រាជធានីភ្នំពេញ ៖ យុវជនម្នាក់ជិះម៉ូតូម៉ាកហុងដាឌ្រីម ក្នុងល្បឿនយ៉ាងលឿន មិនបានប្រុងប្រយ័ត្នបន្ថយល្បឿន ក៏ជ្រុលទៅបុកម៉ូតូជនជាតិចិន បណ្តាលឲ្យរងរបួសធ្ងន់ទាំងសងខាងហេតុការណ៍នេះបានកើតឡើង កាលពីវេលាម៉ោង០៩និង២០នាទីយប់ ថ្ងៃទី០៩ ខែសីហា ឆ្នាំ២០១៧ តាមបណ្តោយផ្លូវ២៨៨កែងផ្លូវ១១៣ នៅចំណុចមុខហាងស៊ុបគោ សុខហុង ស្ថិតនៅក្នុងសង្កាត់បឹងកេងកង៣ ខណ្ឌចំការមន ។
រាជធានីភ្នំពេញ ៖ យុវជនម្នាក់ជិះម៉ូតូម៉ាកហុងដាឌ្រីម ក្នុងល្បឿនយ៉ាងលឿន មិនបានប្រុងប្រយ័ត្នបន្ថយល្បឿន ក៏ជ្រុលទៅបុកម៉ូតូជនជាតិចិន បណ្តាលឲ្យរងរបួសធ្ងន់ទាំងសងខាងហេតុការណ៍នេះបានកើតឡើង កាលពីវេលាម៉ោង០៩និង២០នាទីយប់ ថ្ងៃទី០៩ ខែសីហា ឆ្នាំ២០១៧ តាមបណ្តោយផ្លូវ២៨៨កែងផ្លូវ១១៣ នៅចំណុចមុខហាងស៊ុបគោ សុខហុង ស្ថិតនៅក្នុងសង្កាត់បឹងកេងកង៣ ខណ្ឌចំការមន ។
សាក្សីដែលឃើញហេតុការណ៍ បានឲ្យដឹងថា ៖ មុនពេលកើតហេតុ គេបានឃើញបុរសម្នាក់ជាជនជាតិចិន ជិះម៉ូតូម៉ាកហុងដាស្កុបពី ពណ៌ស ពាក់ស្លាកលេខ ភ្នំពេញ ១CN-៦៥៥៥បើកបរតាមបណ្តោយផ្លូវ១១៣ ក្នុងទិសដៅពីត្បូងទៅជើង ខណៈពេលមកដល់ចំណុចកើតហេតុ ជាផ្លូវកែង ក៏ស្រាប់តែមានយុវជនម្នាក់ ជិះម៉ូតូម៉ាកសង់បិច ពណ៌ក្រហម ពាក់ស្លាកលេខ ភ្នំពេញ ១BP-១៦៨២ បើកបរតាមបណ្តោយផ្លូវ២៨៨ ទិសដៅពីកើតទៅលិច ក្នុងល្បឿនយ៉ាងលឿន លុះមកដល់ចំណុចកើតហេតុ មិនបានបន្ថយល្បឿន ខ្វះការប្រុងប្រយ័ត្ន ចាប់ហ្វ្រាំងអត់ទាន់ ក៏ជ្រុលទៅបុកម៉ូតូជនជាតិចិន ចំពីមុខផ្នែកខាងស្តាំពេញទំហឹង បណ្តាលឲ្យដួលរងរបួសធ្ងន់ទាំងសងខាងសន្លប់ស្តូកស្តឹង បែកក្បាលហូលឈាមពេញផ្លូវ និងខូចខាតម៉ូតូ ធ្វើឲ្យភ្ញៀវដែលកំពុងហូបស៊ុបមានភ្ញាក់ផ្អើល និងភ័យស្លន់ស្លោ ។
បន្ទាប់ពីកើតហេតុ ភ្លាមៗនោះដែរ មិត្តភក្តិខាងម៉ូតូសង់បិច បានមកដល់ដឹកតាមម៉ូតូយកទៅព្យាបាលនៅជិតកន្លែងកើតហេតុ ចំណែកឯបុរសជាជនជាតិចិនវិញ ត្រូវរថយន្តសង្គ្រោះរបស់គ្លីនិកហុងហាក់ ដឹកយកទៅព្យាបាល ។
ក្រោយពេលកើតហេតុ ម៉ូតូភាគីទាំងសងខាង ត្រូវសមត្ថកិច្ចចរាចរណ៍ខណ្ឌ ធ្វើការវាស់វែងយកទៅរក្សាទុកនៅអធិការដ្ឋាននគរបាលខណ្ឌចំការមន រង់ចាំដោះស្រាយនៅពេលក្រោយទៀត ៕
ចែករំលែកព័តមាននេះ