បើយោងទៅតាមរយៈសារព័ត៌មានដែលមានឈ្មោះថា «Allkpop» បានផ្សព្វផ្សាយរាយការណ៍ប្រាប់អោយដឹងថា មានបណ្ដាអ្នកគាំទ្រទាំងក្នុង និងនៅក្រៅប្រទេស ហាក់កំពុងតែមានការភ្ញាក់ផ្អើល និងនឹកស្មានមិនដល់គ្រប់ៗគ្នា ជាពិសេសមហាជននៅក្នុងប្រទេសកូរ៉េខាងត្បូងតែម្ដង ក្រោយនាំគ្នាបានប្រទះឃើញ
ប្រទេសកូរ៉េ ៖ នៅថ្ងៃទី៧ ខែកុម្ភៈ ឆ្នាំ២០២៣នេះ បើយោងទៅតាមរយៈសារព័ត៌មានដែលមានឈ្មោះថា «Allkpop» បានផ្សព្វផ្សាយរាយការណ៍ប្រាប់អោយដឹងថា មានបណ្ដាអ្នកគាំទ្រទាំងក្នុង និងនៅក្រៅប្រទេស ហាក់កំពុងតែមានការភ្ញាក់ផ្អើល និងនឹកស្មានមិនដល់គ្រប់ៗគ្នា ជាពិសេសមហាជននៅក្នុងប្រទេសកូរ៉េខាងត្បូងតែម្ដង ក្រោយនាំគ្នាបានប្រទះឃើញតារាសម្ដែង ក៏ដូចជាតារាចម្រៀងប្រុសដ៏ស្រស់សង្ហា មុខមាត់មានមន្តស្នេហ៍ គួរអោយទាក់ទាញ រាងខ្ពស់ស្រឡះ នោះគឺលោក Lee Seung Gi នឹងរៀបការជាមួយតារាសម្ដែងស្រីវ័យក្មេងសាច់.សខ្ចីដូចសំឡី គឺកញ្ញា Lee Da In ហើយ ដោយអ្នកទាំងពីរនឹងចាប់ផ្ដើមនៅខែមេសាឆាប់ៗខាងមុខនេះតែម្ដង។
ដំណឹងមួយនេះផងដែរ បានធ្វើអោយអ្នកគាំទ្រទាំងប្រុសទាំងស្រី បាននាំគ្នាសម្ដែងការរំភើបសប្បាយចិត្តរីករាយជាខ្លាំង នៅពេលដែលបានឃើញតារាប្រុសរូបនេះ ចេញមុខមកនិយាយខ្លួនឯងដោយផ្ទាល់បែបនេះ ហើយពួកគេក៏សង្ឃឹមថា លោកនឹងកាន់តែមានសេចក្ដីសុខសុភមង្គលខ្លាំងឡើងៗ នៅពេលដែលបានសាងនៅគ្រួសារក្នុងពេលខាងមុខនេះ។
ដោយក្នុងនោះ តារាចម្រៀង និងតារាសម្ដែង ដែលបានធ្វើអោយនារីៗមិនតិចនាក់ធ្លាក់ក្នុងអន្លង់ស្នេហ៍ លោក Lee Seung Gi បានចេញមុខមកប្រកាសក្ដែងៗអោយគ្រប់គ្នាបានដឹងនៅចំពោះមុខមហាជន ក៏ដូចជាអ្នកគាំទ្រ ដោយគ្មានលាក់លៀមនៅលើគណនី Instagram ទាំងបើកចំហ បែបនេះថា «លោកនឹងរៀបការជាមួយមិត្តស្រីដែលមានឈ្មោះថា Lee Da In ហើយ»។
ភ្លាមៗនោះ តារាប្រុសលោក Lee Seung Gi បានបង្ហោះនៅសារសំបុត្រមួយ ថែមទាំងសរសេរដោយដៃរបស់លោកផ្ទាល់បញ្ជាក់នៅលើ Instagram របស់តារាប្រុសរូបស្រស់សង្ហានេះកាលពីថ្ងៃទី៧ ខែកុម្ភៈ ឆ្នាំ២០២៣កន្លងទៅ ដោយបាននិយាយថា «ខ្ញុំបានសម្រេចចិត្តចំណាយពេលពេញមួយជីវិតរបស់ខ្ញុំជាមួយ Da In ដែលខ្ញុំស្រឡាញ់ មិនមែនជាគូស្នេហ៍ទេ តែជាគូស្នេហ៍ (រៀបការ)»។
មិនតែប៉ុណ្ណោះតារាសម្ដែងរូបនេះ បាននិយាយប្រាប់បន្តអោយដឹងទៀតថា «ខ្ញុំបានស្នើសុំ និងទទួលបានការយល់ព្រមពីខាងស្រីហើយ ដូច្នេះខ្ញុំគ្មានអ្វីត្រូវលាក់បាំងតទៅទៀតនោះទេ ហើយនៅក្នុងពេលខាងមុខនេះផងដែរ យើងនឹងរៀបការនៅថ្ងៃទី៧ ខែមេសា ឆ្នាំ២០២៣ នាពេលខាងមុខឆាប់ៗនេះហើយ។ បើនិយាយពីគូស្នេហ៍របស់ខ្ញុំវិញ នាងគឺជាមនុស្សម្នាក់ដែលមានចិត្តកក់ក្តៅ និងស្រលាញ់នៅអ្វីដែលខ្ញុំមាន ដូច្នេះហើយទើបធ្វើអោយខ្ញុំចង់រស់នៅក្បែរនាងជារៀងរហូតទៅ» ។
ទន្ទឹមនឹងនោះ តារាប្រុសសង្ហា លោក Lee Seung Gi ក៏បានបង្ហើបចំៗបន្ថែមទៀតយ៉ាងដូច្នេះថា «ខ្ញុំចង់រៀបការ ដើម្បីឱ្យពួកយើងបានចែករំលែកនៅសុភមង្គលដល់គ្នាទៅវិញទៅមក មើលថែយកចិត្តទុកដាក់ចំពោះគ្នា ហើយខ្ញុំក៏ចង់ជម្នះនៅទុក្ខលំបាកជាមួយគ្នាដោយមិនបោះបង់ចោលគ្នាទៅវិញទៅមកផងដែរ ពីព្រោះថា ការស្រលាញ់របស់មនុស្សយើងម្នាក់ៗមិនមែនស្រលាញ់គ្នាមួយថ្ងៃ ហើយបែកគ្នានោះទេ ការស្រលាញ់មិនមែនចេះតែនិយាយអោយតែរួចៗពីមាត់នោះឡើយ សំខាន់ផ្ដោតទៅលើទង្វើដែលបានបង្ហាញអោយឃើញចេញមកយ៉ាងជាក់ស្ដែង អបអរសាទរគូស្នេហ៍!»។
មិនទុកចាំយូរ ពេលបានដឹងព័ត៌មានគេចុះផ្សព្វផ្សាយ និងបានប្រទះឃើញតារាប្រុសខាងលើរូបនេះ ចេញមុខមកប្រកាសដូច្នេះរួចមក ក៏មានអ្នកគាំទ្រមិនតិចនាក់នោះឡើយ បាននាំគ្នាចូលទៅខមិនអបអរសាទរគ្រប់ៗគ្នាថា «សូមអបអរសាទរ ចំពោះអ្នកទាំងពីរ សូមជូនពរបង និង ដា ជួបតែសេចក្តីសុខគ្រប់ប្រការ ជាពិសេសមានសុភមង្គលនៅក្នុងក្រុមគ្រួសារ សូមឲ្យអ្នកបានទទួលពរពីព្រះក្នុងជីវិតដ៏ល្អជាមួយគ្នានៅដំណឹងដ៏អស្ចារ្យបែបនេះ»។ «កាលពីកន្លងទៅ មានគេប្រកាសថា បានប្រទះឃើញតារាប្រុសលោក Lee Seung Gi និងមិត្តស្រីរបស់លោក ពួកគេបានណាត់ជួបគ្នាកាលពីឆ្នាំ២០២១ ហើយឥឡូវនេះស្ទើរតែមិនចង់ជឿសោះថា នៅទីបំផុតពួកគេនឹងរៀបការហើយ ខ្ញុំពិតជាសប្បាយចិត្តខ្លាំងណាស់សម្រាប់ Seunggi របស់យើង! សូមអបអរសាទរអាយដលផង»។
អ្នកខ្លះបានខមិនទៀតថា « Wah អបអរសាទរ អ្នកទាំងពីរផង ចំពោះដំណឹងដ៏គួរអោយភ្ញាក់ផ្អើលមួយនេះ។ ពីមុខមក ខ្ញុំមិនបានដឹងទេ ប្រសិនបើពួកគេណាត់ជួបគ្នា ប៉ុន្តែសូមជូនពរឱ្យអាពាហ៍ពិពាហ៍របស់អ្នក មានអាយុវែង ហើយចាប់ផ្តើមទំព័រថ្មី សូមព្រះប្រទានពរដល់អ្នក»។ «នោះហើយដែលជាហេតុធ្វើឱ្យខ្ញុំហាក់មានការភ្ញាក់ផ្អើល ព្រោះខ្ញុំមិនដែលដឹងទេថា អ្នកទាំងពីរកំពុងណាត់ជួបគ្នានោះទេ នេះលក្ខណៈថា លួចស្រលាញ់គ្នាស្ងាត់ៗ ដល់ថ្ងៃល្អមួយបានបើកបង្ហាញតែម្ដង នឹងឯងពិតជាគូស្នេហ៍ដ៏អាថ៍កំបាំងពិតប្រាកដមែន ខ្ញុំសូមសរសើរ»៕
ចែករំលែកព័តមាននេះ