អ៊ីរ៉ង់បង្ហាញមូលដ្ឋានអាកាសចរណ៍ក្រោមដីប្រវែងច្រើនរយម៉ែត្រ
ប្រទេសអ៊ីរ៉ង់ ៖ កងទ័ពអ៊ីរ៉ង់ទើបបង្ហាញជាលើកដំបូង មូលដ្ឋានអាកាសចរណ៍ក្រោមដីរបស់ខ្លួន
ប្រទេសអ៊ីរ៉ង់ ៖ កងទ័ពអ៊ីរ៉ង់ទើបបង្ហាញជាលើកដំបូង មូលដ្ឋានអាកាសចរណ៍ក្រោមដីរបស់ខ្លួន ដែលអាចទទួលបណ្ដាយន្តហោះប្រដេញ ដោយអះអាងថា មូលដ្ឋាននោះអាចទប់ទល់បាន
ការទម្លាក់គ្រាប់បែកជាយថាហេតុពីសំណាក់សហរដ្ឋអាមេរិក និងអ៊ីស្រាអែល ។
ទូរទស្សន៍អ៊ីរ៉ង់បង្ហាញរូបភាពនានានៃមូលដ្ឋានអាកាសចរណ៍ក្រោមដីនោះ ដែលដាក់ឈ្មោះថា មូលដ្ឋាន AIGLE-44 ដែលចង់និយាយយោងដល់ខួបលើកទី៤៤នៃជ័យជម្នះរបស់បដិវត្តន៍អ៊ីរ៉ង់ ប្រារព្ធធ្វើនាថ្ងៃទី១១ កុម្ភៈ ។ ក្នុងវីដេអូគេអាចឃើញរូងក្រោមដីដ៏ធំដែលមានយន្តហោះប្រដេញហោះចេញចូល ។ តាមអ្នកធ្វើអត្ថាធិប្បាយរបស់ទូរទស្សន៍អ៊ីរ៉ង់ថា មូលដ្ឋាននោះអាចការពារចំពោះការវា.យប្រហារជាពិសេសដោយគ្រាប់បែកប្រឆាំងរូងក្រោមដីរបស់អាមេរិក ។
ប្រឈមមុខនឹងការរីកចម្រើននៃកម្មវិធីនុយក្លេអ៊ែរអ៊ីរ៉ង់ មណ្ដាអ្នកទទួលខុសត្រូវជាន់ខ្ពស់អ៊ីស្រាអែលតែងអះអាងថា ប្រទេសនោះអាចធ្វើសកម្មភាពយោធារារាំងក្រុងតេហេរ៉ង់កុំឲ្យអាចផលិតអាវុធនុយក្លេអ៊ែរបាន ។
នាយសេនាធិការកងទ័ពអ៊ីរ៉ង់ឧត្ដមសេនីយ ម៉ូហាម៉ាដបាហ្គេរី បានព្រមានអ៊ីស្រាអែល និង
អាមេរិកដោយអះអាងថា ក្រុងតេហេរ៉ង់នឹងតបតវិញយ៉ាងខ្លាំងក្លា រាល់ការវាយប្រហារលើបណ្ដា
ទីតាំងខ្លួន ។ កាលពីខែឧសភា ឆ្នាំ២០២២ អ៊ីរ៉ង់ធ្លាប់បានបង្ហាញបណ្ដារូបភាពនៃមូលដ្ឋានដ្រូនមួយ ស្ថិតក្រោមជួរភ្នំ ZAGROS ភាគខាងលិចប្រទេស ៕
ចែករំលែកព័តមាននេះ