ចិន ៖ តាមប្រភពព័ត៌មាន Shanghaiist បានឲ្យដឹងថា សត្វឆ្មាកន្ធាត់មួយក្បាលឈ្មោះថា Feifei បានក្លាយទៅជាឆ្មាដ៏ល្បីនៅក្នុងប្រទេសចិន បន្ទាប់ពីមានការបង្ហោះរូបថតក្រោយការវះកាត់ត្របកភ្នែកពីរជាន់។
ចំពោះការវះកាត់នេះ មិនមែនជាការវះកាត់ដើម្បីឲ្យស្អាត ដូចមនុស្សយើងធ្វើនោះទេ។ យោងតាមកាសែត Chengdu Business Daily បានឲ្យដឹងថា វាត្រូវបានក្រុមជួយសង្គ្រោះរកឃើញនៅតាមផ្លូវក្នុងទីក្រុង Sichuan។ ពួកគេឃើញ Feifei មានភ្នែកមិនប្រក្រតី ដោយសារតែត្របកភ្នែករបស់វាធ្លាក់មកកកិតជាមួយនឹងកែវភ្នែក ហើយអាចបង្កទៅជាមេរោគនៅក្នុងភ្នែក។
ដោយសារតែហេតុនេះហើយ ទើបពួកគេបានបញ្ជូន Feifei ទៅពេទ្យសត្វ ដើម្បីទទួលការវះកាត់។ ការវះកាត់ត្របកភ្នែកពីរជាន់នេះ ត្រូវចំណាយពេល៣០នាទី ហើយអស់ទឹកប្រាក់២៩៨ដុល្លាសហរដ្ឋអាមេរិក៕
ចែករំលែកព័តមាននេះ