ប្រជាពលរដ្ឋឃុំព្រៃមូល សប្បាយចិត្តរំពឹងថា…
ខេត្តកំពង់ឆ្នាំង ៖ ប្រជាពលរដ្ឋ ឃុំព្រៃមូល ស្រុករលាប្អៀរ បានសម្តែងក្តីរីករាយសប្បាយចិត្ត ដោយសារមានមន្ត្រី នៃមន្ទីរដែនដីនគររូបនីយកម្មសំណង់
ខេត្តកំពង់ឆ្នាំង ៖ ប្រជាពលរដ្ឋ ឃុំព្រៃមូល ស្រុករលាប្អៀរ បានសម្តែងក្តីរីករាយសប្បាយចិត្ត ដោយសារមានមន្ត្រី នៃមន្ទីរដែនដីនគររូបនីយកម្មសំណង់
ខេត្តកំពង់ឆ្នាំង ៖ ប្រជាពលរដ្ឋ ឃុំព្រៃមូល ស្រុករលាប្អៀរ បានសម្តែងក្តីរីករាយសប្បាយចិត្ត ដោយសារមានមន្ត្រី នៃមន្ទីរដែនដីនគររូបនីយកម្មសំណង់ និងសុរិយោដី បានចុះវាស់វែងដីធ្លីរបស់ពួកគាត់ ដើម្បីចេញប័ណ្ណកាន់កាប់ដោយស្របច្បាប់ សម្រាប់ជាប្រយោជន៍ ក្នុងការយកប្រើតាមតម្រូវការផ្សេងៗ។ ប្រជាពលរដ្ឋ ដែលកំពុងរង់ចាំមន្ត្រីសុរិយោដីវាស់ដីធ្លីជូនពួកគាត់បានលើកឡើងថា ពួកគាត់មានសេចក្តីរីករាយក្នុងចិត្ត ព្រោះបានមន្ត្រីសុរិយោដីចុះវាស់វែងដីធ្លីឲ្យពួកគាត់ដល់លំនៅដ្ឋាន មានខ្លះមានដីស្រែ ដីភូមិជាដើម ដោយម្នាក់ៗមាន២-៣ក្បាលដី។ ហើយការវាស់វែងនេះ មិនបង់ប្រាក់នោះទេ។
ការដែលពួកគាត់សប្បាយចិត្តព្រោះ នៅពេលបានប័ណ្ណ(ប្លង់) កម្មសិទ្ធិស្របច្បាប់នេះ គាត់នឹងអាចយកទៅប្រើប្រាស់ជាប្រយោជន៍ផ្សេងៗ ដូចជាចែកកេរិ៍្តឲ្យកូនចៅ និងពេលខ្លះត្រូវការប្រាក់ចាំបាច់ ត្រូវយកទៅលក់ ឬបញ្ចាំជាដើម។ ពួកគាត់សូមថ្លែងអំណករគុណ ដល់មន្ត្រីសុរិយោដី អាជ្ញាធរខេត្ត និងប្រមុខរាជរដ្ឋាភិបាលដែល ដាក់ចេញផែនការវាស់ដីជាប្រព័ន្ធចែកជូនប្រជាពលរដ្ឋបែបនេះ។ លោក កែម សំអាត មន្ត្រីសុរិយោដីខេត្តបានឲ្យដឹងដែរថា ដើម្បីចុះវាស់ដីជាប្រព័ន្ធដំបូង ត្រូវចុះបើកតំបន់វិនិច្ឆ័យក្នុងឃុំសិន និងចុះផ្សព្វផ្សាយតាមភូមិដែលត្រូវវាស់ឲ្យបងប្អូនប្រជាពលរដ្ឋបានដឹង និងយកឯកសារពាក់ព័ន្ធ។
បន្ទាប់មក មានតំណាងឲ្យភូមិម្នាក់ដែលស្គាល់អត្តសញ្ញាណដីច្បាស់ដើរជាមួយ ហើយចុះវាស់ដីជូនប្រជាពលរដ្ឋតែម្តង។ ចំណែករបៀបវាស់ ត្រូវវាស់ជាបន្តបន្ទាប់ជាប់ៗគ្នាទាំងអស់មិនអាចឆ្លាស់គ្នាបាននោះទេ ម្យ៉ាងវិញទៀត បើចុះឃុំណាធ្វើឃុំនោះរហូតដល់ហើយទើបដកទៅឃុំមួយទៀត។ លោកបានបញ្ជាក់ដែរថា បច្ចុប្បន្នកំពុងវាស់ ក្នុងឃុំព្រៃមូល ដោយចែកចេញជា៥ក្រុមខុសៗគ្នា ហើយក្រុមរបស់លោក មួយព្រឹកធ្វើបានពី៧០ទៅ៨០ក្បាលដី។ ទោះយ៉ាងនេះក្តី ការវាស់ដីធ្លីជាប្រព័ន្ធនេះជួបប្រទះបញ្ហាខ្លះដែរ ហើយមិនអាចធ្វើលឿនបានឡើយ ដូចនៅឃុំព្រៃមូលនេះ ធ្វើជាង៨ខែហើយ បានតែ៥ភូមិទេ នៅ២ភូមិទៀតទើបចប់៕
ចែករំលែកព័តមាននេះ