ខេត្តបន្ទាយមានជ័យ ៖ សំណង់ពោធិ៍២ដើមដែលក្រសួងធនធានទឹក និងឧតុនិយម នឹងអាចកសាងរួចរាល់នៅដើមឆ្នាំ២០២៣នេះ ដែលមានទីតាំងស្ថិតភូមិពោធិ៍ពីរដើម ឃុំរហាត់ទឹក ស្រុកមង្គលបូរី ។ ជាក់ស្តែង…
ខេត្តបន្ទាយមានជ័យ ៖ សំណង់ពោធិ៍២ដើមដែលក្រសួងធនធានទឹក និងឧតុនិយម នឹងអាចកសាងរួចរាល់នៅដើមឆ្នាំ២០២៣នេះ ដែលមានទីតាំងស្ថិតភូមិពោធិ៍ពីរដើម ឃុំរហាត់ទឹក ស្រុកមង្គលបូរី ។
ជាក់ស្តែង កាលពីថ្ងៃទី០៧ ខែកុម្ភៈ ឆ្នាំ២០២៣នេះ គេឃើញសកម្មភាពជាងកំពុងបន្តធ្វើសំណង់ពោធិ៍ពីរដើមជាធម្មតា តែការកសាងនេះឃើញថា បានជិតរួចរាល់ហើយនៅតែសល់តែការងារតិចតួចប៉ុណ្ណោះ ស្ទើររួចរាល់ហើយទាំងស្រុង ដែលគ្រោងអាចដើមឆ្នាំ២០២៣នេះរួចរាល់តែម្តង ។
លោក ឡាយ សុធី អនុប្រធានមន្ទីធនធានទឹក និងឧតុនិយមខេត្តបន្ទាយមានជ័យបានប្រាប់ថា សំណង់ពោធិ៍ពីរដើមដែលត្រូវបានកសាងថ្មីនេះ គឺកសាងដោយក្រសួងធនធានទឹក និងឧតុនិយមដែលកសាងសំណង់ពោធិ៍ពីរដើមជាសំណង់កណ្តាលស្វ័យប្រវត្តិដែលត្រូវបានកសាងនៅដើមឆ្នាំ២០២២ ហើយអាចរួចរាល់នៅដើមឆ្នាំ២០២៣ខាងមុខនេះ ។
លោកបានបញ្ជាក់ថា សំណង់ពោធិ៍ពីរដើមដែលកសាងថ្មីដែលជិតរួចរាល់នេះ ជាសំណង់ពាក់កណ្តាលស្វ័យប្រវត្តិដែលមានមុខទឹកធំអាចរំដោះទឹកបានលឿន និងបិទបើក សម្រាប់តម្រូវការទឹកលើវិស័យកសិកម្មនៅស្រុកមង្គលបូរីខេត្តបន្ទាយមានជ័យ ដើម្បីតម្រូវការចាំបាច់របស់ប្រជាកសិករសម្រាប់បង្កបង្កើនផលស្រូវ ។
លោក ឡាយ សុធី បានបញ្ជាក់ថា សំណង់ពោធិ៍ពីរដើមដែលកសាងដោយក្រសួងធនធានទឹក និងឧតុនិយមដែលបានវ៉ៃសំណង់ចាស់ចោល ព្រោះតូចចង្អៀត ហើយកសាងសំណង់ថ្មីពាក់កណ្តាលស្វ័យប្រវត្តិ ដើម្បីតម្រូវការចាំបាច់ការបិទបើកទឹកជូនប្រជាពលរដ្ឋប្រើប្រាស់និងបង្កបង្កើតផល ។
ព័ត៌មានបន្ថែមកោះសន្តិភាពនឹងមានផ្សាយជូនបន្ត ។
ចែករំលែកព័តមាននេះ