ចែករំលែកព័តមាននេះ