ខេត្តសៀមរាប ៖ ប្រទេសកម្ពុជា និងសមាជិក ៣៩ប្រទេស រួមទាំងអង្កការសហប្រជាជាតិ បានជំរុញការលុបបំបាត់ការគ្មានកាកសំណល់ ដោយធ្វើការកែច្នៃការសំណល់ឡើងវិញ ដើម្បីកុំឲ្យមានសំណល់ ក្នុងសង្គមអាស៊ីប៉ាស៊ីហ្វិក…
ខេត្តសៀមរាប ៖ ប្រទេសកម្ពុជា និងសមាជិក ៣៩ប្រទេស រួមទាំងអង្កការសហប្រជាជាតិ បានជំរុញការលុបបំបាត់ការគ្មានកាកសំណល់ ដោយធ្វើការកែច្នៃការសំណល់ឡើងវិញ ដើម្បីកុំឲ្យមានសំណល់ ក្នុងសង្គមអាស៊ីប៉ាស៊ីហ្វិក ។
ការជំរុញនេះ ធ្វើឡើងក្នុងវេទិការ នៃកិច្ចប្រជុំថ្នាក់តំបន់អាស៊ី និងប៉ាស៊ីហ្វិក លើកទី១១ ស្តីពី 3R និងសេដ្ឋកិច្ច ដែលក្រសួងបរិស្ថានកម្ពុជា នាព្រឹកថ្ងៃទី៨ ខែកុម្ភៈ ឆ្នាំ២០២៣ ក្រោមអធិបតីភាពឯកឧត្តមសាយសំអាល់រដ្ឋមន្ត្រីក្រសួងបរិស្ថាន ។
លោក នេត្រ ភក្ត្រា រដ្ឋលេខាធិការ និងជាអ្នកនាំពាក្យក្រសួងបរិស្ថាន បានឲ្យដឹងថា វេទិការថ្នាក់តំបន់នេះ ផ្តោតលើ 3R ដែលពាក់ព័ន្ធនឹងការកាត់បន្ថយ ការប្រើប្រាស់ឡើង និងការកែច្នៃ។ ចំណុចទាំងនេះ គឺសំដៅជារួម នៃការអភិវឌ្ឍវិស័យសំខាន់ៗ ដើម្បីកាត់បន្ថយរួមមាន ៖ ដាក់សម្ពាធលើធនធានធម្មជាតិ ដែលជាផ្នែកមួយ នៃទន់សម្រាប់ការផលិត និងប្រើប្រាស់។ ជាងនេះ ដើម្បីធ្វើឲ្យសង្គមគ្មានសំណល់ មានន័យថា កាត់បន្ថយ ឬការប្រើប្រាស់ឡើងវិញ ឬក៏កែច្នៃ ដើម្បីកុំឲ្យមានសំណល់ ក្នុងសង្គមរបស់យើង ។
លោកបញ្ជាក់ថា ៖ «សំណល់ គឹសំដៅលើផលិតភាពរបស់មនុស្ស និងផលិតភាព ការប្រើប្រាស់ផ្សេងៗ ក្នុងនោះមិនមែនពាក់ព័ន្ធនឹងសំណល់ប្លាស្ទិក ឬសំណល់ផ្សេងទេ គឺសំណល់ រួមក្នុងវិស័យសំខាន់ៗ ពាក់ព័ន្ធនឹងតម្រូវការជាក់ស្តែងក្នុងសង្គម» ។
អ្នកនាំពាក្យក្រសួងបរិស្ថាន បានក៏បានលើកឡើងការផ្សាភ្ជាប់ 3R និងសេដ្ឋកិច្ចចក្រា គឺសំដៅទៅលើការធ្វើយ៉ាងណា ដើម្បីទាញសំណល់ ដែលបានប្រើប្រាស់រួច ហើយយកមកកែច្នៃឲ្យប្រើប្រាស់ឡើងវិញ ដែលជាផលិតផលមានតម្លៃ សម្រាប់ការប្រើប្រាស់ និងមាន លក្ខណៈវិលជុំ។ មានន័យថា ប្រើប្រាស់ហើយបោះចោល ដែលបង្ហាញទាំងអស់នេះ មានសម្ភាធធម្មជាតិ និងភពផែនដី ។
អ្នកនាំពាក្យបន្តថា បើតាមការលើកឡើងរបស់តំណាងអង្ការសហប្រជាជាតិ តំណាងប្រទេសជប៉ុន និងតំណាងកម្ពុជា បានលើកឡើងថា យើងបានប្រើប្រាស់ច្រើននូវសំណល់នៅលើភពផែនដី ក្នុងរយៈពេលកន្លងមកនេះ ហើយដើម្បីធ្វើឲ្យធនធានធម្មជាតិ ក៏ដូចជាធនធាន ក៏ដូចធនធាននៅលើភពផែនដីមាននិរន្តភាព និងការប្រើប្រាស់ប្រកបដោយចីរភាព ដែលសំដៅដល់ការប្រើប្រាស់ឡើងវិញ ការកែច្នៃឡើងវិញ ដែលចេញពីការអភិវឌ្ឍន ។
លោក នេត្រ ភក្ត្រា ក៏បានលើកឡើងថា ក្នុងកិច្ចប្រជុំវេទិការនេះ ក៏មានលើកឡើងពីការកាត់បន្ថយសម្ពាធធនធានធម្មជាតិ ការបន្សាំការប្រែប្រួលអាកាសធាតុ គុណភាពទឹក បរិស្ថាន និងផាសុខភាព ហើយពិសេសសុខភាពរបស់ប្រជាពលរដ្ឋក្នុងការរស់នៅ ។
លោកអ្នកនាំពាក្យ បានបញ្ជាក់បន្ថែមថា ៖ «វេទិការថ្នាក់តំបន់ លើកទី១១ ដែលកម្ពុជាធ្វើម្ចាស់នេះ មានតំណាងប្រទេស៣៩ មកចូលរួម និងមន្ត្រីជំនាញមកពីស្ថាបប័នផ្សេងៗ ដើម្បីពិភាក្សាផ្លាស់ប្តូរយោបល់ពីមួយទៅ ដើម្បីចែករំលែកបទពិសោធនពីគ្នា» ។
អ្នកនាំពាក្យបន្ថែមថា ក្នុងវេទិការនេះ ក៏បានពិភាក្សាលើការគ្រប់គ្រងសំណល់់រឹងសំរាម នៅក្នុងតំបន់ ជាពិសេសនោះ ផ្តោតសំខាន់លើកបញ្ហាប្លាស្ទិក ដែលប្លាស្ទិកដែលបានប្រើប្រាស់ច្រើន ក្នុងនោះសំណល់ប្លាស្ទិកជាង ៩៥% ដែលបានប្រើប្រាស់ ក្នុងរយៈពេល ៦ខែ ក្រោយ មកត្រូវបានបោះចោល ដែលចំណុចនេះ ត្រូវបានគិតគូរ។ សំរាមប្លាស្ទិកនេះ ដែរមិនត្រឹមតែបន្សល់ទុកលើកផែនដីនោះទេ វាក៏បានធ្លាក់ទៅក្នុងសមុទ្រផងដែរ ដែលបំពុលដល់បរិស្ថាន និងជីវៈចម្រុះ។ ក្នុងវេទិការ ក៏បានពិភាក្សាពីការធ្វើការកាត់បន្ថយការប្រើប្រាស់សំណល់ និងការកែច្នៃ ប្រើប្រាស់សំណល់ទាំងអស់ ។
លោកបញ្ជាក់ថា ៖ «តំណាងប្រទេសទាំងអស់ បានលើកពីថា តើត្រូវធ្វើយ៉ាងម៉េច ដើម្បីកាត់បន្ថយការបញ្ហាសំណល់ ហើយក្រៅពីនោះ គឺប្រទេសទាំងអស់ ត្រូវសិក្សាយ៉ាងដូច្នេះ ក្នុងការសាមគ្គី ដើម្បីនៃការគ្រប់គ្រងបញ្ហានេះ ដើម្បីឲ្យសង្គមអាស៊ី ប៉ាស៊ីហ្វិកគ្មានសំណល់»៕
ចែករំលែកព័តមាននេះ