រាជធានីភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា មានគម្រោងជាផ្លូវការ ក្នុងការចុះទៅតាមរោងចក្រកាត់ដែរ «ដើម្បីស្វែងយល់បន្ថែមនូវស្ថានការណ៍ និង
រាជធានីភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា មានគម្រោងជាផ្លូវការ ក្នុងការចុះទៅតាមរោងចក្រកាត់ដែរ «ដើម្បីស្វែងយល់បន្ថែមនូវស្ថានការណ៍ និងជីវភាពរបស់កូនក្មួយកម្មករ»។ នេះបើតាមការឲ្យដឹងរបស់លោក ផៃ ស៊ីផាន អ្នកនាំពាក្យគណៈរដ្ឋមន្ត្រីនៅព្រឹកថ្ងៃទី ០៤ សីហា ឆ្នាំ២០១៧ នេះ។
លោក ផៃ ស៊ីផានបានសរសេរក្នុងហ្វេសប៊ុករបស់លោកថា៖ «ការចុះជួបនេះ គឺអាចធ្វើទៅតាមលទ្ធភាពនៅរៀងរាល់ថ្ងៃអាទិត្យ ដែលអាចធ្វើទៅបាន បន្ទាប់ពីជួបជាមួយនឹងកម្មករ កម្មការនី នៅកោះពេជ្រ ថ្ងៃទី២០ ខាងមុខនេះ។ ការពង្រឹងភាពជិតស្និតរវៀងសម្ដេច និងកម្មករ បង្ហាញនូវការយកចិត្តទុកដាក់ខ្ពស់របស់សម្ដេចបន្ថែមលើវិធាន និងគោលនយោបាយគាំទ្រ និងសុវត្ថិភាពរបស់កម្មករ»។
សូមបញ្ជាក់ផងដែរថា ក្នុងខែកញ្ញាខាងមុខនេះ ការប្រជុំស្តីពីប្រាក់ឈ្នួលអប្បបរមានឹងចាប់ផ្តើមជាលក្ខណៈទ្វេរភាគី ហើយបច្ចុប្បន្ននេះក្រសួងការងារក៏បាននឹងកំពុងតែធ្វើការសិក្សាមួយអំពីស្ថានភាពជីវភាពបងប្អូនកម្មករតាមរោងចក្រសំណាកមួយចំនួន ដើម្បីឲ្យបានពត៌មានជាក់លាក់ថា ត្រូវដាក់កម្រិតប្រាក់ឈ្នួលអប្បបរមាសម្រាប់ធ្វើការចរចារ៕
ចែករំលែកព័តមាននេះ