រាជធានីភ្នំពេញ ៖ ក្រសួងវប្បធម៌ និងវិចិត្រសិល្បៈ បានសម្រេចប្រគល់សិទ្ធិគ្រប់គ្រងមរតកសាសន៍បទចម្រៀងរបស់លោកគង្គ ប៊ុន ឈឿន ចំនួន៤១បទជូនទៅក្រុមគ្រួសាររបស់លោក ។ សេចក្តីសម្រេចនោះ
រាជធានីភ្នំពេញ ៖ ក្រសួងវប្បធម៌ និងវិចិត្រសិល្បៈ បានសម្រេចប្រគល់សិទ្ធិគ្រប់គ្រងមរតកសាសន៍បទចម្រៀងរបស់លោកគង្គ ប៊ុន ឈឿន ចំនួន៤១បទជូនទៅក្រុមគ្រួសាររបស់លោក ។ សេចក្តីសម្រេចនោះកាលពីដំណាច់ខែកក្កដា ឆ្នាំ២០១៧ ។
លោកគង្គ ប៊ុនឈឿន បានទទួលមរណភាពទៅហើយ តែបានបន្សល់ទុកស្នាដៃបទចម្រៀងជាច្រើនដែលលោកនិពន្ធទាំងបទភ្លេង និងទំនុកច្រៀង ។
យោងតាមសេចក្តីសម្រេចដែលចុះហត្ថលេខាដោយរដ្ឋមន្ត្រីក្រសួងវប្បធម៌ និងវិចិត្រសិល្បៈលោកជំទាវភឿង សក្ខិណា ឱ្យដឹងថា បទចម្រៀងដែលជាស្នាដៃនិពន្ធដោយកវីស្ទឹងសង្កែលោកគង្គ ប៊ុនឈឿន ចំនួន៤១បទប្រគល់ការគ្រប់គ្រងជូនលោកស្រីគាត គឹមលន ជាភរិយារបស់លោកបច្ចុប្បន្នរស់នៅប្រទេសន័រវេស ។
សេចក្តីសម្រេចនោះបញ្ជាក់ថា ក្នុងករណីដែលមានការប្តឹងទំទាស់ដោយមានភស្តុតាងផ្ទុយពីភាគីពាក់ព័ន្ធ ផ្សេងៗ ក្រសួងវប្បធម៌ និងវិចិត្រសិល្បៈនឹងពិនិត្យ និងសម្របសម្រួលលើការប្រគល់សិទ្ធិគ្រប់គ្រងបទចម្រៀងចំនួន៤១បទនេះឡើងវិញ ។
បទចម្រៀងចំនួន៤១បទជាស្នាដៃនិពន្ធរបស់កវីគង្គ ប៊ុនឈឿន រួមមាន ៖
លោកគង្គ ប៊ុនឈឿន គឺជាកវីនិពន្ធល្បីឈ្មោះមួយរូប ដោយមានជំនាញទាំងផ្នែកនិពន្ធបទចម្រៀង ភាពយន្ត និងប្រលោមលោក ។
លោកគង្គ ប៊ុនឈឿន បានទទួលមរណភាពក្នុងវ័យ៧៧ឆ្នាំនៅប្រទេសន័រវេសន៍ដោយជំងឺមហារីក ។
លោកគង្គ ប៊ុនឈឿន កើតនៅឆ្នាំ១៩៣៩ នៅភូមិចម្ការសំរោង ឃុំចម្ការសំរោង ស្រុកបាត់ដំបង ខេត្តបាត់ដំបង។ លោកបានរៀបអាពាហ៍ពិពាហ៍ជាមួយអ្នកស្រីតាត គឹមលន នៅឆ្នាំ១៩៦៣ ហើយមានកូនចំនួន៦នាក់ ក្នុងនោះប្រុសម្នាក់ និងស្រី៥នាក់ ។ ចំណោមកូនទាំង៥នាក់នោះបានទៅរស់នៅប្រទេសន័រវេស៍៤នាក់ និងកូនស្រីម្នាក់នៅរាជធានីភ្នំពេញ ៕
ចែករំលែកព័តមាននេះ