ខេត្តកំពង់ឆ្នាំង ៖ ផ្អែកតាមកិច្ចសន្យារបស់ម្ចាស់ឡូត៍នេសាទលេខ៦ ដែលមានកាតព្វកិច្ចស្តារព្រែកត្រង់ចំណុចក្បាលកោះក្អែរ ដើម្បីសម្រួលដល់ចរន្តទឹកហូរ ដែលត្រង់ចំណុចនោះមានការគោក-រាក់ជាខ្លាំងក្នុងរដូវប្រាំង និងជួយដល់ការធ្វើចរាចររបស់ហ្វូងមច្ឆាស្វែងរកជម្រក និងកន្លែងពួនសម្ងំ ដើម្បីពងកូន និងម្យ៉ាងវិញទៀត
ខេត្តកំពង់ឆ្នាំង ៖ ផ្អែកតាមកិច្ចសន្យារបស់ម្ចាស់ឡូត៍នេសាទលេខ៦ ដែលមានកាតព្វកិច្ចស្តារព្រែកត្រង់ចំណុចក្បាលកោះក្អែរ ដើម្បីសម្រួលដល់ចរន្តទឹកហូរ ដែលត្រង់ចំណុចនោះមានការគោក-រាក់ជាខ្លាំងក្នុងរដូវប្រាំង និងជួយដល់ការធ្វើចរាចររបស់ហ្វូងមច្ឆាស្វែងរកជម្រក និងកន្លែងពួនសម្ងំ ដើម្បីពងកូន និងម្យ៉ាងវិញទៀត គឺជួយសម្រួលដល់ចរាចរណ៍របស់ជលយាន្ត គ្រប់ប្រភេទផងនោះ លោកហួ ស្រ៊ុន ដែលជាម្ចាស់ដែនឡូត៍នេសាទលេខ៦បានអនុវត្តការងារស្តារព្រែកនេះរយៈពេល២១ថ្ងៃ រហូតទទួលបានលទ្ធផលវិជ្ជមានគួរកត់សម្គាល់ ។
លោកសោម ភិរុណ នាយរងខណ្ឌរដ្ឋបាលជលផលកំពង់ឆ្នាំង រួមជាមួយមន្ត្រីនាយកដ្ឋានកិច្ចការជលផលនៃរដ្ឋបាលជលផល និងមន្ត្រីផ្នែករដ្ឋបាលជលផលផ្សារឆ្នាំងបានធ្វើការចុះត្រួតពិនិត្យសកម្មភាពនៃការកែលម្អដែននេសាទ លោកបានឱ្យដឹងថា ការស្តារព្រែករបស់ម្ចាស់ឡូត៍នេសាទលេខ៦ ដែលមានម្ចាស់ឈ្មោះហួ ស្រ៊ុន នោះគឺចាប់ផ្តើមពីថ្ងៃទី២៤ មីនា ២០១១ រហូតដល់ថ្ងៃទី១១ មេសា ទើបបានបញ្ចប់ជាស្ថាពរដោយប្រើប្រាស់នូវម៉ាស៊ីនធំប្រភេទកម្លាំង១៨០សេះ បំពាក់ដោយទុយោមានទំហំមុខកាត់២តឹក និងមានប្រវែង៥០០ម៉ែត្រ ។ ជាលទ្ធផលគឺស្តារបានប្រវែងបណ្តោយ៤២០ម៉ែត្រ ទទឹង២៥ម៉ែត្រនិងជម្រៅ១ម៉ែត្រ គិតជាសាច់ដីមានទំហំ១០.៥០០ម៉ែត្រគូប ។
ក្រោយការត្រួតពិនិត្យហើយលោកនាយរងខណ្ឌរដ្ឋបាលជលផល សោម ភិរុណ ក៏បានណែនាំដល់ម្ចាស់ឡូត៍ត្រូវខិតខំបំពេញកាតព្វកិច្ចរបស់ខ្លួនដូចជារៀបចំឱ្យមានកន្លែងអភិរក្សមេពូជត្រីយ៉ាងហោចណាស់២តោន ដើម្បីទុកលែងចូលបឹងធម្មជាតិ ត្រូវនាំនិងការពារព្រៃលិចទឹកឱ្យបានល្អប្រសើរ ពិសេសទប់ស្កាត់បទល្មើសជលផលមានដូចជាឧបករណ៍ឆក់ត្រីជាដើម៕
ចែករំលែកព័តមាននេះ