ពេលនេះដូនចាស់បានហូបឆ្ងាញ់ដូចបំណងហើយថែមទាំងចែកទានបន្តទៀត
ខេត្តកំពង់ស្ពឺ ៖ បន្ទាប់ពីវេបសាយ កោះសន្តិភាព បានផ្សាយនូវជីវិតតោកយាករបស់ដូនចាស់ទីទ័លក្រមួយរូបដែលរស់នៅអាស្រ័យដោយការដាក់ទានពីសំណាក់អ្នកចិត្តសប្បុរស
ខេត្តកំពង់ស្ពឺ ៖ បន្ទាប់ពីវេបសាយ កោះសន្តិភាព បានផ្សាយនូវជីវិតតោកយាករបស់ដូនចាស់ទីទ័លក្រមួយរូបដែលរស់នៅអាស្រ័យដោយការដាក់ទានពីសំណាក់អ្នកចិត្តសប្បុរស
ខេត្តកំពង់ស្ពឺ ៖ បន្ទាប់ពីវេបសាយ កោះសន្តិភាព បានផ្សាយនូវជីវិតតោកយាករបស់ដូនចាស់ទីទ័លក្រមួយរូបដែលរស់នៅអាស្រ័យដោយការដាក់ទានពីសំណាក់អ្នកចិត្តសប្បុរសរួចមកធ្វើឱ្យមានការចាប់អារម្មណ៍ពីសំណាក់មហាជនជាខ្លាំងរហូតធ្វើឱ្យមានអ្នកបរិច្ចាគធនធានផ្ទាល់ខ្លួនតិចតួចជូនដល់លោកយាយបានហូបឆ្ងាញ់ម្តងនៅជីវិតចុងក្រោយមួយនេះ ។ តាមរយៈ កោះសន្តិភាព អំណោយមានដូចជាថវិការ ព្រមទាំងគ្រឿងបរិក្ខាសំរាប់បរិភោគជាច្រើនត្រូវបាននាំយកទៅប្រគល់ដល់ដៃលោកយាយផ្ទាល់តែម្តង នៅភូមិចំបក់ក្អែរ ឃុំទឹកល្អក់ ស្រុកគងពិសី ខេត្តកំពង់ស្ពឺ ដោយមានការចូលរួមពីសំណាក់លោកមេឃុំ មេភូមិ មេប៉ុស្តិ៍ផងដែរ ។
អំណោយទានទាំងអស់បានមកពីសប្បុរសជនដូចជាព្រះសុមេធវង្សបណ្ឌិត សុខ ប៊ុនធឿន ប្រធាននាយកដ្ឋានឧត្តមសិក្សានៃក្រសួងធម្មការ និងសាសនា ជាចៅអធិការវត្តនន្ទមុនី បានឧបត្ថម្ភអង្ក១បាវ មី២កេស ទឹកដោះគោខាប់១០កំប៉ុង និងស្ករស៥គីឡូ, ចៅអធិការវត្តរលាំងកំពូលមី១កេស និងថវិការ៣០.០០០រៀល, លោក វ៉ី សំណាង អភិបាលនៃគណៈអភិបាលខេត្តកំពង់ស្ពឺឧបត្ថម្ភអង្ក១បាវ កន្ទេល១ មុង១ ភួយ១ និងថវិការ២០០.០០០រៀល, លោក ទ្រី វណ្ឌី ប្រធានរតនាគារថវិការ៥០.០០០រៀល, លោក លុយ ឡុំ ប្រធានមន្ទីរសង្គមកិច្ចថវិការ៧០.០០០រៀល, លោក វិន ឡេងហួង មេបញ្ជាការមូលដ្ឋានអាវុធហត្ថស្រុកសំរោងទងអង្ក២៥គីឡូ និងទឹកស៊ីអ៊ីវ២យួរ, លោក ជា មល មន្ត្រីយោធាភូមិភាគ៣ ទឹកផ្លែ២កេស, អង្ក២៥គីឡូ និងទឹកដោះគោឆៅ២យួរ, លោក Him Sokchreat ភ្នំពេញថវិការ២០ដុល្លារ, ម្ចាស់ហាងដាយមិនក្រចេះ២០ដុល្លារ, កញ្ញា ធា ភ្នំពេញ ៥០.០០០រៀល, ម្ចាស់លក់សំបកកង់រថយន្ត ហេង ស៊ិងហុង ថវិកា២០ដុល្លារ, លោកយាយ អ៊ី ស្រុង ថវិការ៤០.០០០រៀល, កញ្ញា កុយ រតនា ហៅនួន ខេត្តកំពត ថវិការ៨០.០០០រៀល, យុវតី ត្រា សុខេធីតា សិស្សសាលាសុវណ្ណភូមិ ត្រីខ២យួរ, ទឹកដោះគោឆៅ២យួរ សៀងផ្អែម៣គីឡូ ខ្ទឹមស១គីឡូ អំបិល ប៊ីចេង ឆៃប៉ូវ ព្រមទាំងសម្ភារមួយចំនួនទៀត ។
ក្នុងឱកាសនោះដែរអ្នកយកព័ត៌មាន កោះសន្តិភាព ក៏បាននាំយកអំណោយរបស់ព្រះតេជគុណព្រះសុមេធវង្សបណ្ឌិត សុខ ប៊ុនធឿន ព្រះចៅអធិការវត្តនន្ទមុនី និងជាប្រធាននាយកដ្ឋានឧត្តមសិក្សានៃក្រសួងធម្មការ និងសាសនា ជូនដល់ប្អូនប្រុស អ៊ង សំអាន ដែលជាជនពិការស្វិតត្រគាកមួយកំណាត់ក្រោម នៅភូមិកោះខ្លូត ឃុំកំពង់ត្រាចខាងកើត ស្រុកកំពង់ត្រាច ខេត្តកំពត ។ អំណោយរួមមាន អង្ករនាងខុន១បាវ៥០គីឡូក្រាម មីថៃ១កេស ទឹកដោះគោខាប់២កំប៉ុង ស្ករស៣គីឡូក្រាម និងថវិកា៤០.០០០ររៀល របស់លោកស្រី កុយ រតនា ហៅ នួន ។
ដោយក្តីរំភើបរីករាយលោកយាយ ម៉ក់ ឱក ក៏បានថ្លែងអំណរគុណដល់សប្បុរសជនទាំងអស់ជាអនេកប្បការដែលបានបរិច្ចាគធនធានរបស់ខ្លួនរំលែកមកឱ្យលោកយាយនៅពេលនេះ ។ លោកយាយមិនដឹងជារកពាក្យអីមកនិយាយឱ្យសមនឹងបំណងម្ចាស់ទាននោះទេគឺមានតែម្រាមដៃដប់លើកឡើងបួងសួងដល់ទេវតានិងវត្ថុស័ក្តិសិទ្ធិក្នុងលោកសូមតាមជួយថែរក្សាដល់អស់លោកដែលជាម្ចាស់ទានទាំងអស់កុំឱ្យមានសត្រូវមកបៀតបៀនបានឡើយ ។ ក្រោយទទួលបាននូវថវិការ និងគ្រឿងឧបភោគបរិភោគពីសំណាក់សប្បុរសជនរួចមកលោកយាយ ម៉ក់ ឱក ក៏បានចែករំលែកដល់ក្មេងកំព្រាឳពុកម្តាយ៣នាក់បងប្អូននូវថវិការ៦០.០០០រៀលព្រមទាំងចែករំលែកគ្រឿងឧបភោគបរិភោគដែលទទួលបានពីសប្បុរសជនមួយចំនួនដល់ក្មេងកំព្រាទាំង៣ផងដែរក្នុងនោះលោកយាយក៏បានជូនជាថវិការដល់លោកយាយម្នាក់ទៀតឈ្មោះ ឱ អាយុ៨៨ឆ្នាំ នូវថវិការ៦០.០០០រៀលព្រមទាំងគ្រឿងឧបភោគបរិភោគមួយចំនួនទៀតផងដែរ ។ លោកយាយថា ជីវិតចុងក្រោយគ្មានចង់បានអ្វីនោះទេបានប៉ុណ្ណឹងហូប ស្លាប់ទៅបិទភ្នែកជិតហើយ ជាពិសេសគឺលោកយាយដឹងពីទុក្ខលំបាករបស់មនុស្សចាស់ដូចគ្នាទើបសុខចិត្តរំលែកចែកគ្នាដូច្នេះ ៕
ចែករំលែកព័តមាននេះ