ការនាំចេញផលិតផលជលផលកើនឡើង15ខែជាប់គ្នា
ទីក្រុងសេអ៊ូល ៖ ការនាំចេញផលិតផលជលផលបានកើនឡើង១៥ខែជាប់គ្នាគិតត្រឹមខែមុន ដោយសារការនាំចេញសារាយសមុទ្រកើនឡើងយ៉ាងខ្លាំង ។
ការនាំចេញផលិតផល
ទីក្រុងសេអ៊ូល ៖ ការនាំចេញផលិតផលជលផលបានកើនឡើង១៥ខែជាប់គ្នាគិតត្រឹមខែមុន ដោយសារការនាំចេញសារាយសមុទ្រកើនឡើងយ៉ាងខ្លាំង ។
ការនាំចេញផលិតផល
ទីក្រុងសេអ៊ូល ៖ ការនាំចេញផលិតផលជលផលបានកើនឡើង១៥ខែជាប់គ្នាគិតត្រឹមខែមុន ដោយសារការនាំចេញសារាយសមុទ្រកើនឡើងយ៉ាងខ្លាំង ។
ការនាំចេញផលិតផលជលផលបានកើនឡើងដល់២១០លានដុល្លារក្នុងខែកក្កដា កើន៦,៣%ធៀបនឹងឆ្នាំមុន ។ ការនាំចេញផលិតផលជលផលបានកើនឡើងចាប់តាំងពីខែឧសភា ឆ្នាំមុន ។
ក្នុងរយៈពេល៧ខែដំបូងឆ្នាំនេះ ការនាំចេញផលិតផលជលផលទៅក្រៅប្រទេស បានកើនឡើង១១,១% គិតជាទឹកប្រាក់ស្មើ១,៣៣ប៊ីលានដុល្លារ ពី១,២ប៊ីលានដុល្លារក្នុងរយៈពេលដូចគ្នាឆ្នាំ២០១៦ ។
សារាយសមុទ្របានជំនួសត្រីធូណា ជាទំនិញនាំចេញទៅក្រៅប្រទេសដ៏ធំបំផុតក្នុងខែកក្កដា គឺស្មើជាង៦០លានដុល្លារ កើនឡើង៧៤,៤%ធៀបនឹងឆ្នាំមុន ។
ការនាំចេញអយស្ទើរកើនឡើង៣៩,៨% ស្មើ៥,១៩លានដុល្លារកាលពីខែកក្កដា ខណៈការដឹកជញ្ជូនត្រី cod បានកើនឡើង៩០% ស្មើ៤,៨៤លានដុល្លារ ។
ទិន្នន័យចុងក្រោយបំផុតបង្ហាញថា ការនាំចេញត្រីមឹកបានធ្លាក់ចុះ៦២,៥%ពេញមួយឆ្នាំ រហូតដល់៣,៣៦លានដុល្លារកាលពីខែមុនដោយសារតែការនេសាទត្រីបានកាត់បន្ថយយ៉ាងគំហុក ។
ការដឹកជញ្ជូនទៅកាន់ប្រទេសជប៉ុន ក៏បានកើនឡើង៩,១% ស្មើ៨២,៥លានដុល្លារ។ រីឯការនាំចេញទៅប្រទេសថៃ និងសហរដ្ឋអាមេរិកកើនឡើង៤៨,២% និង៣៧,៩%រៀងគ្នា ស្មើ២៥,៦លានដុល្លារ និង២១,៦លានដុល្លារ ។
ទន្ទឹមនឹងនេះ ការនាំចេញទៅកាន់ប្រទេសចិនបានធ្លាក់ចុះ១៥,៧% ស្មើ៣២,៦លានដុល្លារកាលពីខែមុន ដោយសាររដ្ឋាភិបាលក្រុងប៉េកាំងបានសងសឹកសេដ្ឋកិច្ចប្រឆាំងនឹងទំនិញ និងសេវាកម្មរបស់កូរ៉េខាងត្បូង បន្ទាប់ពីប្រទេសនេះដាក់ពង្រាយប្រព័ន្ធការពារមីស៊ីលរបស់សហរដ្ឋអាមេរិកនៅទីក្រុង សេអ៊ូល ៕
ចែករំលែកព័តមាននេះ