Bayern ផ្តល់មេរៀនឈឺចាប់3ដងជាប់គ្នាដល់ Dortmund ក្នុងការគ្រងពាន Super Cup
Bayern ការពារតំណែងជើងឯកអាល្លឺម៉ង់ Super Cup លើកទី៦បានសម្រេចក្រោយឈ្នះក្រុម Dortmund
Bayern ការពារតំណែងជើងឯកអាល្លឺម៉ង់ Super Cup លើកទី៦បានសម្រេចក្រោយឈ្នះក្រុម Dortmund តាមរយៈការស៊ុតបាល់ប៉េណាល់ទី៤-៥ ក្រោយប្រកួតស្មើ២-២ ក្នុងម៉ោង កាលពីរាត្រីថ្ងៃសៅរ៍ទី៥ សីហា កន្លងទៅ ។ នេះគឺជាការគ្រងជើងឯកលើកទី៦របស់ក្រុមតារាទិសខាងត្បូង Bayern ក្នុងនោះធ្លាប់លើកពានពីរដងជាប់ៗគ្នានៅឆ្នាំ២០១៦ និង ២០១៧ នេះ ។
ក្រុម Dortmund ធ្លាប់បរាជ័យក្រោមដៃ Bayern ចំនួន៣ដងមកហើយគឺនៅឆ្នាំ ២០១២ (១-២) ២០១៦ (០-២) និងបរាជ័យដោយបាល់ប៉េណាល់ទី (៤-៥) លើកនេះ ។ Dortmund និង Bayern គឺជាក្រុមឈ្នះពាន Super Cup ច្រើនជាងគេក្នុងចំណោមក្រុមផ្សងទៀតនៅអាល្លឺម៉ង់ ។ គួររំឮកថា អាល្លឺម៉ង់ Super Cup 2017 គឺជាការប្រកួតលើកទី៨ប្រចាំឆ្នាំរវាងម្ចាស់ជើងឯកប៊ុនដេស្ល៊ីហ្កា និងម្ចាស់ជើងឯកអាល្លឺម៉ង់ខាប់ ដែលជាការរៀបចំដោយលីគបាល់ទាត់អាល្លឺម៉ង់ ៕
ចែករំលែកព័តមាននេះ