ខ្សាច់រអិលពេក ចាប់ចេះតែរបូត…អ្នកចាប់ចង់ភ័យ
ខេត្តព្រៃវែង ៖ ថ្មីៗនេះគេសង្កេតឃើញមានទូកបូមខ្សាច់ធំៗជាច្រើនគ្រឿងបានចេញបូមខ្សាច់ជារៀងរាល់ថ្ងៃនៅក្នុងដងទន្លេមេគង្គ
ខេត្តព្រៃវែង ៖ ថ្មីៗនេះគេសង្កេតឃើញមានទូកបូមខ្សាច់ធំៗជាច្រើនគ្រឿងបានចេញបូមខ្សាច់ជារៀងរាល់ថ្ងៃនៅក្នុងដងទន្លេមេគង្គ
ខេត្តព្រៃវែង ៖ ថ្មីៗនេះគេសង្កេតឃើញមានទូកបូមខ្សាច់ធំៗជាច្រើនគ្រឿងបានចេញបូមខ្សាច់ជារៀងរាល់ថ្ងៃនៅក្នុងដងទន្លេមេគង្គ ក្នុងស្រុកពាមរក៌ និងស្រុកពាមជរ ខេត្តព្រៃវែង តែក្នុងចំណោមទូកបូមខ្សាច់ទាំងនោះ មានទូកខ្លះបានធ្វើសកម្មភាពបូមល្មើស និងច្បាប់ស្តីពីរ៉ែ និងថាមពល ដោយលួចបូមនៅពេលយប់ និងបូមពេលថ្ងៃដោយមិនបោះពោងកំណត់ទីតាំងឱ្យបានច្បាស់លាស់ ប៉ុន្តែគេនៅតែអាចធ្វើសកម្មភាពបានយ៉ាងរលូន ។
ដោយមើលឃើញថា ក្រុមឈ្មួញបូមខ្សាច់ដោយមិនគោរពទៅតាមច្បាប់នោះលោក ភុន សម្ភស្ស អភិបាលស្រុកពាមរក៌បានបញ្ជាឱ្យកំលាំងសមត្ថកិច្ចស្រុក ចេញទប់ស្កាត់ និងបង្ក្រាបចំនួន២លើកបន្តបន្ទាប់គ្នា ប៉ុន្តែសកម្មភាពនោះមិនទទួលបានលទ្ធផលដោយសារតែមានអ្នកជួយអន្តរាគមពីខាងលើ ។
ប្រភពពីមន្ត្រីសាលាស្រុកពាមរក៌បានបង្ហើបឱ្យដឹងថា លោកអភិបាលស្រុកចាប់ទូកទាំង២គ្រឿងនោះបានតែមួយយប់ប៉ុណ្ណោះក៏មានលោកឧកញ៉ាម្នាក់ឈ្មោះ ឡេង ហួ ចេញមុខអន្តរាគមដោយបានទៅជួបលោក ជា សុមេធី អភិបាលខេត្តតែមួយសន្ទុះប៉ុណ្ណោះ លោកអភិបាលខេត្តក៏បញ្ជាឱ្យលោកអភិបាលស្រុកដោះលែងទូកទាំង២នោះវិញ ហើយលោកឧកញ៉ាម្នាក់នោះក៏បានបោះសំដីថា សុខចិត្តចំណាយលុយ១០ម៉ឺនដុល្លារដើម្បីដកលោកអភិបាលស្រុកពាមរក៌ចេញពីដំណែងទៀតផង ដែលសំដីអាក្រក់នេះដូចជាមិនគួរឱ្យជឿទេ ។
អ្វីដែលគួរឱ្យកត់សំគាល់នោះ គឺមកដល់ពេលនេះទូកបូមខ្សាច់របស់ក្រុមឈ្មួញនៅតែបន្តធ្វើសកម្មភាពបូមខ្សាច់ពីក្នុងទន្លេ ដោយមិនបានបោះពោងកំណត់ទីតាំងឱ្យបានច្បាស់លាស់នោះទេ ហើយការបូមនោះម្តងគេទៅបូមកន្លែងនេះ ម្តងគេទៅបូមកន្លែងនោះតាមតែទំនើងចិត្តរបស់គេ ដល់ពេលសមត្ថកិច្ចចុះទៅសួរគេថា គេបូមក្នុងឡូខ្សាច់របស់លោកឧកញ៉ា ដែលមានអាជ្ញាបណ្ណ័ស្របច្បាប់ពីក្រសួង ។ ចំណែកមូលហេតុដែលគេមិនបោះពោង គឺដោយសារតែក្រុមអ្នកនេសាទត្រី ចេះតែទៅកាត់ផ្តាច់ពោងរបស់គេចោលព្រោះទាក់កាត់ផ្លូវទូករបស់ពួកគាត់ ធ្វើឱ្យក្រុមហ៊ុនបោះពោងមិនឈ្នះ ក៏លែងបោះពោងទៅ ។ ប៉ុន្តែច្បាប់ស្តីពីរ៉ែ និងថាមពលបានកំណត់ច្បាស់ណាស់ គ្រប់ឡូខ្សាច់ទាំងអស់នៅក្នុងទន្លេ ត្រូវតែបោះពោងកំណត់ទីតាំងឱ្យបានច្បាស់លាស់ ជៀសវាងការចេញបូមខុសទីតាំងស្រេចតែអំពើចិត្ត ។
ជុំវិញបញ្ហានេះ កោះសន្តិភាពមិនអាចទំនាក់ទំនងសុំការបំភ្លឺពីលោក ជា កក្កដា ប្រធានមន្ទីររ៉ែ និងថាមពលខេត្តព្រៃវែងបាននោះទេ ដោយសារទូរសព្ទ័របស់លោកខលចូលហើយគ្មានអ្នកទទួល ។ គេនៅចាំបានថា កន្លងមកលោក ជា កក្កដា ធ្លាប់បាននិយាយដោយផ្ទាល់មាត់ថា លោកលែងហ៊ានលើកទូរសព្ទ័អ្នកកាសែតហើយ ព្រោះលើកពេលណាក៏មានតែរឿងធ្វើឱ្យឈឺក្បាល មិនដែលមានរឿងល្អនោះទេ ៕
ចែករំលែកព័តមាននេះ