ក្រសួងមហាផ្ទៃ បញ្ជូនកីឡាករ-កីឡាការិនី ១២រូប ទៅប្រកួតកីឡា Soft Tennis Championship នៅជប៉ុន
- ភ្នំពេញ
ភ្នំពេញ៖ កីឡាករ-កីឡាការិនី ១២រូប ក្នុងក្របខណ្ឌរបស់ប៉ូលិសក្រសួងមហាផ្ទៃ បានចេញទៅចូលរួមការប្រកួត The 2023 International Soft Tennis…
ភ្នំពេញ៖ កីឡាករ-កីឡាការិនី ១២រូប ក្នុងក្របខណ្ឌរបស់ប៉ូលិសក្រសួងមហាផ្ទៃ បានចេញទៅចូលរួមការប្រកួត The 2023 International Soft Tennis…
ភ្នំពេញ៖ កីឡាករ-កីឡាការិនី ១២រូប ក្នុងក្របខណ្ឌរបស់ប៉ូលិសក្រសួងមហាផ្ទៃ បានចេញទៅចូលរួមការប្រកួត The 2023 International Soft Tennis Championship World Ranking នៅប្រទេសជប៉ុន។ ដំណើរចាកចេញពីកម្ពុជា កាលពីយប់ថ្ងៃទី០៧ ខែកុម្ភ: ឆ្នាំ២០២៣ ដឹកនាំដោយលោក សរ សិទ្ធិ អនុរដ្ឋលេខាធិការក្រសួងមហាផ្ទៃ និងជាប្រធានសហព័ន្ធកីឡាសូហ្វតិន្នីសកម្ពុជា។
ការប្រកួត ក្នុងព្រឹត្តិការណ៍ The 2023 International Soft Tennis Championship World Ranking Certified Match ធ្វើឡើង នៅទីក្រុង Naha ខេត្តOkinawa ប្រទេសជប៉ុន ចាប់ពីថ្ងៃទី០៨ ដល់ថ្ងៃទី១៤ ខែកុម្ភៈ ឆ្នាំ២០២៣។
ក្រសួងមហាផ្ទៃ បានប្រកាសថា សហព័ន្ធកីឡាសូហ្វតិន្នីសកម្ពុជា បានបញ្ជូនអត្តពលិកសរុបចំនួន ១៦រូប ឱ្យទៅចូលរួមក្នុងព្រឹត្តិការណ៍ប្រកួត នៅប្រទេសជប៉ុន ពេលនេះ រួមមាន៖ ប្រតិភូ០២រូប គ្រូបង្វឹក និងគ្រូជំនួយ ០២រូប កីឡាករ ០៦រូប និងកីឡាការិនី ០៦រូប។
ក្រសួងមហាផ្ទៃ បញ្ជាក់ថា ការចាកចេញទៅប្រកួតរបស់កីឡាករកីឡាការិនី Soft Tennis កម្ពុជា លើកនេះ ទទួលបានការអនុញ្ញាតពី ក្រសួងអប់រំ យុវជន និងកីឡា និងគាំទ្រថវិកាដោយគណៈកម្មាធិការជាតិរៀបចំព្រឹត្តិការណ៍កីឡាអាស៊ីអាគ្នេយ៍ លើកទី៣២ ឆ្នាំ២០២៣ (CAMSOC)។
ក្រុមកីឡាករ-កីឡាការិនីទាំងនេះ គឺជាក្រុមជម្រើសជាតិកម្ពុជា ដែលនឹងចូលរួមប្រកួតក្នុងព្រឹត្តិការណ៍ ស៊ីហ្គេម ដែលកម្ពុជា ធ្វើជាម្ចាស់ផ្ទះ នាខែឧសភាខាងមុខនេះ៕
ចែករំលែកព័តមាននេះ