កម្មវិធី «ដូច្នឹងផង» របស់ទូរទស្សន៍ថោនកំពុងទាក់ទាញការចាប់អារម្មណ៍
រាជធានីភ្នំពេញ ៖ ខណៈកំពុងទទួលបានការចាប់អារម្មណ៍ពីទស្សនិកជនក្នុងការបញ្ចាំងរឿងដុំមក ទូរទស្សន៍ថោន
រាជធានីភ្នំពេញ ៖ ខណៈកំពុងទទួលបានការចាប់អារម្មណ៍ពីទស្សនិកជនក្នុងការបញ្ចាំងរឿងដុំមក ទូរទស្សន៍ថោន
រាជធានីភ្នំពេញ ៖ ខណៈកំពុងទទួលបានការចាប់អារម្មណ៍ពីទស្សនិកជនក្នុងការបញ្ចាំងរឿងដុំមក ទូរទស្សន៍ថោន បង្ហាញកម្មវិធីកំប្លែងថ្មីមួយទៀតមានឈ្មោះថា «ដូច្នឹងផង!» ។ កាលពីថ្ងៃទី២៦ ខែកក្កដា ឆ្នាំ២០១៧ ឃ្លីបវីដេអូជាច្រើនធ្វើឲ្យមហាជនផ្ទុះសំណើច ទាំងនៅលើកញ្ចក់ទូរទស្សន៍ លើយូធូប និងលើហ្វេសប៊ុក ។
លោកប៊ុន រតនា ដែលគេស្គាល់តាមរយៈការដឹកនាំសម្តែងបទចម្រៀងមនោសញ្ចេតនាល្បីៗ ឲ្យដឹងកាលពីថ្ងៃទី៣១ ខែកក្កដា ថាលោកបានចូលទៅគ្រប់គ្រងផ្នែកផលិតកម្មវិធីនៅស្ថានីយទូរទស្សន៍ Town Full HDTV ជាមួយកម្មវិធីថ្មី ដែលកំពុងទទួលបានការចាប់អារម្មណ៍ខ្លាំងពីមហាជន ។ អ្នកដឹកនាំបទ «ពុកខ្ញុំជាប៉ូលិសចរាចរ» រូបនេះបន្តថាកម្មវិធីថ្មីដែលលោកកំពុងផលិតរួមជាមួយក្រុមការងារផលិតកម្ម និងស្ថានីយទូរទស្សន៍ថោន បានផ្សាយចេញ បណ្តើរៗ រាប់រយឃ្លីបនោះ ជាកម្មវិធីកំប្លែងខ្លី «ដូច្នឹងផង!» ដាក់បញ្ចាំងចាប់ពីថ្ងៃចន្ទដល់អាទិត្យ វេលាម៉ោង៧ដល់ម៉ោង៩យប់។
លោកប៊ុន រតនា ហៅសេម និយាយថា «ដូចយើងដឹងស្រាប់ហើយ កម្មវិធីកំប្លែងវាពិបាកណាស់ ដើម្បីធ្វើឲ្យមនុស្សសើចបាន តែទីបំផុត ខាងផលិតកម្មថោន និងស្ថានីយទូរទស្សន៍ថោនយើងអាចធ្វើវាបាន ដោយជាក់ស្តែងយើងឃើញអុីចឹងមែន មហាជនចូលចិត្តមើលច្រើន » ។ លោកប៊ុន រតនា ជាផលិតករដឹកនាំបទចម្រៀងដូចជាបទ «I am Sorry» បទ«អស់ឱកាស» បទ«ហេតុអ្វីឱ្យបងស្គាល់អូន» បទ «ពេលនេះម៉ោងនេះខ្ញុំឈឺចាប់ជាទម្ងន់» និងបទ «ពុកខ្ញុំជាប៉ូលិសចរាចរ» ៕
ចែករំលែកព័តមាននេះ