ភ្នំពេញ៖ លោកឧបនាយករដ្ឋមន្ត្រី ប្រាក់ សុខុន រដ្ឋមន្ត្រីការបរទេស បានជំរុញ​ឱ្យ​កិច្ចសហប្រតិបត្តិការរវាងក្រសួង-ស្ថាប័ន​ពាក់ព័ន្ធ​ជាមួយវិស័យ​ឯកជន កាន់តែមានប្រសិទ្ធភាព ដើម្បីចូលរួមចំណែក​លើកស្ទួយ​ការអភិវឌ្ឍសេដ្ឋកិច្ច-សង្គមជាតិ។

ការលើកឡើងនេះ បានធ្វើឡើង ក្នុងសិក្ខាសាលា ស្ដីពី វឌ្ឍនភាពការងារការទូតសេដ្ឋកិច្ច ឆ្នាំ២០២១-២០២៣ នាថ្ងៃទី៧ ខែកុម្ភៈ ឆ្នាំ២០២៣។ សិក្ខាសាលានេះ រៀបចំឡើងដោយ​ក្រុមការងារ​សម្របសម្រួល​ការទូតសេដ្ឋកិច្ច នៃក្រសួងការបរទេស និងសហប្រតិបត្តិការអន្តរជាតិ នៅសណ្ឋាគារ Hyatt Regency Phnom Penh តាមទម្រង់ Hybrid។