កំហុសទាំង5ដែលធ្វើឱ្យខូចទ្រង់ទ្រាយសុដន់
មានរឿងជាច្រើនដែលអាចបង្កការប៉ះពាល់ដល់សុដន់របស់អ្នក ការប្រែប្រួលរូបរាងខាងក្រៅ ឬទ្រង់ទ្រាយ…។ អ្នកគួរតែដឹងឱ្យបានច្បាស់អំពីបញ្ហាដែលកំពុងប៉ះពាល់សុដន់របស់អ្នក ។
មានរឿងជាច្រើនដែលអាចបង្កការប៉ះពាល់ដល់សុដន់របស់អ្នក ការប្រែប្រួលរូបរាងខាងក្រៅ ឬទ្រង់ទ្រាយ…។ អ្នកគួរតែដឹងឱ្យបានច្បាស់អំពីបញ្ហាដែលកំពុងប៉ះពាល់សុដន់របស់អ្នក ។
កំហុសមួយចំនួនដែលអាចធ្វើឱ្យទ្រង់ទ្រាយសុដន់របស់អ្នកប្រែប្រួល ៖
១-អាវទ្រនាប់ខុសទំហំ
តើអ្នកដឹងទេមានតែស្ត្រីចំនួន២៥% ប៉ុណ្ណោះដែលពាក់អាវទ្រនាប់ត្រឹមត្រូវតាមទំហំ ។ ស្ត្រីភាគច្រើនពាក់អាវទ្រនាប់ដែលមានទំហំតូចជាង ឬធំជាងសុដន់របស់ខ្លួន ។ សុដន់អាចខូចទ្រង់ទ្រាយនៅពេលអ្នកពាក់អាវទ្រនាប់ខុសទំហំ ។ ចំណែកឯការពាក់អាវទ្រនាប់តឹងខ្លាំងពេកនឹងធ្វើឱ្យសរសៃឈាមរួម ហើយវានឹងប៉ះពាល់ដល់លំហូរឈាម ។
២-ការចោះសាច់ និងចាក់សាក់
មិនថាការចោះសាច់ ឬចាក់សាក់ប្រភេទណាក៏ដោយសុទ្ធតែអាចបណ្តាលឱ្យមានហានិភ័យនៃការរលាក ។ ការចោះសាច់សុដន់មានគ្រោះថ្នាក់រឹតតែខ្លាំងដោយសារប្រព័ន្ធទឹករងៃស្ថិតនៅជិតសុដន់ ។
៣-ការគេងផ្កាប់
ប្រសិនបើអ្នកមានទម្លាប់គេងផ្កាប់សុដន់របស់អ្នកនឹងមិនរួមតូចនោះទេ ប៉ុន្តែវាប្រហែលជាប្រែប្រួលទម្រង់ ។ ការគេងបែរទៅឆ្វេងគឺជាទីតាំងគេងដ៏ល្អបំផុតសម្រាប់សុខភាពទូទៅរបស់អ្នក ។
៤-ការរត់ហាត់ប្រាណដោយគ្មានអាវទ្រនាប់កីឡា
ការរត់ហាត់ប្រាណដោយមិនបានពាក់អាវទ្រនាប់កីឡាអាចនាំឱ្យមានការប្រែប្រួលរូបរាងរបស់សុដន់់ ។ ចលនាឡើង និងចុះនៃសុដន់ខណៈពេលកំពុងរត់អាចបណ្តាលឱ្យយារសុដន់ ។
៥-ការវះកាត់
ស្ត្រីមួយចំនួនមិនពេញចិត្តជាមួយនឹងទំហំសុដន់របស់ខ្លួន ហើយដើម្បីធ្វើឱ្យសុដន់ទាំងសងខាងមានភាពស៊ីគ្នាក៏សម្រេចចិត្តវះកាត់ ។ ភាពខុសគ្នារវាងរូបរាងរបស់សុដន់ទាំងសងខាងកើតឡើងជាញឹកញាប់ ។ ទោះជាយ៉ាងណាក្តី វាមិនមានការចាំបាច់រហូតត្រូវវះកាត់ទេ ៕
ចែករំលែកព័តមាននេះ