សង្វៀន Barrley Black ចាប់ផ្តើមនៅទូរទស្សន៍ SEATV
រាជធានីភ្នំពេញ ៖ ស្ថានីយទូរទស្សន៍ SEATVសហការជាមួយសហព័ន្ធកីឡា ប្រដាល់គុនខ្មែរ នៅព្រឹកថ្ងៃទី៤ ខែសីហា ឆ្នាំ២០១៧ បានរៀបចំធ្វើពិធីសន្និសីទសារព័ត៌មានស្តីពីការប្រកួត
រាជធានីភ្នំពេញ ៖ ស្ថានីយទូរទស្សន៍ SEATVសហការជាមួយសហព័ន្ធកីឡា ប្រដាល់គុនខ្មែរ នៅព្រឹកថ្ងៃទី៤ ខែសីហា ឆ្នាំ២០១៧ បានរៀបចំធ្វើពិធីសន្និសីទសារព័ត៌មានស្តីពីការប្រកួតលក្ខណៈមិត្តភាព អន្តរជាតិ ក្រោមការឧបត្ថម្ភធំពីស្រាបៀរ Barrley Black ផ្សាយផ្ទាល់ពីសង្វៀនទូរទស្សន៍ SEATV រៀងរាល់រសៀលថ្ងៃអាទិត្យ ដែលអ្នកប្រដាល់ល្បីរបស់កម្ពុជាត្រូវប៉ះជាមួយអ្នកប្រដាល់ជើងខ្លាំង បរទេសនៅលើសង្វៀន SEATV។
ចំពោះ «ការប្រកួតលក្ខណៈមិត្តភាពអន្តរជាតិ» គឺជាបន្ថែមនូវប្រដាល់ក្បាច់បុរាណខ្មែរហាក់មានចេតនាចង់លើកកម្ពស់ការប្រកួតឲ្យប្រសើរជាងមុន ដើម្បីដណ្តើមទីផ្សារ និងស្វែងរកការគាំទ្រពីមហាជនក៏ដោយ ក៏អ្នកគ្រប់គ្រងការប្រកួតត្រូវបានរៀបចំលក្ខណៈមិត្តភាពអន្តរជាតិ ដែលមានរហ័សនាមថា «ការប្រកួតលក្ខណៈមិត្តភាពអន្តរជាតិ» នឹងចាប់ផ្តើមប្រកួតជាផ្លូវការ នៅរសៀលថ្ងៃទី៦ ខែសីហា ឆ្នាំ២០១៧ នាទូរទស្សន៍ SEATV។
ក្នុងឱកាសពិធីសន្និសីទសារព័ត៌មាននេះ មានការចូលរួមពីលោក តែម ម៉ឺន ប្រធានសហព័ន្ធកីឡាប្រដាល់គុនខ្មែរ លោក ដេវិឌ តំណាងស្ថានីយទូរទស្សន៍ SEATV និងលោកបូរី ស៊ីសលីវណ្ណ អ្នកគ្រប់គ្រងផ្នែកទំនាក់ទំនង។
លោក ដេវិឌ តំណាងស្ថានីយទូរទស្សន៍ SEATV មានប្រសាសន៍ថា ការប្រកួតលក្ខណៈមិត្តភាពអន្តរជាតិ ចម្រុះដោយកីឡាករកម្ពុជា និងកីឡាករថៃ រាល់រសៀលថ្ងៃអាទិត្យ គឺមានគោលបំណងលើកស្ទួយវិស័យកីឡានៅកម្ពុជា ។ លោកបានបន្តថា ការប្រកួតក្បាច់បុរាណខ្មែរ របស់យើង និងអ្នកប្រដាល់ជាមួយថៃពិតគឺកំពុងនាំមកនូវព្រឹត្តិការណ៍ប្រកួតដ៏ទាក់ទាញ និងមានការចូលរួមទស្សនាយ៉ាងច្រើនជាងលើកមុនៗ ហើយតម្លៃខ្លួនប្រកួតរបស់កីឡាករ និងប្រាក់រង្វាន់ត្រូវបានបង្កើនឲ្យបានខ្ពស់ជាងលើកមុនដែរ ។
លោកបូរី ស៊ីសលីវណ្ណ អ្នកគ្រប់គ្រងផ្នែកទំនាក់ទំនង ព្រឹត្តិការណ៍នៃការ «ការប្រកួតលក្ខណៈមិត្តភាពអន្តរជាតិ» ត្រូវបានរៀបចំឡើងដោយសហការជាមួយស្រាបៀរ Barrley Black និងស្ថានីយ SEATV រួមនឹងសហព័ន្ធកីឡាប្រដាល់គុនខ្មែរ ដើម្បីលើកស្ទួយដល់វិស័យកីឡាប្រដាល់កម្ពុជា និងជីវភាពបងប្អូនកីឡាករឲ្យកាន់តែមានភាពល្អប្រសើរឡើង។
ចែករំលែកព័តមាននេះ